Kigali: Umugabo yafatiye mu cyuho umugore we arimo gusambana

Amakuru   Yanditswe na: Nsanzimana Ernest 2 October 2017 Yasuwe: 6505

Umugore w’ abana batanu wo mu murenge wa Kimisagara mu karere ka Nyarugenge mu mugi wa Kigali yaguwe gitumo n’ umugabo we n’ abanyerondo arimo gusambanira iwe mu rugo.

Ibi byabaye mu gitondo cyo kuri uyu wa Mbere tariki 2 Ukwakira 2017, ubwo uyu mugabo uvuga ko yari asanzwe afite amakuru y’ uko umugore we amuca inyuma yamwifatiraga.

Abaturanyi b’ uyu muryango bavuga ko uyu mugore wafashwe yari yarabigize ingeso. Ngo si ubwa mbere yari azanye abandi bagabo kumusambanyiriza mu rugo rwe n’ umugabo we.

Uyu mugabo yavuze ko we ubwe yamwiboneye ati "Idirishya ryari rikinguye nabibonye bari barimo gusabana nari kumwe n’ inkeragutabara, hari n’ abafashe amafoto uretse ko njye telefone yanjye idafotora"

Umunyamabanga Nshingwabikorwa w’Umurenge wa Kimisagara, Ruzima Serge, yatangarije Igihe ko umugabo w’uwo mugore yatabaje abashinzwe umutekano kugira ngo nabo birebere amahano umugore we yakoraga.

Yagize ati “Umugabo we ni we yaje kurega ku murenge kuko yari yarajyanye abana i Kampala noneho twohereza irondo risanga bikingiranye mu nzu rirabazana.”

Umugabo w’uyu mugore yavuze ko yahisemo kugaragaza uburyo umugore we amuca inyuma kubera ko yari amaze kubirambirwa.

Yagize ati “Bimaze igihe kinini akora izo ngeso z’ubusambanyi ariko nkagenda mbyihanganira kuko twari dufitanye abana, iyi yari inshuro ya gatatu kuko mbere nari naramufashe kabiri nabwo ari gusambana ku buryo ari cyo cyatumye nitabaza Polisi n’abanyerondo kuko njye ubwanjye ntacyo nari kubikoraho.”

Yakomeje avuga ko kugira ngo yemeze ko umugore we yasambanye byatewe n’uko yasanze bari bibagiwe gukinga idirishya noneho we n’abanyerondo barungurutse babyibonera n’amaso.

Uyu mugore aguwe gitumo ari gusambanira iwe, we n’umugabo basambanaga wasohotse igitaraganya yambaye imyenda ihindurije, bahise bashyikirizwa Polisi, ibajyana kuri sitasiyo ya Nyamirambo.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

RDF yatangiye gusimbuza abasirikare bari mu butumwa bw’amahoro

Abasirikare ba Batayo ya 53 ni bo bagiye gusimbura bagenzi babo ba Batayo...
10 December 2017 Yasuwe: 1081 0

Gen. Kabarebe na Gen. Patrick bagiranye ibiganiro n’intumwa ya...

Kuri uyu wa kane tariki ya 07 Ukuboza 2017 Intumwa idasanzwe y’Umunyamabanga...
7 December 2017 Yasuwe: 1181 0

Evode Imena wari ugiye kumara umwaka akurikiranyweho ibyaha yagizwe...

Urukiko rwisumbuye rwa Nyarugenge rwagize umwere Imena Evode wahoze ari...
7 December 2017 Yasuwe: 1751 0

Kigali: Abajura babiri muri bane bateye umuturage batawe muri...

Ku mugoroba wo kuri uyu wa 3 Ukuboza nibwo mu karere ka Nyarugenge mu...
6 December 2017 Yasuwe: 2027 1

‘Mu myaka ine: Abagabo 122 bishe abagore, abagore 61 bica abagabo’...

Imibare igaragazwa na Polisi y ‘ u Rwanda igaragaza ko abagore ari bo benshi...
6 December 2017 Yasuwe: 426 0

Kigali: Polisi ifunze 3 binjizaga urumogi mu mujyi wa Kigali

Mu ijoro ryo ku itariki ya 2 Ukuboza, Polisi y’u Rwanda ifatanyije...
5 December 2017 Yasuwe: 415 0