Kigali: Umupolisi yarashe umumotari arapfa

Amakuru   Yanditswe na: Nsanzimana Ernest 19 May 2018 Yasuwe: 7500

Umumotari utaramenyekana amazina yarasiwe n’ umupolisi I Kabuga mu mujyi wa Kigali, polsi iravuga ko uyu mumotari yashatse kurwanya polisi no kuyambura imbunda.

Umuvugizi wa polisi y’ u Rwanda CP Theos Badege yatangarije Ukwezi ko uyu mumotari yakoze amakosa yo mu muhanda, abapolisi bakamuhagarika bamwaka ibyangombwa akabibura , bakamwambika amapingu agacunga abapolisi ku jisho akiruka.

CP Theos Badege avuga ko birutse bakagera nko mu kilometero kimwe biruka mu tuyira duto no mu bigunda, hanyuma umumotari akaza kugera ubwo ahagarara ariko ngo nyuma yashatse kongera kwiruka umupolisi aramufata ariko umumotari ashaka kumurwanya amwambura imbunda, umupolisi amurusha imbaraga abasha kugumana imbunda ye hanyuma ngo uwo mumotari ashatse kongera kwiruka umupolisi ahita amurasa.

CP Theos Badege avuga ko bibabaje ariko abantu bakaba bakwiye kubikuramo isomo. Yagize ati: "Birababaje birumvikana, kuba twabuze umuntu birababaje ariko abantu bagakwiye kumenya uko bakwiye kwitwara. Ni ngombwa kwirinda gukora ibyaha ariko no mu gihe wabiguyemo, ugomba gukurikiza icyo amategeko ateganya ukareka ugahanwa aho gushaka kubihunga ngo ugere n’aho urwanya abashinzwe umutekano."

CP Theos Badege avuga ko kugeza ubu umurambo w’uwo mumotari wajyanywe mu bitaro kugirango abaganga bakore raporo, hanyuma ikibazo cy’ibyabaye cyo kikaba cyashyizwe mu maboko y’inzego z’ubugenzacyaha kugirango zikore akazi kazo.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble munyanziza gerard

    Kubwanjye ndumva nuwo mupolice yakoze ikosa ,nonese ko yari yanamwambitse ipingu !kuki yamurashe ?aho ntukubeshya niyabona Uko amurwanya yamurenganije ,Imana imwakire mubayo .

    May 2018
  • chat_bubble ruzima

    Uriya mupolisi yagombye kuburanishwa. Kdi akaburanishirizwa aho icyaha cyabereye. Ese iby’umuvugizi w’igipolisi avuga tuzajya tubiha akahe gaciro ko akenshi biba bitandukanye n’iby’abantu bari bibereye ahabereye igikorwa runaka. Murakoze

    May 2018
  • chat_bubble valens

    ariko ntimukabeshye.umuntu wambaye amapingu atwana ate?ubundi uribuka ukuntu wadedemangaga kuri telefone TV1ikubaza uko byagenze none utabeshya NGO ibyangombwa NGO kurwana kwiruka!ubundi mwibuka ko Imana ibaho cyangwa ni ukubaho mubuzima bw’ikibi gusa?

    May 2018
  • chat_bubble dalius k

    Mbibonye kuri TV one ariko birababaje pe

    May 2018
  • chat_bubble mathias

    umupolisi nawe yakoze amakosa, ntiyagombaga kumurasa mukico ahubwo yari nko kumurasa akaguru. ibyo rwose ni icyaha gihanirwa namategeko

    May 2018
  • chat_bubble B.JEAN BAPTISTE

    UYU MUMOTARI ARAHARENGANIYE PE ! UMUNTU WAMBAYE AMAPINGU YAKAMBURA UMUNTU IMBUNDA KOKO ? UMUVUGIZI WA POLISI HARIYA ARATUBESHYE RWOSE ! UBUBARAJE UWO WAKOZE IRYO BARA BAMUJYANE I RUSIZI

    May 2018
  • chat_bubble faki

    Ariko polic mwazize izindi tecnike zitari ukurasa abaturajye umunu wambaye amapingu yakwaka gute umu polic imbunda nimishake uko mwaba kinyamwuga

    May 2018
  • chat_bubble rwabutogo

    ariko murumva bishobokako umuntu wambaye amapingu yarwanya umuntu ufite imbunda?ahubwo se umuntu uziritse afite ubushobozi bwo kwiruka 1km?nyakubahwa afande mudusobanurire.

    May 2018
  • chat_bubble gasigwa ernest

    ariko buriya :yamwambitse amapingu ariruka ??nyuma aramufata ,ubwo yamurwanyije gute yambaye amapingu ?kandi abapolice baribabiri ??ubwo yarikubanesha gute ari 2 ?ntago umuntu 1yarwanya abantu 2kandi yambaye amapingu.

    May 2018
  • chat_bubble isirikoreye jean de la terre

    UYU MUTURAGE ARARENGANYE NATAHE MURINO MINSI POLICE IRIKWITWARA NABI EJOBUNDI BAFASHE UMUNYAMAKURU TWIZEYIMANA FIDELE WA TV1 MUBYUKURI IYO UYU MUNYAMAKURU ABURA GIKURIKIRANA YARI KURASWA BIKAVUGWA KO YASINZE AKARWANA

    May 2018

Inzindi nkuru

Bamwe mu bateye Kitabi bishwe, abashimuswe baratabarwa. Bimwe mu bindi...

Lt Col Innocent Munyengango yatangaje ko Ingabo z’u Rwanda zakurikiye...
18 December 2018 Yasuwe: 13259 2

Nyamagabe:Abantu bataramenyekana bagabye igitero ku modoka zitwara abagenzi...

Mu karere ka Nyamagabe umurenge wa Cyiitabi,abantu bataramenyekana...
16 December 2018 Yasuwe: 5880 1

Perezida Kagame yavuze ko cya gitero FDLR I Rubavu cyaguyemo abasirikare 3...

Perezida w’ u Rwanda Paul Kagame yatangaje ko abasirikare b’u Rwanda bagera...
14 December 2018 Yasuwe: 8383 0

Kigali: Umugore yafatanywe abamugaye n’abana bikekwa ko akoresha mu...

Mu murenge wa Kigali Akarere ka Nyarugenge mu rugo rw’umugore witwa Lidivine...
12 December 2018 Yasuwe: 2828 0

Perezida Kagame yeretse ingabo z’ u Rwanda ibanga ryo gutsinda umwanzi...

Perezida w’ u Rwanda akaba n’ umugaba w’ ikirenga w’ Ingabo z’ u Rwanda Paul...
12 December 2018 Yasuwe: 2630 0

Umugore n’ umusore bafatanywe udupfunyika ibihumbi 47 tw’ urumogi

Kuri uyu wa Kabiri tariki ya 11 Ukuboza 2018, Polisi y’u Rwanda yeretse...
11 December 2018 Yasuwe: 1973 0