skol
startimes

Kayonza:Imvubu yari yarazengereje abaturage yarashwe abaturage bimwa inyama zayo

Amakuru   Yanditswe na: Dusingizimana Remy 27 December 2020 Yasuwe: 6204

Imvubu yari imaze iminsi yona imyaka y’abaturage bo mu Karere ka Kayonza mu Murenge wa Kabare, yaraye irashwe n’abasirikare irapfa,abaturage bashaka inyama zayo ariko ntibazihabwa n’ubuyobozi.


Iyi mvubu yarasiwe mu Mudugudu wa Rwamurema mu Kagari ka Cyarubare mu Murenge wa Kabare ahari icyuzi cya Gishanda

Umunyamabanga Nshingwabikorwa w’Umurenge wa Kabare, Gatanazi Longin, yabwiye IGIHE dukesha iyi nkuru ko iyi mvubu yari imaze iminsi izengereza abaturage aho mu masaha y’ikigoroba ngo yazamukaga ikona imyaka yabo.

Ati “Yari imaze igihe kinini yangiza imyaka y’abaturage, nta muntu yariye mu myaka ibiri yari ihamaze ariko yari imaze kwangiza imyaka myinshi y’abaturage, abasirikare rero bayiteze kuko isanzwe ikuka mu masaha ya nimugoroba ari nabwo yajyaga konera abaturage barayirasa irapfa.”

Bakimara kuyica bamwe mu baturage bahururanye udufuka bazi ko bagiye kuyibaga bakayirya ariko birangira ibazwe inyama zayo zoherezwa muri Pariki y’Igihugu y’Akagera.

Umwe mu baturage utashatse kwivuga amazina waganiriye na IGIHE yavuze ko bitewe n’uburyo iyi mvubu yari yarabazonze bifuzaga kuyitura umujinya bakayirya.

Ati “Nitwe twafashije abayobozi kuyibaga, twe twumvaga bagiye kutugabanya inyama zayo ariko tumaze kuyicamo ibice hahise haza imodoka dupakiramo za nyama zitwarwa muri Pariki, iyo bayiduha tukayirya nibyo byari kudushimisha kuko natwe yatuririye imyaka twahinze.”

Gitifu Gatanazi yavuze ko impamvu izo nyama zapakiwe imodoka zikajyanwa muri Pariki y’Igihugu y’Akagera ari ukugira ngo zijye gutunga izindi nyamanswa ngo ntabwo bapfa kuziha abaturage ngo bazirye zitizewe neza.

Ati “Ni ukurinda ubuzima bw’abaturage kuko ntawe uba uzi uko ubuzima bwayo buhagaze ntabwo rero wapfa kuziha abaturage ngo bazirye, zasubijwe muri Pariki zijya gutunga izindi nyamanswa nk’ingona n’izindi.”

Gitifu yashimiye Ingabo z’u Rwanda ku gikorwa cyiza zakoze cyo kwica iyi mvubu yoneraga abaturage gusa avuga ko hakiri n’izindi enye zisigaye mu Mudugudu wa Kazeneza mu Kagari ka Gitara nazo zonera abaturage ku buryo nazo zikenewe kuhakurwa.

Muri uyu mwaka iyi mvubu yarashwe yari imaze kona imyaka ihinze kuri hegitari 6,5, aba baturage ngo bakazishyurwa n’Ikigo cy’Ingoboka cyashyizweho gishinzwe kwishyura ibyangijwe n’inyamanswa ziba zaturutse muri Pariki.

Inkuru ya IGIHE

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Ishiwe samuel

    nge aho babagiye imvubu nari mpari mfite n’amafoto yayo bari kuyibaga menshi. ariko icyo nakosoraho n’uko umudugudu bayirasiyemo atari rwamururema ahubwo ari rwabarema. Ikindi kandi byibuze iyo babagurira n’ubushera kuko kubaga imvubu nabonye ari akazi gakomeye.

    3 weeks ago

Inzindi nkuru

Rubavu: Inyubako yararagamo abakobwa ku kigo cya G.S Mutura I yafashwe...

Mu rukerera rwo kuri uyu wa Gatanu, inkongi y’umuriro yatwitse icumbi...
22 January 2021 Yasuwe: 3373 0

Kigali: Abantu 13 bifungiranye mu gipangu bakora ibirori polisi ije banga...

Mu ijoro ryo kuri uyu wa Gatandatu tariki ya 16 Mutarama 2021 Polisi y’u...
18 January 2021 Yasuwe: 4142 0

Ngororero: Polisi yagaruje ibikoresho by’umuturage byari byibwe...

Kuri uyu wa Gatanu tariki ya 15 Mutarama Polisi y’u Rwanda ikorera Karere ka...
17 January 2021 Yasuwe: 3291 0

RIB yafunze abantu 8 barimo nyir’ivuriro “Sante pour Tous”

Urwego rw’Igihugu rushinzwe ubugenzacyaha RIB rwatangaje ko rwafunze...
16 January 2021 Yasuwe: 6213 0

Nyarugenge: Abasore n’inkumi 13 bafashwe bari kunywa inzoga na Shisha bishe...

Abasore n’inkumi 13, abakobwa 6 n’abahungu 7 bafashwe saa 20h50 babyina...
16 January 2021 Yasuwe: 4841 1

Polisi yerekanye abagabo bakekwaho kwiba ibyuma by’amashanyarazi...

Polisi y’Igihugu, mu gitondo cyo kuri uyu wa Gatanu tariki 15 Mutarama 2021,...
15 January 2021 Yasuwe: 3424 0