Kigali: Imodoka yacitse feri ihitana babiri undi arasimbuka

Amakuru   Yanditswe na: 14 March 2018 Yasuwe: 5250

Abantu babiri baguye mu mpanuka y’imodoka yabereye hepfo y’isoko rya Nyarugenge ku muhanda ugana kuri Gereza ya 1930, mu gitondo cyo kuri uyu wa 14 Werurwe 2018.

Iyi mpanuka bivugwa ko yatewe n’imodoka yo mu bwoko bwa Dyna yari ipakiye kawunga yamanukaga hafi y’ahazwi nka La Galette isa n’iyerekeza kuri Gereza ya Nyarugenge yacitse feri ikagonga ikamyo ya Sosiyete itwara imyanda yitwa COPEC, yari ihaparitse. Iyi modoka yamanukaga yarimo abagabo batatu, umwe muri bo yasimbutse, abandi babiri bitaba Imana.

Abatangabuhamya bari aho impanuka yabereye batangarije IGIHE ko uyu mugabo warokotse iyi mpanuka yari ari inyuma mu modoka.

Bizumuremyi Innocent yagize ati “Nawe iyo aba ari imbere yari kuba yapfuye ahubwo icyamurokoye n’uko yahise ayisimbuka n’aho ubundi nawe yari gupfa.”

Umushoferi w’imodoka itwara imyanda witwa Habimana Martin we yavuze ko iyo ataba ayirimo iyi mpanuka yari kwangiza ibintu byinshi.

Yagize ati “Nari mpagaze ndi gupakira imyanda, numva imodoka iturutse inyuma ikubitaho n’iyange irasimbuka noneho kuko nari ndimo ntari hanze nahise mfata feri irahagarara. Narebye inyuma nsanga Cabine yahwanye abantu barimo ku buryo iyo ntaba ndimo zari kumanuka zikagonga n’izindi modoka nyinshi.”

Akomeza avuga ko kugira ngo imirambo y’aba bagabo babiri ikurwe mu modoka byamusabye kubanza kwegeza imbere iyo kamyo yapakiraga imyanda.

Iyi mpanuka ikimara kuba Polisi yahise ihagera, icagagura iyo modoka kugira ngo ibone uko ikuramo iyo mirambo y’abo bagabo babiri barimo umushoferi na kigingi we.


Ibitecyerezo

  • Log in

    Amategeko n'amabwiriza birkurikizwa


Inzindi nkuru

Bamwe mu bateye Kitabi bishwe, abashimuswe baratabarwa. Bimwe mu bindi...

Lt Col Innocent Munyengango yatangaje ko Ingabo z’u Rwanda zakurikiye...
18 December 2018 Yasuwe: 14826 2

Nyamagabe:Abantu bataramenyekana bagabye igitero ku modoka zitwara abagenzi...

Mu karere ka Nyamagabe umurenge wa Cyiitabi,abantu bataramenyekana...
16 December 2018 Yasuwe: 6426 1

Perezida Kagame yavuze ko cya gitero FDLR I Rubavu cyaguyemo abasirikare 3...

Perezida w’ u Rwanda Paul Kagame yatangaje ko abasirikare b’u Rwanda bagera...
14 December 2018 Yasuwe: 9064 0

Kigali: Umugore yafatanywe abamugaye n’abana bikekwa ko akoresha mu...

Mu murenge wa Kigali Akarere ka Nyarugenge mu rugo rw’umugore witwa Lidivine...
12 December 2018 Yasuwe: 3673 0

Perezida Kagame yeretse ingabo z’ u Rwanda ibanga ryo gutsinda umwanzi...

Perezida w’ u Rwanda akaba n’ umugaba w’ ikirenga w’ Ingabo z’ u Rwanda Paul...
12 December 2018 Yasuwe: 4187 0

Umugore n’ umusore bafatanywe udupfunyika ibihumbi 47 tw’ urumogi

Kuri uyu wa Kabiri tariki ya 11 Ukuboza 2018, Polisi y’u Rwanda yeretse...
11 December 2018 Yasuwe: 1983 0