Polisi yerekanye abantu 15 bafatiwe mu Murenge wa Nyamirambo mu Kagari ka Mumena barenze ku mabwiriza yo kwirinda COVID-19. Aba bose bafatiwe mu ngo zitandukanye bari mu birori, banyoye basinze.

Sponsored Ad

Aba bantu bafashwe mu gihe umu gihe umujyi wa Kigaliwasubijwe muri gahunda ya Guma mu Rugo kubera izamuka rikabije ry’imibare y’abandura COVID-19.

Mu byumwa yanyujije kuri Twitter, Minisitiri w’Ubutegetsi bw’Igihugu, Prof. Shyaka Anastase yibukije abaturarwanda uko bakwiye kwitwara muri ibi bihe byo kwirinda ikwirakwira ry’icyorezo cya COVID-19.

Yagize ati “Gutsinda COVID-19 birashoboka, ariko ntibyizana !
1.Muri Kigali, guma mu rugo
2.Urwariye mu rugo, guma mu rugo, wiyikwirakwiza, Rinda Abandi ;
3.Niba ufite ibimenyetso Baza Muganga, wipimishe
4.Nta Kwirara, Nta Kabari, Nta Runywero !
5.Hose twese, NtabeAriNjye”

Mu mpera z’icyumweru gishize,Umutoza wa Musanze FC, Seninga Innocent n’abantu 12 bari kumwe I Musanze,bafashwe n’inzego z’abashinzwe umutekano bakoze ibirori barenze ku mabwiriza yo kwirinda COVID-19 , bajyanwa kuri Sitasiyo ya Polisi ya Muhoza.

Mu karere ka Musanze kandi hafatiwe abantu umunani barimo abacungagereza batatu bafatiwe mu kabari kari i Nyarubande mu Murenge wa Cyuve banywa barenze ku mabwiriza yo kwirinda Covid-19.

Aba bafashwe ku Gicamunsi cyo kuri iki Cyumweru taliki 24 Mutarama 2021, ubwo Polisi ikorera muri ako Karere yahabwaga amakuru ko hari abantu banyweraga mu kabari gaherereye ahazwi nka Nyarubande mu Mujyi wa Musanze.

Polisi yahageze maze isanga barimo banywa bakinze umuryango wo ku muhanda, bamwe baca inyuma bariruka hagafatwamo umunani.Mu bafashwe harimo umwe umu ofisiye muto ufite ipeti rya Chief Inspector of Prison (CIP).

Mu mpera z’iki cyumweru abantu benshi barimo n’umutoza Seninga bafatiwe mu birori barenze ku mabwiriza yo kwirinda Covid-19