Kigali: Igiti kinini cyaguye hejuru y’ imodoka Imana ikinga ukuboko

Amakuru   Yanditswe na: Nsanzimana Ernest 12 September 2018 Yasuwe: 1793

Iki giti cyarandutse biturutse ku mvura yaguye mu Mujyi wa Kigali irimo umuyaga mwinshi cyane. Cyaguye ahagana ku isaha ya saa kumi n’igice z’umugoroba nk’ uko ababonye kiranduka babitangarije. Cyagwiriye imodoka ya Benz yari irimo abagabo 2 ariko bose ntacyo babaye.

Nyirayo yatangarije abanyamakuru ko Imana ariyo yakinze ukuboko kuko ngo bagiye kumva bumva kibituye hejuru.

Yagize ati " Ni impanuka nk’izindi zose. Twagendaga mu muhanda , kubera imvura, uwari untwaye ntiyari akibona imbere, tugiye kumva twumva ikintu kituguyeho ariko ntitwahita tumenya icyo aricyo. Tumenye ko ari igiti ari uko tubonye amashami, natwe duhita turyama mu modoka.

Imvura yari irimo umuyaga mwinshi. Imana niyo ikinze ukuboko. Ni Imana yonyine idukijije kuko wabonye ko igihande cyo haruguru nicyo cyari kinini. Umushoferi yashakaga kuzamuka ariko Imana ituyobora hepfo. Biriya bito nibyo bituguyeho. Cyaguye hejuru, kimena ikirahure cy’imbere, cyangiza na moteri."

Polisi y’igihugu niyo yakuye iki giti mu muhanda, bagikasemo ibice bifashishije utumashini twabigenewe. Ni umurimo watwaye hafi isaha yose kuko byarangiye ahagana saa kumi n’imwe n’igice z’umugoroba.

Polisi y’igihugu yatangaje ko mu rwego rwo gukumira impanuka zatezwa n’imvura, ifatanyije n’izindi nzego iri mu gikorwa cyo gutema ibiti bikuze bishobora kugushwa n’umuyaga. Yaboneyeho gusaba abakoresha umuhanda kurushaho kugira ubushishozi birinda guparika ahari ibiti bikuze byegereye inkombe z’umuhanda.




Amafoto ya Igihe

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Bamwe mu bateye Kitabi bishwe, abashimuswe baratabarwa. Bimwe mu bindi...

Lt Col Innocent Munyengango yatangaje ko Ingabo z’u Rwanda zakurikiye...
18 December 2018 Yasuwe: 13222 2

Nyamagabe:Abantu bataramenyekana bagabye igitero ku modoka zitwara abagenzi...

Mu karere ka Nyamagabe umurenge wa Cyiitabi,abantu bataramenyekana...
16 December 2018 Yasuwe: 5847 1

Perezida Kagame yavuze ko cya gitero FDLR I Rubavu cyaguyemo abasirikare 3...

Perezida w’ u Rwanda Paul Kagame yatangaje ko abasirikare b’u Rwanda bagera...
14 December 2018 Yasuwe: 8365 0

Kigali: Umugore yafatanywe abamugaye n’abana bikekwa ko akoresha mu...

Mu murenge wa Kigali Akarere ka Nyarugenge mu rugo rw’umugore witwa Lidivine...
12 December 2018 Yasuwe: 2797 0

Perezida Kagame yeretse ingabo z’ u Rwanda ibanga ryo gutsinda umwanzi...

Perezida w’ u Rwanda akaba n’ umugaba w’ ikirenga w’ Ingabo z’ u Rwanda Paul...
12 December 2018 Yasuwe: 2625 0

Umugore n’ umusore bafatanywe udupfunyika ibihumbi 47 tw’ urumogi

Kuri uyu wa Kabiri tariki ya 11 Ukuboza 2018, Polisi y’u Rwanda yeretse...
11 December 2018 Yasuwe: 1967 0