Icyo gihe: Inkotanyi zarogoye ibirori bya Habyalimana byo kwereka amahanga ko yatsinze "Inyenzi"

Amakuru   Yanditswe na: Joseph Hakuzwumuremyi 3 November 2018 Yasuwe: 24826

Mu gitondo cyo ku italiki ya 3/11/1990 Gen Maj Habyalimana Yuvenal yari yateganyije kwakirira i Gatuna ku mupaka w’u Rwanda n’Ubuganda abahagarariye ibihugu byabo mu Rwanda, abagize guverinoma n’abandi bakomeye bose. Ibirori byari mu rwego rwo kubereka ko intambara yarwanaga n’Inkotanyi we yitaga "Inyenzi" yayitsinze ndetse yanarangiye.

Mu rukerera rwo kuri uwo munsi w’ibirori, Jenerali ndetse n’abatumirwa bari bazindutse bitegura babonye ubutumwa bubamenyesha ko za "Nyenzi" bavugaga ko zatsinzwe zaraye ziyakirije amafunguro n’ibinyobwa byari bigenewe abashyitsi ndetse ziri ku mbuga aho ibirori byari bubere zirindiriye agasusuruko!

Iki gihe Inkotanyi zari zimaze kubona Umuyobozi mushya, Maj Paul Kagame zavuye Gatuna zerekeza ibirunga.

Uburyo bwo kurwana bwari buhinduye isura. Intambara yo gufata imisozi yari ihindutse hakurukiyeho iya kinyeshyamba na gicengezi. Ubu buryo bw’Intamabara no kurwana bwashegeshe Inzirabwoba zari zimenyereye ndetse zaranatojwe intambara ya gisirimu irwanwa ishyiramo "ikiruhuko"!

Inkotanyi mu birunga zakomeje kugaba ibitero ariko bisa n’ibidakanganye ariko nanone byangiza isura n’ikizere cy’imbaraga by’Inzirabwoba ku baturage mu kubarindira umutekano n’ibyabo.

Ibintu byaje kuba bibi cyane ubwo taliki 23/Mutarama/1991 Umujyi wa Ruhegeli wafatwaga n’Inkotanyi zikabohoza na Gereza ya Ruhengeli n’abari bayifungiyemo zarangiza zigasubira mu birunga aho zari zaje zituruka.

Gufata umujyi wa Ruhengeli byari nk’agahimano nyuma y’aho Minisitiri w’Ububanyi n’Amahanga yari avuye mu mishyikirano y’Amahoro i N’sele muri Zayire( Repubulika ya Demukarasi ya Kongo y’ubu) yagera i Kigali bamubaza uko yabonye "Inkotanyi" ati:" Ni abantu b’imihirimbiri inzara yishe".

Umujyi wa Ruhengeli wari ikimenyetso gikomeye ku ngoma ya Habyalimana kuko havukaga ibikomerezwa byinshi byari mu butegetsi n’igisilikali. Gufata uyu mujyi rero byongeraga gutuma rubanda ishidikanya ku bushobozi bw’inzirabwoba.

Nyuma y’aho imishyikirano y’amahoro isubukuye nibwo Inkotanyi zafashe agace zitaga "santimeterokare" ngo zibone icyo ziganiriraho. Iki gihe ibirindiro byavuye mu birunga biza ku Mulindi wa Byumba.

Uburyo bwa kinyeshyamba na gicengezi Inkotanyi zaje kubuhindura ubwo zatangizaga urugamba rwo guhagarika jenoside. Zazanye uburyo bw’intambara nabwo bwazonze Inzirabwoba bunatungura benshi benshi bari bamenyereye iby’intambara.

Mu rugamba rwo guhagarika jenoside Inkotanyi zakoresheje uburyo bwo "gutungura uwo muhanganye, kumugota, kumukubita ahababaza no kumusigira akayira ari bunyuremo amaze kubona ko yashegeshwe".

Author : Joseph Hakuzwumuremyi

Hakuzwumuremyi Joseph ni umunyamakuru utarabigize umwuga. Afite impamyabushobozi y’ikiciro cya kabili cya Kaminuza mu ikoranabuhanga n’icungamutungo. Yashinze ikinyamakuru cy’Akarere ka Gisagara, Amabengeza (ubu cyabaye Imbanzabigwi), yashinze ikinyamakuru cy’Akarere ka Bugesera, Bugesera Magazine. Yabaye umukorerabushake igihe kinini kuri Radio Salus. Ubu ni umunyamakuru usesengura inkuru za Politiki n’Umutekano ku kinyamakuru Umuryango.

Ibitecyerezo

  • Log in

    Amategeko n'amabwiriza birkurikizwa


  • chat_bubble gisagara

    Yes uvuze ukuri wowe witwa Rekeraho.Urugero,ntabwo abayehova bajya muli politike cyangwa mu gisirikare.Barangwa no kujya mu nzira bose bakabwiriza ubwami bw’Imana ku isi hose.Nkeka ko abantu babigannye isi yagira amahoro.

    1 month ago
  • chat_bubble Rekeraho

    Intambara zo muli Afrika hafi ya zose,ni "civil wars".Nukuvuga abanyagihugu birwanira.Reba ibyabaye Burundi,Uganda,RDC,Somalia,Libya,Congo Brazaville,Angola,Rwanda,etc...Birababaje kubona abantu barwana kandi imana imaze kuturema,yaradusabye "gukundana",itubuza kwicana.Abakristu nyakuri,ntabwo bajya barwana cyangwa ngo bicane.Kandi rwose barahari nubwo ari bake cyane.Ibyo bihuye nuko Yesu yasize avuze ko abantu banyura mu nzira ijyana ku buzima bw’iteka ari bake cyane nkuko dusoma muli Matayo 7:13,14.

    November 2018

Inzindi nkuru

Iperereza ku bwicanyi bwakorewe CSP Hubert Gashagaza (Rtd) na Alexia...

Mu ijoro ryo ku italiki 17 rishyira 18/9/2018 nibwo umurambo wa CSP Hubert...
29 April 2019 Yasuwe: 8237 4

Ko abaturage b’Amerika n’Uburayi basabwe kwitondera gusura u Rwanda bivuze...

Leta Zunze Ubumwe z’Amerika, Ubudage, Ubufaransa, Ubwongereza, Australia,...
26 April 2019 Yasuwe: 5640 2

HUYE:Kubwimana yitabye Imana hashize isaha imwe avuye guhabwa...

Nyakwigendera yitabye Imana kuri iki Cyumweru cya Pasika tariki 21 Mata...
22 April 2019 Yasuwe: 5499 0

Ko bwari bwije uwarashe indege ya Habyalimana yabwiwe n’iki ko ariwe koko...

Mu ijoro ryo kuwa 6/4/1994 indege yari itwaye Perezida Habyalimana ndetse...
20 April 2019 Yasuwe: 12239 6

Ignace Murwanashyaka wayoboraga FDLR yaguye mu Budage

Inkuru dukesha ikinyamakuru Umuseke yasohotse ku mugoroba wo kuri uyu wa...
17 April 2019 Yasuwe: 7641 2

Hari amakuru avuga ko Maj Sankara Callixte yafashwe akaba yaranagejejwe i...

Kuva mu gitondo cyo kuri uyu wa mbere hatangiye gukwirakwiaa amakuru ku...
15 April 2019 Yasuwe: 37213 17