Karachnogov na magazine yayo yuzuye amasasu byatoraguwe mu rugo rw’ umuturage

Amakuru   Yanditswe na: Nsanzimana Ernest 21 July 2017 Yasuwe: 3749

Imbunda yo mu bwoko bwa Karachnogov abakoresha icyongereza bazi nka AK47 yabonetse mu musarane mu rugo rw’ umuturage utuye mu murenge wa Mugina mu karere ka Kamonyi yaratoye umugese.

Iyi mbunda yabonetse kuri uyu wa Gatanu tariki 21 Nyakanga ikiri kumwe na magazine yayo yuzuye amasasu birakekwa ko aho yabonetse ihamaze imyaka irenga 20.

Yabonetse mu rugo rw’ umuturage witwa Kayiranga Silas utuye mu mudugudu wa Mikamba ho mu kagari ka Mugina.

Emmanuel Habimana w’imyaka 31 y’amavuko yabonye iyi mbunda ubwo yarimo avidura umusarane kugira ngo umuturage uba muri uru rugo rwa Kayiranga abone ifumbire ndetse anabashe kongera gukoresha uyu musarane.

Habimana avuga ko yabonye iyi mbunda ageze nko muri metero hagati 8 n’icumi z’ubujya kuzimu arimo avidura nibwo yaguye kuri iyi mbunda iri kumwe na magazine yayo yuzuye amasasu byaratoye umugese, uyu Habimana ngo yahise ahamagara ushinzwe umutekano mu mudugudu amubwira ko aguye ku mbunda nawe ahita ahamagara Umunyamabanga nshingwabikorwa w’umurenge wa Mugina Ndayisaba Egide.

Ndayisaba yatangarije Intyoza dukesha iyi nkuru ko iyo mbunda yaba yarajugunywe muri uwo musarane nko mu 1997.

Yagize ati “Uwacukuraga Tuwaleti(WC) nyine yari arimo ayividura, ayibonamo ahamagara ushinzwe umutekano mu mudugudu nawe ahita ampamagara ambwira ko hari ahantu babonye imbunda, njya kureba nsanga ni imbunda koko ishaje ishobora nko kuba yarajugunywemo nko muri 1997 kuko nyiri urwo rugo ntahaba nibwo yahunze, bikekwa ko ariwe wayisizemo, nahise mpamagara inzego z’umutekano.”

Uru rugo rwa Kayiranga Silas, kuva yahunga mu 1997 aho bikekwa ko ari we waba warasize ajugunyemo iyi mbunda, nyuma agahita ahunga yerekeza Kongo, rucumbitswemo n’uwitwa ntawiha Eurade w’imyaka 81 y’amavuko, nyiri aya mazu ngo yahoze ari umucuruzi ukomeye. Kuva yahunga ntabwo aragaruka.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

RDF yatangiye gusimbuza abasirikare bari mu butumwa bw’amahoro

Abasirikare ba Batayo ya 53 ni bo bagiye gusimbura bagenzi babo ba Batayo...
10 December 2017 Yasuwe: 1081 0

Gen. Kabarebe na Gen. Patrick bagiranye ibiganiro n’intumwa ya...

Kuri uyu wa kane tariki ya 07 Ukuboza 2017 Intumwa idasanzwe y’Umunyamabanga...
7 December 2017 Yasuwe: 1181 0

Evode Imena wari ugiye kumara umwaka akurikiranyweho ibyaha yagizwe...

Urukiko rwisumbuye rwa Nyarugenge rwagize umwere Imena Evode wahoze ari...
7 December 2017 Yasuwe: 1750 0

Kigali: Abajura babiri muri bane bateye umuturage batawe muri...

Ku mugoroba wo kuri uyu wa 3 Ukuboza nibwo mu karere ka Nyarugenge mu...
6 December 2017 Yasuwe: 2027 1

‘Mu myaka ine: Abagabo 122 bishe abagore, abagore 61 bica abagabo’...

Imibare igaragazwa na Polisi y ‘ u Rwanda igaragaza ko abagore ari bo benshi...
6 December 2017 Yasuwe: 426 0

Kigali: Polisi ifunze 3 binjizaga urumogi mu mujyi wa Kigali

Mu ijoro ryo ku itariki ya 2 Ukuboza, Polisi y’u Rwanda ifatanyije...
5 December 2017 Yasuwe: 415 0