Karongi: Polisi yafashe litiro zirenga 1300 z’inzoga z’inkorano

Amakuru   Yanditswe na: Iyamuremye Janvier 2 September 2017 Yasuwe: 159

Abaturage bo mu karere ka Karongi barashishikarizwa guca ukubiri n’ibiyobyabwenge cyane cyane kanyanga n’inzoga z’inkorano. Ubu butumwa babuhawe nyuma y’uko muri ako karere mu murenge wa Bwishyura na Twumba hagiye hagaragara ibikorwa bitandukanye by’urugomo ndetse n’amakimbirane yo mu ngo. Ibi byose bikaba biterwa n’inzoga z’inkorano zikihagaragara.

Ubuyobozi bwa Polisi y’u Rwanda ikorera mu karere ka Karongi bukaba butangaza ko muri iki cyumweru ku bufatanye n’abaturage binyujijwe mu guhanahana amakuru, hafashwe litiro zirenga 1300 z’inzoga z’inkorano mu murenge wa Twumba na Bwishyura. Byose bikaba byaramenwe ahabugenewe ndetse abaturage bagezwaho ubutumwa bwo kuzirinda.

Ubwo yagiranaga inama n’abaturage bagera kuri 200 bo mu kagari ka Nyarusazi mu murenge wa Bwishyura ku itariki ya 1 Nzeri, Ushinzwe imikoranire myiza hagati ya Polisi y’u Rwanda, abaturage ndetse n’izindi nzego mu karere ka Karongi Inspector of Police (IP) Jean Baptiste Rutebuka, yagize ati” Iyo abaturage bishora mu biyobyabwenge n’inzoga z’inkorano, ubuzima bwabo burahazaharira, nta mbaraga bagira zo kwiteza imbere, nta bwenge baba bafite, ku buryo bikurura urugomo, amakimbirane mu miryango n’ihohotera ritandukanye ndetse n’iterambere ry’igihugu rikahadindirira”.

“Icyo dusaba rero abaturage ni ukubyirinda bakubahiriza inama tubagira bityo bakiteza imbere”. IP Rutebuka yashimiye abaturage uruhare bagize mu gufatanya na Polisi n’izindi nzego kugira ngo izi nzoga z’inkorano zibashe gufatwa, akomeza asaba ko ubu bufatanye bwakomereza kuri uru rwego.

Mu butumwa yagejeje ku baturage bari bitabiriye iyo nama, Umunyamabanga Nshingwabikorwa w’Akagari ka Nyarusazi Hashakimana Deogratias, yahamagariye abaturage kwitandukanya no gukoresha inzoga z’inkorano kuko uretse no kubakururira ibibazo byo gufungwa no gucibwa amande, bibangiriza ubuzima bityo bakagira ingaruka zitandukanye ku buzima bwabo no kubadindiza mu bikorwa by’iterambere. Ubutumwa nk’ubu bwo gushishikariza abaturage guca ukubiri n’ibiyobyabwenge ndetse n’inzoga z’inkorano buzakomereza no mu yindi mirenge.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ngoma: Hari amafarumasi yafatiwemo imiti yarengeje igihe

Ubuyobozi bw’ akarere ka Ngoma bwakoze igenzura busanga amwe mu mafarumasi...
14 February 2018 Yasuwe: 299 0

Gakenke: Igisasu cyakomerekeje batanu aho bivugwa ko hahoze ibirindiro bya...

Abaturage batanu muri 150 barimo bahanga umuhanda mu Murenge wa Kivuruga mu...
13 February 2018 Yasuwe: 1187 0

Gatsibo: Pasiteri yaburiwe irengero nyuma gutera inda imfubyi yareraga...

Pasiteri Kayumba Fiston wayoboraga itorero Revelation Church Nyamatete ryo...
12 February 2018 Yasuwe: 1979 3

Gasabo: Umugabo yishe umugore babyaranye ngo yamwanduje SIDA

Umugabo w’ imyaka 27 wo mu karere ka Gasabo, I Gasogi mu kagari ka Rudashya,...
9 February 2018 Yasuwe: 2330 2

Polisi iranyomoza amakuru y’ uko umushoferi uzajya afatwa avugira kuri...

Polisi y’ u Rwanda ishami rishinzwe umutekano wo mu muhanda iranyomoza...
8 February 2018 Yasuwe: 13566 3

Ruhango: Amabandi batoboye Ikigo yiba mudasobwa abanyeshuri...

Abantu bataramenyekana batoboye Ikigo cy’ Urwunge rw’ amashuri rwa Bukomero...
8 February 2018 Yasuwe: 1737 2