Polisi y’ u Rwanda iravuga ko kugeza ubu igikora iperereza ku rupfu rw’ umukobwa wari umukozi mu rugo ruherereye mu murenge wa Kimironko mu karere ka Gasabo mu mugi wa Kigali. Amakuru yasakaye ku mbuga nkoranyambaga aravuga ko uyu mukobwa yaba yishwe na mugenzi we bakoranaga akazi ko mu rugo, gusa polisi iravuga ko nta mpamvu irabona zatuma ikeka ko uyu musore ariwe wakoze ubwo bwicanyi
Nk’ uko Umuvugizi wa Polisi y’ u Rwanda mu mugi wa Kigali SSP Emmanuel Hitayezu yabitangarije UMURYANGO ko (...)

Sponsored Ad

Polisi y’ u Rwanda iravuga ko kugeza ubu igikora iperereza ku rupfu rw’ umukobwa wari umukozi mu rugo ruherereye mu murenge wa Kimironko mu karere ka Gasabo mu mugi wa Kigali. Amakuru yasakaye ku mbuga nkoranyambaga aravuga ko uyu mukobwa yaba yishwe na mugenzi we bakoranaga akazi ko mu rugo, gusa polisi iravuga ko nta mpamvu irabona zatuma ikeka ko uyu musore ariwe wakoze ubwo bwicanyi

Nk’ uko Umuvugizi wa Polisi y’ u Rwanda mu mugi wa Kigali SSP Emmanuel Hitayezu yabitangarije UMURYANGO ko aya makuru polisi yo mu mugi wa Kigali yayahawe n’ abaturage igezeyo isanga uwo mukobwa yishwe.

Yagize ati "Ayo makuru polisi yayamenye mu gitondo mu ma saa mbili iyahawe n’ abaturage igiyeyo isanga umukobwa yapfuye, itangira iperereza. Umurambo wajyanywe mu bitaro bya Kacyiru.

SSP Hitayezu ubwo yavuganaga n’ UMURYANGO mu saa cyenda z’ amanywa yatangaje ko iperereza rigikomeje, nta kimenyetso na kimwe cy’ uburyo uwo mukobwa yishwemo yadutangarije ahubwo yatubwiye ko nabyo bikiri mu iperereza.

Uwo musore abaturage bakekaho ko ariwe wishe uyu mukobwa bakoranaga akazi ko mu rugo ni umusore w’ Umurundi uri mukigero cy’ imyaka 20 y’ amavuko, gusa ngo amaze igihe kinini aba mu Rwanda.