skol
startimes

Inyubako yo hejuru yo mu gakiriro ka Gisozi yahiye irakongoka [AMAFOTO]

Amakuru   Yanditswe na: Dusingizimana Remy 13 November 2020 Yasuwe: 3517

Agakinjiro ka Gisozi ko mu Murenge wa Gisozi mu Karere ka Gasabo , munyubako ikorerwamo ubucuruzi yibasiwe n’inkongi ikomeye mu gitondo cyo kuri uyu wa Gatanu, ibintu byarimo byose birashya birakongoka.


Iyi nkongi yibasiye inzu ziri mu Gakinjiro ka Gisozi ahazwi nka Duhahirane. Zisanzwe zikorerwamo ubucuruzi ndetse hari n’amatsinda y’abadozi b’imyenda yakoreragamo umunsi ku munsi.

Yafashwe n’inkongi ahagana saa kumi n’imwe z’igitondo, igice cyayo cyo hejuru cyose kirashya kirakongoka. Ntabwo icyateye iyo nkongi kiramenyekana.

Nyuma y’iminota mike ikirere cyakwiriye umwotsi n’umuriro utangiye kototera izindi nyubako, Ishami rya Polisi rishinzwe kuzimya inkongi y’umuriro ryahise rihagera ritabarana ingoga.

Abafite ibikorwa muri iyo nyubako batuye hafi bari basazwe n’agahinda, aho umwe ku wundi yahamagaraga mugenzi we amubwira ibyabaye, bamwe bakabaduka mu buriri biruka bajya kureba ko hari icyo baramira. Gusa umuriro wari mwinshi ku buryo nta hantu na hamwe bashoboraga kunyura ngo nk’abafite ibikorwa mu nyubako zo hasi babikuremo.

Muri Kamena 2019 nabwo aka gakiriro kafashwe n’inkongi mu gice gikorerwamo ubucuruzi n’ubukorikori, yibasira igice cyaho cyo haruguru cyakoreragamo koperative APARWA.

Iyo nkongi bavuga ko yadutse ahagana saa mbili z’umugoroba,kuwa 03 Kamena 2019 yibasira amabutike yacururizwagamo ubuconsho n’ibindi bikoresho birimo matela zikorwamo intebe n’ibindi byo mu rugo bitandukanye.

Mu byahiye icyo gihe, harimo imbaho zirimo n’izihenze zo mu bwoko bwa Ribuyu, amasanduku yo gushyinguramo, amatelefoni, amaradiyo, ibyuma by’abashinwa bita ibiryabarezi, mudasobwa n’ibindi byuma by’umuziki, amarangi n’inzoga z’ubwoko butandukanye zahacururizwaga.

Abari bahari bavuze ko umuriro watangiriye kuri imwe muri butike y’uwitwa Mushimire yari yegereye inkingi y’amashanyarazi na yo yahise ishya, bikekwa ko umuriro waba waturutse ku nsinga z’amashanyarazi, dore ko abacururizamo bari banatashye bagasiga bafunze.


Source: IGIHE

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

NYABIHU: Umumotari yafatanwe urumogi yari yavanze n’amakara

Mu gitondo cyo kuri uyu wa Mbere tariki ya 23 Ugushyingo Polisi y’u Rwanda...
25 November 2020 Yasuwe: 590 0

Gasabo: Umugabo yatawe muri yombi akekwaho gusambanya nyina ku...

Umugabo witwa Bakundukize w’imyaka 41 y’amavuko, ari mu maboko ya RIB Post ya...
24 November 2020 Yasuwe: 1923 0

Biravugwa ko Sergeant Robert ukekwaho gusambanya umwana we yatorokeye muri...

Sergeant Major Kabera Robert uzwi mu muziki nka “Sergeant Robert” uri...
24 November 2020 Yasuwe: 6952 0

Kigali: Abagabo 3 bafatanwe ibyapa byo ku muhanda bagiye kubigurisha

Ubuyobozi bw’Umujyi wa Kigali bwatangaje ko abagabo 3 bafashwe na Polisi y’u...
23 November 2020 Yasuwe: 3231 0

Umuhanzi Sergeant Robert ari gushakishwa kubera icyaha cyo gusambanya...

Umusirikare akaba n’umuhanzi Sergeant Major Kabera Robert wamenyekanye nka...
23 November 2020 Yasuwe: 5412 0

Rubavu:Abantu 52 bafashwe barenze ku mabwiriza yo kwirinda Covid-19 bari...

Polisi y’u Rwanda ikorera mu karere ka Rubavu,mu Murenge wa Gisenyi yafashe...
22 November 2020 Yasuwe: 1576 0