Imvura y’ umuhindo imaze guhitana abantu 20, u Rwanda rumaze guhomba arenga miliyari 6 mu mezi 10

Amakuru   Yanditswe na: Nsanzimana Ernest 12 October 2017 Yasuwe: 1236

Minisitiri Debonheur Jeanne d’ arc

Minisiteri y’ imicungire y’ ibiza no gucyura impunzi yatangaje ko kuva muri mu Kanama 2017 ibiza bikomoka ku mvura bimaze guhitana abantu 20 mu gihe abahitanywe nabyo kuva uyu mwaka watangira ari 52.

Minisitiri Debonheur Jeanne d’ arc yavuze ko kuva muri Mutarama 2017 kugeza magingo aya Ibiza bimaze guhitana abagera kuri 52, no gukomeretsa abantu 119.

Ni ikiganiro gitegura icyumweru cyahariwe kugabanya ingaruka zikomoka ku biza.

Phillippe Habinshuti, umuyobozi w’ ishami rishinzwe ubutabazi n’ ubufasha ku bahuye n’ Ibiza yavuze ko ibyagijwe n’ Ibiza muri kuva muri Mutarama bifite agaciro karenga miliyari esheshatu n’ igice.

Yagize ati “Agaciro k’ ibyangiritse ni miliyari 6 n’ igice, harimo agaciro k’ amazu yasenyutse, agaciro k’ imyaka yangiritse, ikiguzi cy’ ubuvuzi ku bakomeretse bakavuzwa, n’ amashuri yasanwe n’ ibindi”

Habinshuti ati “Kuva mu kwezi kwa munani ababuze ubuzima ni abantu 20, abakomeretse ni 57, amazu yangiritse ni 2425, imyaka yagiritse ni hegitari 1551, amatungo ni 99, ibyumba by’ amashuri ni 107, ibiraro 13 n’ amapoto 45.

Minisiteri y’ imicungire y’ ibiza no gucyura impunzi yabitangarije mu kiganiro yagiranye n’ abanyamakuru kuri uyu wa Kane tariki 12 Ukwakira 2017.

Yagize ati “Kuva muri Mutarama 2017 kugeza uyu munsi Ibiza bitandukanye byatwaye ubuzima bw’ abantu 52, inzu z’ ubuyobozi 16, insengero 27, n’ amavuriro 2”

Minisitiri De bonheur yakomeje avuga ko abantu 119 aribo bamaze gukomereka, mu gihe inzu zasenyutse zigera ku 127 naho izangiritse ari 4620.

Minisiteri yatangaje ko abagizweho ingaruka n’ Ibiza bahumurijwe, amazu yabo yangiritse agasanwa, abakomeretse bakavuzwa bigizwe uruhare na Minisiteri ifite imicungire y’ Ibiza mu nshingano.

Umunsi mpuzamahanga wahariwe kwita ku biza wizihizwa tariki 13 Ukwakira buri mwaka, u Rwanda rugiye kuwizihiza ku nshuro ya 7. Insanganyamatsiko y’ uyu mwaka iragira iti “iwacu hazira ibiza intego n’ inshingano byacu”

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Nyaruguru: Abantu bitwaje imbunda bateye Nyabimata bica abantu, bakomeretsa...

Imodoka ya Gitifu yahiye iba umuyonga Muri iri joro ryakeye abantu bitwaje...
20 June 2018 Yasuwe: 16954 4

Gatsibo: Gitifu uvugwaho gusambanya umwana akamutera inda ati ’Si njye...

Umunyamabanga Nshingwabikorwa w’Akagari ka Gakorokombe mu Murenge wa Muhura,...
19 June 2018 Yasuwe: 3732 0

Kigali: Hasojwe amahugurwa mpuzamahanga yitabiriwe n’ ibihugu...

Umunyamabanga wa Leta muri Minisiteri y’ ubutabera ushinzwe itegeko nshinga...
17 June 2018 Yasuwe: 661 0

Musanze: Umusirikare uherutse mu butumwa bw’ amahoro yirashe...

Sergeant Rukara Olivier wari umusirikare mu ngabo z’ u Rwanda mu ijoro ryo...
15 June 2018 Yasuwe: 7468 1

Rusizi: Abaturage baravuga ko amatara ataka yatumye batamenya abarashe...

Abaturage bo mu karere ka Rusizi mu murenge wa Bugarama aharasiwe abantu...
11 June 2018 Yasuwe: 1793 0

Itsinda ry’abayobozi baturutse muri Lesotho basuye ikicaro gikuru cy’Ingabo...

Itsinda rigizwe n’abayobozi baturutse mu gihugu cya Lesotho basuye icyicaro...
8 June 2018 Yasuwe: 759 0