Kamonyi: Umugabo arashinjwa kwiba amafaranga kuri Konti z’abatanga serivisi za Mobile Money

Amakuru   Yanditswe na: Iyamuremye Janvier 15 September 2017 Yasuwe: 500

Miruho Isiaka afungiwe kuri Sitasiyo ya Polisi ya Runda, mu karere ka Kamonyi akekwaho kwiba amafaranga kuri Konti z’abatanga serivisi za Mobile Money bakorera muri aka karere.

Umuvugizi wa Polisi y’u Rwanda mu Ntara y’Amajyepfo, Inspector of Police (IP) Emmanuel Kayigi yavuze ko uyu mugabo w’imyaka 32 y’amavuko usanzwe ukora akazi ko gutwara abagenzi kuri moto mu Mujyi wa Kigali yafashwe ku itariki 14 z’uku kwezi afite Irangamuntu y’uwitwa Gasabubu Jean Damascene ibaruweho nimero ya telefone (Konti) yoherejweho ibihumbi 898 by’amafaranga y’u Rwanda yabikujwe mu buryo bw’ubujura kuri Konti z’abantu batatu batanga izi serivisi zo kubitsa no kuhererezanya amafaranga.

Yavuze ko umwe yibwe ibihumbi 679, undi yibwe 146 ; naho uwa gatatu yibwe ibihumbi 73.

Yagize ati,"Mu minsi ishize aba batatu babuze amafaranga kuri Konti zabo batanga ikirego kuri Polisi; hanyuma ikurikiranye isanga amafaranga bibwe yaroherejwe kuri nimero ya telefone ibaruwe kuri Gasabubu. Polisi yaramushatse kugeza imufashe; hanyuma imusatse imusangana iyo rangamuntu."

IP Kayigi yagarutse ku buryo abakora ubu bujura babigenza agira ati,"Baza nk’abandi baje kwaka serivisi. Kubera ko baba bagenzwa no kwiba bakora uko bashoboye kose bakamenya umubare w’ibanga ukoreshwa n’utanga izo serivisi."

Yakomeje agira ati,"Iyo bamaze kuwumenya babwira uzitanga ko bashaka kubikuza cyangwa kubitsa amafaranga kuri Konti zabo; hanyuma bahabwa telefone ngo bashyiremo umubare wabo w’ibanga bakiba amafaranga kuri Konti z’urimo kubaha serivisi kubera ko baba bamenye umubare w’ibanga ukoreshwa n’utanga serivisi za Mobile Money. Iyo abo bajura bamaze kuyiba bahita bayohereza ku yindi Konti."

Yagiriye inama abatanga izi serivisi agira ati," Umubare w’ibanga ugomba kumenywa gusa na nyirawo. Ni ibanga nyine. Abatanga serivisi za Mobile Money, Tigo Cash na Airtel Money bagomba gukora ibishoboka byose ntihagire uwundi uwumenya; kandi uwibwe akwiriye kubimenyesha Polisi mu maguru mashya."

IP Kayigi yavuze ko iperereza rikomeje kugira ngo hafatwe abandi bakekwaho gufatanya na Miruho gukora iki cyaha.

Ubwambuzi bushukana buhanishwa igifungo kuva ku myaka itatu (3) kugeza ku myaka itanu (5) n’ihazabu y’amafaranga y’u Rwanda kuva kuri miliyoni eshatu (3.000.000) kugeza kuri miliyoni eshanu (5.000.000) nk’uko biteganywa n’ingingo ya 318 yo mu gitabo cy’amategeko ahana ibyaha mu Rwanda.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble

    Turashimira police yacu idahwema kurwanya ubujura twatanze ikirego ndi mubibwe none nkuko duhorana icyizere ku bashinzwe umutekano aryozwe ibyacu murakoze

    September 2017
  • chat_bubble

    Turashimira police yacu idahwema kurwanya ubujura twatanze ikirego ndi mubibwe none nkuko duhorana icyizere ku bashinzwe umutekano aryozwe ibyacu murakoze

    September 2017
  • chat_bubble

    Turashimira police yacu idahwema kurwanya ubujura twatanze ikirego ndi mubibwe none nkuko duhorana icyizere ku bashinzwe umutekano aryozwe ibyacu murakoze

    September 2017

Inzindi nkuru

Inyeshyamba za NLF zigambye ko arizo zagabye igitero cyishe abantu I...

Inyeshyamba ziyise National Liberation Force (NLF) ziyobowe na Paul...
17 July 2018 Yasuwe: 8067 4

Ingabo z’ u Rwanda zirizeza abanyarwanda ko abagabye igitero ‘I Nyaruguru...

Umuvugizi w’ingabo z’u Rwanda yavuze ko abagabye igitero I Nyarugukuru...
16 July 2018 Yasuwe: 4797 1

Rulindo: Imirambo ibiri y’ abasore yatoranguwe munsi y’ umuhanda

Abantu bataramenyekana bishe abasore bo mu mirenge ya Masoro na Ntarabana...
15 July 2018 Yasuwe: 2005 0

Muhanga: Ya mabandi yitwaza intwaro amaze gukomeretsa bane mu cyumweru...

Hashize iminsi abaturage bo mu karere ka Gisagara na Nyaruguru bugarijwe n’...
14 July 2018 Yasuwe: 3079 0

‘Witegura intambara ariko udashaka ko iba’ Perezida Kagame

Perezida w’ u Rwanda akaba n’ umugaba w’ ikirenga w’ ingabo z’ u Rwanda...
13 July 2018 Yasuwe: 4344 0

Kigali: Moto yahiriye mu muhanda irakongoka nyirayo atega indi...

Moto yari igeze I Nyarutarama yerekeza kui Kinamba kuri uyu wa 11 Nyakanga...
12 July 2018 Yasuwe: 1869 0