Ku nkengero z’ I Kivu hatoraguwe umurambo w’ umusaza bikekwa ko yazize abagizi ba nabi

Amakuru   Yanditswe na: 17 April 2017 Yasuwe: 1097

Agace uwo murambo watoraguwemo

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise ifuni mu mutwe.

Umurambo we watoraguwe ku nkengero z’ikiyaga cya Kivu, mu murenge wa Nkanka mu ma saa munani z’amanywa zo ku wa gatandatu akivirirana amaraso mu mutwe aho yakubiswe.

Nk’uko Imvaho Nshya yabitangarijwe n’umunyamabanga nshingwabikorwa w’uyu murenge wa Nkanka ahatoraguwe uyu murambo, Uwambaje Aimée Sandrine, iby’urupfu rw’uyu musaza babimenyeshejwe n’ abaturage bahanyuraga kuko ari hafi y’inzira bakabona umuntu areremba mu mazi, ngo bagiye kureba basanga ni uwo musaza kuko basanzwe bamuzi, ni ko guhamagara uwo muyobozi na we abwira abandi bajya kureba basanga koko yishwe.

Yagize ati’’ Twahurujwe gutyo tumanukana n’inzego zishinzwe umutekano dusanga umurambo mu hafi y’inkombe z’ikiyaga cya kivu. Ikigaragara cyo yishwe kuko twasanze akivirirana mu mutwe aho yari yakubiswe ikintu ubona ko ari nk’ifuni,tugakeka ko yihswe nko mu rukerera agatabwa muri ayo mazi.’’

Gitifu Uwambaje akomeza vuga ko uyu musaza bamusanganye indangamuntu n’amafaranga 9950 n’amabuye 7 aringaniye mu mufuka w’ikoti yari yambaye bashobora kuba bamushyizemo ngo ahite yibira hasi,ariko kuko ngo uwamaze kwicwa agatabwa mu mazi atibira ngo byanze akomeza kureremba kuri izo nkengero.

Uyu musaza wabanaga n’umuryango we, yari asanzwe anacuruza butike, abo mu muryango we muri Kamashangi bavuze ko ngo yari yajyanye amafaranga 100 000 bagakeka ko yari agiye kurangura ku isoko rya Hepfo ku Nkanka.

Ngo yavuye mu isoko ajya mu kabari k’uwitwa Vivens batahise bamenya irindi zina rye kari aho ku isoko, asangira n’uwitwa Théophile na we batahise bamenya irindi zina rye.

Nta wamenye uburyo yatashye kuko ngo atageze mu rugo,abo mu rugo bakagira ngo yaraye mu miryango ye aho ku Nkanka, mu gihe abo bo ku Nkanka bo batari bamubonye.

Gitifu Uwambaje yakomeje agira ati “Nyiri akabari yahise atabwa muri yombi n’uwo Théophile basangiraga kugira ngo bafashe mu iperereza, umurambo uhita ujyanwa mu bitaro bya Gihundwe gukorerwa isuzuma ukaba ugomba gushyingurwa kuri iki cyumweru iwabo i Giheke.’’

Yongeyeho ati ’’turasaba abaturage b’ako gace yari yiriwemo gutanga amakuru ku rupfu rwe kuko hari benshi bayazi nubwo bayahisha kuko bemeza ko bamubonye kare kose, tukanabasaba kuba ijisho rya bagenzi babo kuko dukeka ko bashobora kuba babonye yari afite ariya mafaranga bakaba ari yo bamujijije.’’

Ikindi giteye urujijo ku rupfu rwe ni uko turiya tubari ducuruza ku minsi y’isoko gusa, ku wa mbere no ku wa gatanu tukanafunga kare, hakibazwa aho yanyujijwe utubari tumaze gufunga atashye.

Abaturage bo mu mirenge yombi bavuze ko hakwiye iperereza ryimbitse ku by’uru rupfu abo rufata bose bagatabwa muri yombi bakarubazwa, cyane cyane ko ngo uyu musaza yabanaga n’abantu bose amahoro.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Impanuka ebyiri nizo zabaye muri Tour du Rwanda 2017

Polisi y’u Rwanda irashima imyitwarire yaranze abakoresha umuhanda...
20 November 2017 Yasuwe: 327 0

Sudani:Ingabo z’u Rwanda muri UNAMID zashyikirije abanyadarefuru ishuri...

Ingabo z’u Rwanda (RWANBATT50) ziri mu butumwa bwo kugarura amahoro mu...
20 November 2017 Yasuwe: 349 0

Kigali: Umushoferi yafungiwe gusuzugura abagenzi

Umushoferi witwa Ndereyimana Emmanuel uzwi ku izina rya Manudi afungiye...
20 November 2017 Yasuwe: 735 0

U Rwanda rwohereje abajya mu myitozo ihuje Ingabo z’Akarere muri...

Umutwe ugizwe n’abantu 95 bagizwe n’ingabo z’u Rwanda, Police n’abasivile nibo...
18 November 2017 Yasuwe: 444 2

Kigali: Polisi yafashe umugabo n’umugore biyitaga umupolisi

Ku wa kane tariki 16 Ugushyingo uyu mwaka Polisi y’u Rwanda yaburijemo...
18 November 2017 Yasuwe: 1590 0

Kigali: Umusekirite wa ISCO wari mu gikundi cy’abajura yarashe mugenzi...

Mu rucyerera rwo kuri uyu wa kane tariki ya 16 Ugushyingo 2017 nibwo mu...
16 November 2017 Yasuwe: 3436 0