Gisagara :Umugore aravuga ko umugabo we amukubita akabeshyera inka

Amakuru   Yanditswe na: Nsanzimana Ernest 15 October 2017 Yasuwe: 4904

Alexia Tuyishimire umaranye imyaka isaga umunani n’umugabo we avuga ko amuhohotera bikabije kugera n’aho aheruka kumukubita agahera mu nzu akamubuza kugira uwo abibwira akajya agenda avuga ko ari inka yamwishe.

Uyu mubyeyi w’abana batatu utuye mu murenge wa Save kagari ka Shyanda umudugudu wa kirehe avuga ko umugabo we witwa Habimana Eugene bamaranye imyaka umunani amuhohotera mu buryo burimo kumukubita, kumubuza kwandikisha abana, kumutwikira imyenda, kumubuza kugera aho abandi bari nko mumuganda n’ibindi.

Tuyishimire kugeza ubu uri iwabo aho yahukaniye ngo bamwiteho bamuvuze ibikomere by’inkoni yatewe n’umugabo uheruka kumukubita yaganiriye n’umuryango awutekerereza agahinda ke.

Ati “Nari maze kumenyera ko aza ankubita ngateka nkigira hanze ahitaruye ngo atansanga munzu. Yaje rero ahari kubivumbura kuko ubwo yankubitaga yaraje tutanavuganye ndi munzu ahita akinga antangira ubwo arahondagura avuga ati ndakwica mfungwe arangije ambuza kugira uwo mbibwira ngo nge mvuga ko ari inka yanyishe”

Ibi kandi ngo binagira ingaruka kubana kuko ngo iyo amukubita akenshi usanga batongera kuryama bagatakamba bati babarira mama ariko akababwira ko nabo abakubita nibaguma kuvuga.

Uyu mubyeyi avuga ko yakoze uko ashoboye agakuraho buri kimwe cyose cyatuma bagirana ikibazo ngo arebe ko yakubaka ariko ngo ntibikuraho inkoni we yita amafunguro ye ya buri munsi.

Ati “Tumaze imyaka umunani yose ariko hafi iyo myaka yose sinigeze mbona amahoro. Naretse inzoga mu myaka ine yose ishize ngo ndebe ko wenda nagira amahoro tukubaka ariko ntacyo byamaze.”

Uyu mugore avuga ko umugabo we yamubujije guhahira urugo ngo nta mugore wahahiye urugo, nyamara ngo nyamugabo atajya ahaha.

Ati “Najyaga mbona ntacyo gutekera abana nkamusanga kukabari ngo mwake amafaranga yataha intambara ikarota ngo mba naje kumugenzura, Ibyo nabyo ndabireka nkajya nshaka ibiraka ngakora ngo abana bakunde babeho naba nagize umwaku agasanga tutararya ibiryo akabimena tukaburara n’abana. nabyo biba ikibazo nkajya ndara hanze ngo ntamugore wahahiye urugo.”

Nyamara n’ubwo ngo umugabo amubuza guhahira abana, ngo n’amatungo umugore agerageje gushaka ngo arayagurisha atabizi n’ubutaka butegereye urugo bagahinzemo ibibatunga yagiye abugurisha abo bagiye kugura bamusaba ko umugore ashyira umukono kunyandiko akababwira ko ntawe afite yamwirukananye n’abana umugore akazabyumva bimusanze mu rugo atazi uko byakozwe.

Ati “Niyakiye uduhene abaturanyi ngo nturagire ibyaye izayo azigurishiriza ku kabari nshiduka baza kuzitwara ngize ngo ndabaza bati twaraziguze”

Uyu mugore yavuze ko ubwo yari yararembeye mu nzu yatumye ku mukuru w’ umudugudu witwa Mutungirehe Samweli ntibigire icyo bitanga. Amakuru uyu mugore yaje kumenya ngo ni uko mudugudu yari yarabwiwe na Habimana ko Tuyishimire inka yamwishe.

Tuyishimire avuga ko umugabo we Habimana amubuza kujya aho abandi bari nko mu muganda mu nama n’ahandi. Ngo iyo abirenzeho akajyayo arataha bakabipfa. Tuyishimire avuga ko iyi ari imwe mu mpamvu yatumye ihohoterwa abura uko agaragaza ihohoterwa akorerwa.

Umunyabanga nshingwabikorwa w’umurenge wa Save Kimonyo Innocent yabanje gutangariza Umuryango ko iki kibazo atakizi, ahita atangira kugikurikirana amaze kumenya amakuru neza avuga ko yakimenye ndetse ko agiye kugira icyo abikoraho.

Yagize ati “ Twakurikiranye amakuru dusanga koko yarahohotewe ariko arabyihererana ntiyabimenyesha ubuyobozi. Gusa ubu twamwegereye turamuganiriza atanga amakuru ndetse n’umugabo we turamushyikiriza inzego za police akurikiranwe.”

Kimonyo yakomeje avuga ko ubusanzwe bafite umuhigo wo gukurikirana ingo zibana mu makimbirane kuko ari aturukaho ihohoterwa. Ngo izi ngo baraziganiriza gusa bahura n’ imbogamizi zirimo kuba kuba hari abagore bahohoterwa bagakingira ikibaba abagabo babo. Uretse ibi ngo hari n’abatanga amakuru abagabo babo bamara kubafunga imiryango y’abo bagabo igasigara ibatoteza cyangwa abaturanyi bavuga akarengane umugore runaka akorerwa ugasanga umugore arabitambitse agamije gukingira ikibaba umugabo we.

Uyu muyobozi asanga abagore bakwiye kwikuramo iyi mico yo guhishira no kudatanga amakuru bitwaje kubura aho banyura kuko ngo nta mudugudu n’umwe udafite telefone ku buryo bahamagara inzego z’ubuyobozi zikabafasha.

Kugeza ubu mu ngo 29707 zibarurwa muri uyu murenge wa save ingo 39 nizo zibana mu makimbirane ariko zishobora kugabanuka umunsi kumunsi kuko hari gahunda nyinshi zo kuganiriza izi ngo hakaba hari izakwisubira ho izindi zikaba zakwiyongeraho.

Uwiringiyimana Clementine

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble

    Birababaje

    4 months ago
  • chat_bubble Marceline

    POLISI ITE MURI YOMBI IYO NKOZI Y’ IBIBI. KWADUKIRA UMUGORE WASHATSE UGAHONDAGURA . UYU MUGABO NI INYAMASWA. UMUGABO NK’ UYU IMANA IZAMUNDINDE

    4 months ago
  • chat_bubble Adeline

    Mana we uyu mugore arambabaje disi, namuhungu kuko yazamumugaza

    4 months ago
  • chat_bubble Thomas

    Mudukurikiranire tumenye itandaro y’ aya makimbirane kuko ntabwo umuntu yapfa guhohotera umugore we bigeze aha. Umuyobozi w’ umudugudsu nawe polisi imufate kuko bisa naho yafatanyije na Eugene guhohotera uyu mugore

    4 months ago
  • chat_bubble Majyambere Tito

    ibi biracyabaho kweli

    4 months ago
  • chat_bubble Jules

    Umuryango murakoze kutugezaho iyi nkuru, ubuyobozi bufashe uyu mubyeyi nta muntu ukwiye guhozwa ku nkeke nuwo yashatse. bakurikirane neza niba iby’ uyu mugabo avugwaho ari ukuri azahanwe bibere n’ abandi urugero.

    4 months ago

Inzindi nkuru

Ngoma: Hari amafarumasi yafatiwemo imiti yarengeje igihe

Ubuyobozi bw’ akarere ka Ngoma bwakoze igenzura busanga amwe mu mafarumasi...
14 February 2018 Yasuwe: 305 0

Gakenke: Igisasu cyakomerekeje batanu aho bivugwa ko hahoze ibirindiro bya...

Abaturage batanu muri 150 barimo bahanga umuhanda mu Murenge wa Kivuruga mu...
13 February 2018 Yasuwe: 1202 0

Gatsibo: Pasiteri yaburiwe irengero nyuma gutera inda imfubyi yareraga...

Pasiteri Kayumba Fiston wayoboraga itorero Revelation Church Nyamatete ryo...
12 February 2018 Yasuwe: 1995 3

Gasabo: Umugabo yishe umugore babyaranye ngo yamwanduje SIDA

Umugabo w’ imyaka 27 wo mu karere ka Gasabo, I Gasogi mu kagari ka Rudashya,...
9 February 2018 Yasuwe: 2334 2

Polisi iranyomoza amakuru y’ uko umushoferi uzajya afatwa avugira kuri...

Polisi y’ u Rwanda ishami rishinzwe umutekano wo mu muhanda iranyomoza...
8 February 2018 Yasuwe: 13614 3

Ruhango: Amabandi batoboye Ikigo yiba mudasobwa abanyeshuri...

Abantu bataramenyekana batoboye Ikigo cy’ Urwunge rw’ amashuri rwa Bukomero...
8 February 2018 Yasuwe: 1738 2