Kicukiro: Hatoraguwe umurambo w’ umugabo wishwe akurwamo amaso

Amakuru   Yanditswe na: Nsanzimana Ernest 13 September 2018 Yasuwe: 3474

Mu gitondo cyo kuri uyu wa Gatatu tariki ya 12 Nzeri 2018, mu gihuru kiri mu kagari ka Kagasa mu murenge wa Gahanga mu Karere ka Kicukiro, hatoraguwe umurambo w’ umugabo wari uzwi ku izina rya Kirenge bikekwa ko yishwe n’abagizi ba nabi, banamukuramo amaso.

Uyu mugabo Kirenge yishwe n’abantu bataramenyekana mu ijoro ryo ku wa Kabiri tariki 11 Nzeri 2018, abatuye muri aka Kagari ka Kagasa babonye umurambo mu gitondo cyo ku wa Gatatu mu gihuru kiri hafi y’inzira.

Ababonye uwo murambo batagaje ko nyakwigendera ashobora kuba yishwe mu ijoro ryo kuwa Kabiri n’abagizi ba nabi baba muri aka gace bakunda gutegera abantu mu nzira bashaka kubambura utwabo.

Bavuga ko kandi nyakwigendera yishwe urubozo ngo kuko umurambo wagaragaye yakuwemo amaso.

Bamwe mu baganiriye na TV1 batuye muri aka gace gakunze kuvugwamo ubujura bukabije, bahuriza ku kuba uyu mudugudu usanzwe ubamo umutekano mucye uterwa n’insoresore z’abujura bategera abantu mu mayira mu gihe cya nijoro, ndetse ko akenshi baba bafite intwaro gakondo.

Bakomeza basaba ko inzego z’umutekano zagira icyo zikora kuri iki kibazo bamaranye igihe, dore ko ngo abakekwaho ubwo bujura bazwi kandi n’iyo bafashwe bagafungwa ngo ntibamaramo kabiri kuko bahita babafungura.

Umuvugizi w’Urwego rw’igihugu rw’ Ubugenzacyaha, RIB, Mbabazi Modeste yatangarije TV1 ko batangiye iperereza ngo hamenyekane ababa bihishe inyuma y’ubwo bwicanyi.

Ikibazo cy’ubwicanyi nk’ubu kimaze gufata indi ntera hirya no hino mu gihugu by’umwihariko mu Mujyi wa Kigali, aho hatamara kabiri hatumvikanye umuntu wishwe n’abagizi ba nabi. Inzego z’umutekano nazo zaragihagurukiye cyane cyane nko mu duce twa Gatsata twari tumaze kwigarurirwa n’abajura banicaga abantu umunsi ku munsi.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Haguma

    Imiyoborere myiza, umutekano aho perezida ajya mu kigo cya gisilikare akikijwe n’izindi ngabo bishatwe kuvugiki? Ibi bibera i Kigali iyo bibera mu mashyamba ya Kongo nari kubyumva, bibera i Kigali koko? Mujye mutubwira noneho i Kigali aho tutagomba kugenda nyuma yamasaha runaka.

    September 2018
  • chat_bubble kadobey@yahoo.fr

    umutekano ntawo dufite muri kigali ntamunsi wubusa hadapfa umuntu azize ubugiI BWANABI

    September 2018
  • chat_bubble komando

    Ariko nksvMayor w’Akarere biberamo yagiye yegura hakiri akajyana n’inama y’umutekano yose

    September 2018
  • chat_bubble mahoro jack

    Erega igihugu kidakubita imbwa cyorora imisega. Izo mburamukoro ziyemeje gutungwa n’imitsi ya rubanda murazifata mu gitondo mukazirekura ngo uwo zibye nazigemurire none dore bagiye kumara abantu babica. Mujye murasa ingegera murebe ko izisigaye zitajya iwabo guhinga.

    September 2018

Inzindi nkuru

Iperereza ku bwicanyi bwakorewe CSP Hubert Gashagaza (Rtd) na Alexia...

Mu ijoro ryo ku italiki 17 rishyira 18/9/2018 nibwo umurambo wa CSP Hubert...
29 April 2019 Yasuwe: 8224 4

Ko abaturage b’Amerika n’Uburayi basabwe kwitondera gusura u Rwanda bivuze...

Leta Zunze Ubumwe z’Amerika, Ubudage, Ubufaransa, Ubwongereza, Australia,...
26 April 2019 Yasuwe: 5624 2

HUYE:Kubwimana yitabye Imana hashize isaha imwe avuye guhabwa...

Nyakwigendera yitabye Imana kuri iki Cyumweru cya Pasika tariki 21 Mata...
22 April 2019 Yasuwe: 5494 0

Ko bwari bwije uwarashe indege ya Habyalimana yabwiwe n’iki ko ariwe koko...

Mu ijoro ryo kuwa 6/4/1994 indege yari itwaye Perezida Habyalimana ndetse...
20 April 2019 Yasuwe: 12065 6

Ignace Murwanashyaka wayoboraga FDLR yaguye mu Budage

Inkuru dukesha ikinyamakuru Umuseke yasohotse ku mugoroba wo kuri uyu wa...
17 April 2019 Yasuwe: 7640 2

Hari amakuru avuga ko Maj Sankara Callixte yafashwe akaba yaranagejejwe i...

Kuva mu gitondo cyo kuri uyu wa mbere hatangiye gukwirakwiaa amakuru ku...
15 April 2019 Yasuwe: 37185 17