Kigali: Umupolisi ukomeye arashinjwa gusambanya umugore w’ abandi akaruma umunwa wa nyiri urugo

Amakuru   Yanditswe na: Nsanzimana Ernest 9 November 2018 Yasuwe: 7721

Umupolisi ufite ipeti rya Senior Superintend kuri uyu 8 Ugushyingo yafatiwe mu rugo rw’ undi mugabo yagiye kumusambanyiriza umugore, nyiri urugo ahahingutse bararwana amuruma umunwa.

Byabereye mu rugo rw’ umupolisikazi ruherereye, mu mudugudu w’ ingenzi, akagari ka Kigarama umurenge wa Gikondo mu karere ka Kicukiro mu mujyi wa Kigali.

Ababibonye bavuze ko uyu mupolisi(umusambanya) yari afite pistori yanashyizemo isasu asa nk’ uwiteguye kurasa, ndetse ngo yaneretse ikarita y’ akazi abadaso bari bagiye kumufata basanga ni umuntu urenze.

Umuturage yagize ati “Icyo umugore we akangisha ngo ni umwafande, n’ uwo bari bagiye gusambana ngo ni umwafande.”

Uyu mugabo wasambanyirizwaga umugore , yahise atabwa muri yombi ariko abaturage babibonye bo bemera ko arengana.

Umwe ati “Uriya mugabo agomba kurenganurwa, arikuzira ubusa ntabwo wasanga umugore wawe bari kumurongora ngo ureke gutabaza ariko we yabikomerekeyemo. Bamuvanye mukagari bamwinjiza mumodoka nk’ imbobo nk’ igisambo, bamugira nk’ umuntu kandi atari mu cyaha.”

Umunyamabanga nshingwabikorwa w’ akagari ka Kigarama yabwiye TV1 ko bagerageje guhosha amakimbirane ibisigaye bakabiharira polisi.

Yagize ati “Umugabo yari aje gusura umugore utuye hano, ahimukiye vuba ahamaze amezi abiri. Tugiye kumva twumva haje undi mugabo uvuga ko ari umugabo we, araje ageze hano ku kagari ngo baze bamufashe asange umugore we, mugihe tukiri aha ngaha umugabo aba arirukanse asa n’ aho avuga ngo reka njye kubafata bahita barwana”

Uyu mupolisi yahise asimbuka igipangu nyiri urugo asa n’ aho amubuze ariko inzego z’ umutekano zari zamaze kuhagera zimuta muri yombi ariko na nyiri urugo ziramujyana.

Bombi baraye kuri sitasiyo ya polisi ya Gikondo. Polisi y’ u Rwanda n’ urwego rushinzwe iperereza ntacyo baratangaza kuri iki kibazo.

Andi makuru UMURYANGO wamenye ni uko uyu mugabo wasambanyirijwe umugore bari basanzwe bari mu nzira zo kwaka gatanya.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble siboniyo Emmanuel

    Umurenge wa gikondo ,ntuba kacyiru ,nuwo mudugudu mwavuze ntuba mu murenge wa gikondo uba muwa kigarama .mu kerera ka kicukiro
    Kandi mu turere tuba mu Rwanda nta karere ka kacyiru kabaho

    5 months ago
  • chat_bubble Evode Karengera

    Akarere ka Kacyiru ntikabo!

    5 months ago
  • chat_bubble Manzi

    uwo mu police ukomeye gutyo uzize ikuma kweri!! ingaruka z’icyaha n’urupfu satani aragushuka ariko iyo igihe kigeze arakwigarika ukabambwa wenyine. abantu nibareke guca inyuma abo bashakanye, kuko n’icyaha Imana yanga urunuka kandi kizanira umuvumo umuryango.

    5 months ago
  • chat_bubble gasigwa ernest

    mutubuire izina ryuwo Ssp muraba mukoze

    5 months ago
  • chat_bubble gatare

    Nubwo bari muli process yo gutandukana,aracyari umugore we.Gusa "gatanya" ni nyinshi cyane muli iki gihe,ahanini kubera ubusambanyi.Imana yaduhaye sex kugirango tuyihe umuntu umwe gusa tuzabana binyuze mu mategeko.Millions and millions z’abantu basambana,ntabwo bemera ko ari icyaha kizatuma batabona ubuzima bw’iteka muli paradizo dutegereje.Ntacyo bimaze kwishimisha akanya gato,hanyuma ukazabura ubuzima bw’iteka muli Paradizo kandi ntuzazuke ku Munsi w’Imperuka.Nukugira ibitekerezo bigufi cyane.

    5 months ago

Inzindi nkuru

Ignace Murwanashyaka wayoboraga FDLR yaguye mu Budage

Inkuru dukesha ikinyamakuru Umuseke yasohotse ku mugoroba wo kuri uyu wa...
17 April 2019 Yasuwe: 7349 2

Hari amakuru avuga ko Maj Sankara Callixte yafashwe akaba yaranagejejwe i...

Kuva mu gitondo cyo kuri uyu wa mbere hatangiye gukwirakwiaa amakuru ku...
15 April 2019 Yasuwe: 34358 15

Kwibuka 25: RIB yasabye abaturarwanda kwitwararika ibyaha by’ingengabitekerezo

Mu butumwa Urwego rw’Igihugu rw’Ubugenzacyaha (RIB) rwageneye abaturarwanda...
4 April 2019 Yasuwe: 901 1

Kayonza: Umusilikari yasanze ku rugo rwe hamanitse umusaraba wanditseho...

Ku urugo rwa SSgt Rubango hari hamanitse umusaraba wanditseho uwitwa...
28 March 2019 Yasuwe: 13578 1

Imbwa 16 nizo Polisi y’u Rwanda yungutse zizayifasha mu gucunga...

Kugira ngo umutekano w’abantu n’ibyabo urusheho kugenda neza, Polisi y’u...
17 January 2019 Yasuwe: 2652 0

Bamwe mu bateye Kitabi bishwe, abashimuswe baratabarwa. Bimwe mu bindi...

Lt Col Innocent Munyengango yatangaje ko Ingabo z’u Rwanda zakurikiye...
18 December 2018 Yasuwe: 16265 2