Abasirikare b’ u Rwanda bari mu butumwa Darfur bambitswe imidari

Amakuru   Yanditwe na: Iyamuremye Janvier 14 September 2017 Yasuwe: 1873

Ingabo z’u Rwanda bari mu butumwa i Darfur muri Sudani bwo kubungabunga amahoro, bashimiwe umuhate n’umurava bagaragaza mu kazi kabo bambikwa imidari y’ishimwe nk’ikimenyetso gishimangira ko ubunyamwuga bwabo bubonywa n’amahanga.

Kuri uyu wa 12 Nzeri uyu mwaka nibwo aba basirikare bambitswe imidari; aba bose babarizwa muri batayo ya 49 (Rwanbatt49) bakaba bari mu butumwa bw’umuryango w’abibumbye bwo kugarura amahoro mu gihugu cya Sudani mu mugi wacyo mukuru Darfur.

Uyu muhango wo kwambikwa imidari wabereye mu majyaruguru ya Darfur mu gace kazwi nka Kabkabiya.

Mu ijambo rye Maj Gen Fida Hussain Maalik ukuriye abasirikare bose bari mu butumwa bw’amahoro i Darfur wari n’umushyitsi mukuru, yashimye bikomeye ubutwari bw’abasirikare bakomeje kugaragaza.

Ngo yababonyeho ubuhanga n’ubwitange kuva mu Ugushyingo 2016 bakihagera.
Mu magambo ati: " Nagenzuye nitonze ibikorwa bya za batayo zose ziri muri ubu butumwa ariko ntewe ishema no kuvuga ko Rwanbatt49 bakoze akazi kabo neza, babikunze kandi bashikamye mu nziri batangioye."

Maj Gen Fida yanakomeje ku mibanire ihamye yaranze ingabo z’u Rwanda n’abaturage ba Sudani, ngo bisanzuye muri buri gisata cyigize ubuzima aho bagishije abaturage kwita ku buzima, kububakira ibikorwa remezo bitandukanye byose bigamije kuzahura ubuzima bwa muntu.

Aba basirikare bashimiwe kuba barubakiye abanyeshuri biga mu mashuri yisumbuye amashuri yo kwigiramo vuba aha akaba azatahwa.

Maj Gen Fida yashimiye Guverinoma y’u Rwanda uruhare igira mu bikorwa by’ubutumwa bw’umuryango w’abibumbye bijyanye no kubungabunga amahoro hirya no hino ku isi.

Kugeza ubu Rwanda ruri mu bihugu bitanu byohereza ingabo n’abapolisi benshi muri ibi bikorwa byo kubungabunga amahoro.

Umuyobozi wa Rwanbatt49 Lt Col David Musirikare yashimiye abasirikare bagenzi be imyitwarire myiza n’ubunyamwuga bagaragaje mu kazi bamazemo amezi icumi.

Ati:" Igikorwa cy’uyu munsi ni indi ntambwe mu buzima bwacu nk’ababungabunga umutekano, nishimiye kubabwira ko iyi midali ikwiye kudutera umuhate, bikadufasha kongera imbaraga mu kurinda abaturage no gukora izindi nshingano nkuko bikwiye"

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kigali: Umusirikare yarashe mugenzi we agerageza gutoroka

Umusirikare wari wajyanywe kuburanishwa ku rukiko rwa gisirikare ruherereye...
20 October 2017 Yasuwe: 3902 0

Umuyobozi Mushya wa EASF yasuye Ingabo z’u Rwanda

Minisitiri w’Ingabo, James Kabarebe ari kumwe n’Umugaba Mukuru Gen Patrick...
18 October 2017 Yasuwe: 447 0

Nyagatare: Polisi yarashe umumotari wari witwaje umuhoro

Kuwa 17 Ukwakira 2017 Mu karere ka Nyagatare mu Ntara y’Iburasirazuba Polisi...
18 October 2017 Yasuwe: 3421 3

Rubavu: Umugore yishe umwana we ngo yanyaye ku buriri

Umugi wa Rubavu Niyonteze Leatitia atuyemo Umugore wo mu karere ka...
17 October 2017 Yasuwe: 3057 0

Kigali: Umugabo yishe umugore we amushyingura mu rugo ahatera...

Kuri uyu wa 17 Ukwakira 2017 i Remera mu Karere ka Gasabo Akagari ka...
17 October 2017 Yasuwe: 7336 4

Nyabarongo: Nyuma y’ingona yishwe igatwika hishwe n’izindi ebyili

Nyuma y’uko inzego z’umutekano ziteze zikanica ingona mu ruzi rwa Nyabarongo...
15 October 2017 Yasuwe: 5657 0