skol
startimes

Karongi: DASSO yafashwe asambanya umugore w’abandi atabwa muri yombi

Amakuru   Yanditswe na: Dusingizimana Remy 11 September 2020 Yasuwe: 3324

Umugabo w’imyaka 36 ukora mu rwego rwunganira Akarere mu gucunga umutekano, DASSO, mu Karere ka Karongi, yatawe muri yombi nyuma yo gufatwa aryamanye n’umugore w’abandi, aho bakurikiranyweho icyaha cy’ubusambanyi.


Nkuko Ikinyamakuru IGIHE cyabitangaje, ibi byabaye ku mugoroba wo kuri uyu wa Gatatu,mu murenge wa Bwishyura, Akagari ka Kiniha mu mudugudu wa Maryohe.

Amakuru avuga ko umugabo yatashye ahagana saa moya na mirongo ine, ageze mu rugo asanga umuyobozi wa Dasso mu Murenge yaje kumusambanyiriza umugore, atabaza inzego zishinzwe umutekano zibata muri yombi.

Uwo mugabo ashinja umuyobozi wa Dasso mu Murenge ko asanzwe amusambanyiriza umugore, akaba yabonye ikimenyetso simusiga kubera ko yamufatiye mu nzu ye.

Inzego zishinzwe umutekano ngo zahageze batangiye gukorana amasezerano ko uwasambanyaga umugore w’abandi agomba kuzishyura nyir’urugo 1, 500, 000 Frw kugira ngo amubabarire.

Umuvugizi w’Agateganyo w’Urwego rw’Igihugu rushinzwe Ubugenzacyaha (RIB) Dr Murangira Thierry, yemereye IGIHE iby’aya makuru, asaba Abanyarwanda kwirinda amakimbirane yo mu ngo.

Ati “Akimara kubafata yabashyikirije Polisi na yo ibashyikiriza RIB, urega akaba avuga ko yari asanzwe asanzwe afite amakuru ko uyu muyobozi wa Dasso amusambanyiriza umugore, aba bombi bakaba bafunzwe bakurikiranweho icyaha cy’ubusambanyi gihanwa n’amategeko.”

Yakomeje asaba Abanyarwanda kwirinda amakimbirane, bakirinda gucana inyuma n’abo bashakanye kuko kenshi biba intandaro y’amakimbirane mu ngo, kandi arasenya ntiyubaka.

Umuyobozi wa Dasso n’umugore basambanaga bafungiwe kuri RIB sitasiyo ya Bwishyura, mu gihe iperereza rigikomeje.

Itegeko rivuga ko umuntu wese washyingiwe, ukorana imibonano mpuzabitsina n’uwo batashyingiranwe aba akoze icyaha, iyo abihamijwe n’urukiko ahanishwa igifungo kitari munsi y’amezi atandatu ariko kitarengeje umwaka umwe.

Gukurikirana icyaha cy’ubusambanyi ntibishobora kuba hatareze uwahemukiwe mu bashyingiranywe ku buryo bwemewe n’amategeko. Muri icyo gihe, hakurikiranwa uwarezwe n’uwakoranye icyaha na we. Uwahemukiwe ashobora gusaba guhagarika ikurikirana ry’urubanza, aho rwaba rugeze hose, iyo yisubiyeho akareka ikirego cye.

Icyakora, iyo dosiye yarangije kuregerwa urukiko cyangwa gufatwaho icyemezo, kwisubiraho ntibihita bihagarika isuzumwa ry’urubanza cyangwa irangiza ryarwo. Umucamanza arabisuzuma akaba yabyemera cyangwa akabyanga, akanasobanura impamvu.

Iyo umucamanza yemeye ukwisubiraho k’uwahemukiwe, kureka urubanza cyangwa irangiza ryarwo bigira ingaruka no kuwakoranye icyaha n’uregwa.

Source: IGIHE

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Nyabihu: Umumotari yafatanwe imifuka irimo urumogi ashaka gutema...

Polisi y’u Rwanda ikorera mu turere twa Kirehe na Nyabihu yafashe ibiro 102...
29 November 2020 Yasuwe: 1212 0

Kicukiro: Inzu y’umuyobozi w’Umudugudu yahiye ku manywa y’ihangu...

Ku gicamunsi cyo kuri uyu wa Gatanu tariki ya 27 Ugushyingo 2020,inzu...
27 November 2020 Yasuwe: 6255 0

Sergeant Robert ushinjwa gusambanya umwana we ari gushaka ubuhungiro muri...

Umusirikare akaba n’umuririmbyi wamenyekanye mu itsinda ry’umuziki ry’ingabo...
26 November 2020 Yasuwe: 3808 0

NYABIHU: Umumotari yafatanwe urumogi yari yavanze n’amakara

Mu gitondo cyo kuri uyu wa Mbere tariki ya 23 Ugushyingo Polisi y’u Rwanda...
25 November 2020 Yasuwe: 670 0

Gasabo: Umugabo yatawe muri yombi akekwaho gusambanya nyina ku...

Umugabo witwa Bakundukize w’imyaka 41 y’amavuko, ari mu maboko ya RIB Post ya...
24 November 2020 Yasuwe: 2103 0

Biravugwa ko Sergeant Robert ukekwaho gusambanya umwana we yatorokeye muri...

Sergeant Major Kabera Robert uzwi mu muziki nka “Sergeant Robert” uri...
24 November 2020 Yasuwe: 7212 0