skol
startimes

Huye: Urusamagwe rwarashwe n’inzego z’umutekano nyuma yo kwinjira mu rugo rw’umuturage

Amakuru   Yanditswe na: Dusingizimana Remy 11 September 2020 Yasuwe: 6244

Igisamagwe cyateye mu rugo rwo mu Mudugudu w’Agakera mu Kagari ka Rango-A Umurenge wa Mukura mu Karere ka Huye, giheza mu nzu abantu umunani barutuyemo.


Icyo gisamagwe bakeka ko cyahageze mu ijoro ryakeye kuko cyabonywe n’umwe mu bana bo muri urwo rugo ahita abimenyesha ababyeyi be barebye batangira gukeka ko ari ingwe.

Bagerageje gutabaza ubuyobozi n’inzego z’umutekano, zihagera ahagana saa saba n’igice kuri uyu wa Gatanu zitangira ibikorwa byo gushakisha iyo nyamaswa aho yihishe mu byuma birunze impande y’uruzitiro.

Umwe mu baheze mu nzu witwa Ndayamaje Alexis yabwiye IGIHE dukesha iyi nkuru ko inzego z’umutekano zahageze kandi zatangiye kurasa iyo nyamaswa.

Ati “Inzego z’umutekano n’abayobozi bahageze batangiye kurasa ni byo bakirimo ntabwo turayibona neza. Yihishe ahantu mu gipangu harunze ibyuma impande y’urugo.”

Umuyobozi w’Akarere ka Huye, Ange Sebutege, yabwiye IGIHE ko basanze ari igisamagwe kandi ko kimaze kwicwa.

Ati “Ni igisamagwe kimaze kwicwa.”

Alexis Ndayambaje,wanatabaje inzego z’umutekano, avuga ko abasirikare barurasiye mu idirishya na we yahoze arureberamo, hanyuma rugasimbuka urugo ruhunga, na bo bakarusanga aho rwaguye bakaruhorahoza.

Esperance Nyiranshuti, umugore wo muri uru rugo rwagaragayemo urusamagwe, ashimira ingabo zabatabaye kuko yari afite ubwoba ko rushobora kubasanga mu nzu rukabica, ndetse rukajya no mu muhanda hamwe no mu isoko rya Rango riri nko muri metero 300 rukica n’abandi bantu.

Inkuru ya IGIHE

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Carry

    Basanze ari igihutu cg n’igitutsi?

    2 months ago

Inzindi nkuru

Kigali: Abagabo 3 bafatanwe ibyapa byo ku muhanda bagiye kubigurisha

Ubuyobozi bw’Umujyi wa Kigali bwatangaje ko abagabo 3 bafashwe na Polisi y’u...
23 November 2020 Yasuwe: 2566 0

Umuhanzi Sergeant Robert ari gushakishwa kubera icyaha cyo gusambanya...

Umusirikare akaba n’umuhanzi Sergeant Major Kabera Robert wamenyekanye nka...
23 November 2020 Yasuwe: 5139 0

Rubavu:Abantu 52 bafashwe barenze ku mabwiriza yo kwirinda Covid-19 bari...

Polisi y’u Rwanda ikorera mu karere ka Rubavu,mu Murenge wa Gisenyi yafashe...
22 November 2020 Yasuwe: 1456 0

Rubavu: Polisi yafashe ukekwaho gukwirakwiza urumogi yigize...

Polisi y’u Rwanda ikorera mu Karere ka Rubavu mu Murenge wa Busasamana mu...
22 November 2020 Yasuwe: 3869 0

Gatsibo: Umugabo yiyahuye nyuma yo gukubita umugore we amushinja kumuca...

Umugabo wo mu Karere ka Gatsibo mu Murenge wa Gitoki, akekwaho gukubita...
21 November 2020 Yasuwe: 2213 0

Ngororero: RIB yataye muri yombi abayobozi 3 kubera ibyaha birimo...

RIB itangaza ko kuri uyu wa Gatatu tariki ya 18 Ugushyingo 2020, yafunze...
19 November 2020 Yasuwe: 1489 0