Kigali: Polisi ifunze abagore babiri bateraguye ibyuma abagabo babo

Amakuru   Yanditswe na: Iyamuremye Janvier 1 November 2017 Yasuwe: 634

Kuva mu cyumweru gishize Polisi y’u Rwanda ifunze abagore babiri bashinjwa guhohotera abagabo babo kugeza babateraguye ibyuma bakabakomeretsa bikomeye. Intandaro y’ubu bugizi bwa nabi ngo ni ugucana inyuma.

Yamfashije Claudine w’imyaka 25 y’amavuko atuye mu mudugudu w’Izuba, akagari ka Rukiri mu murenge wa Remera, akarere ka Gasabo mu mujyi wa Kigali akaba akurikiranyweho guteragura ibyuma umugabo we.

Undi mugore nawe ni Uwase Marie utuye mu kagari ka Kigarama, umurenge wa Kicukiro nawe yatawe muri yombi na Polisi y’u Rwanda aho akurikiranyweho gutera icyuma umugabo we ariko ntiyamwica.

Ku ruhande rwa Claudine ashinjwa kuba yateraye ibyuma umugabo we kugeza aho yari agiye kumumaramo umwuka. Ngo bapfuye y’uko umugabo we yajyaga amuca inyuma bikaba bivugwa y’uko uru rugo rwari rusanzwemo amakimbirane nk’uko byemezwa n’abaturage.

Umuvugizi wa Polisi mu Mujyi wa Kigali, Supt Hitayezu Emmanuel yatangaje ko abo bagore bombi bafunzwe nyuma y’uko abaturage batanze amakuru y’amakimbirane muri izo ngo.

Yagize ati “ Polisi yabimenye binyuze mu guhanahana amakuru kuko abaturage nibo babwiye Polisi ibijyanye n’aya makimbirane ndetse no kutumvikana byari biri kuvugwa muri iyi miryango ."

Yavuze ko bagejejwe mu bugenzacyaha ngo bakorerwe dosiye buri umwe ku byaha aregwa.

Supt Hitayezu yasabye abaturage kwirinda amakimbira kuko ageze ku rupfu.Yavuze abaregwa baramutse bahamwe n’ibi byaha bashinjwa umwe ashobora guhanishwa ingingo y’148 mu gitabo cy’amategeko ahana aho yafungwa hagati y’amezi atandatu n’imyaka ibiri akanatanga ihazabu y’amafaranga ari hagati ya 100 000Frw na 500 000Frw.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

‘Iyo utubashye amategeko Leta ikwereka ko habaho no kuyatinyishwa’ Badege...

Polisi y’u Rwanda iravuga ko ibyabaye kuri uyu wa Kane bigomba gusiga...
23 February 2018 Yasuwe: 4099 4

Impunzi eshanu z’ Abanyekongo zapfiriye mu myigaragambyo mu Rwanda

Igikorwa cyo guhoshya imyigaragambyo y’ impunzi z’ Abanyekongo yari imaze...
23 February 2018 Yasuwe: 3027 0

Nyabugogo: Ikamyo yacitse kontineri abamotari bakizwa n’ amaguru moto...

Ku gicamunsi cyo kuri uyu wa Gatatu tariki 21 Gashyantare 2018, Nyabugogo...
21 February 2018 Yasuwe: 5964 0

Impunzi z’ Abanye- Congo zasohotse inkambi zirigaragambya

Mu gitondo cyo kuri uyu wa Kabiri tariki 20 Gashyantare 2018 impunzi...
21 February 2018 Yasuwe: 2044 0

EAC: Abasirikare b’inzobere mu buvuzi biyemeje kunoza ireme ry’ubuvuzi

Abasirikare b’inzobere mu buvuzi bo mu bihugu bigize umuryango wa Afurika...
20 February 2018 Yasuwe: 468 0

Amajyepfo:Babiri bafatanwe ibikoresho byo mu nzu bibye

Polisi y’u Rwanda ikorera mu turere twa Nyamagabe na Huye yataye muri yombi...
17 February 2018 Yasuwe: 726 0