skol
startimes

Muhanga: Abajura bapfumuye ibiro by’umurenge wa Shyogwe biba mudasobwa 4

Amakuru   Yanditswe na: Dusingizimana Remy 20 August 2020 Yasuwe: 1570

Mu rukerera rwo kuri uyu wa kane tariki 20 Kanama 2020 ahagana saa cyenda z’ijoro, abajura bapfumuye ibiro by’Umurenge wa Shyogwe mu Karere ka Muhanga biba mudasobwa enye hamwe n’ikarito yari irimo imiti yo kuvura inka zo muri gahunda ya ‘Girinka’.


Abo bajura bapfumuye munsi y’idirishya rireba inyuma ry’icyumba gikorerwamo n’abakozi benshi ari ho izo mudasobwa zari ziri, umwe yinjiyemo agahereza ibyibwe abandi bari hanze bagahita babijyana, icyakora ntibyabahiriye kuko umwe muri bo yafashwe n’abarinda ibyo biro.

Ibyo biro byari bicungiwe umutekano n’abarinzi batatu harimo n’umwe urinda SACCO y’uwo murenge, bakavuga ko bibwe mu gihe hagwaga akavura gake, hategerejwe Urwego rw’Igihugu rw’Ubugenzacyaha (RIB) ngo hakorwe iperereza.

Umuyobozi wa Unity Security aba barinzi babarizwamo witwa Evariste Nkurunziza yabwiye KT Radio dukesha iyi nkuru ko bategereje RIB ngo ibafashe gukora iperereza.

Ati “Baduhamagaye mu ma saa cyenda batubwira ko twibwe hari abarinzi 2 bacu n’uwa COOPEVEM bari kumwe.Dutegereje RIB niyo izi gukora iperereza kugira ngo turebe Ibiza kuvamo.Ubu tuvugana bamaze kutubwira ko hibwe mudasobwa 4 n’ikarito y’imiti.RIB iradufasha nibibura nkuko amasezerano abivuga nitwe turabyishyura.”

Gitifu w’umurenge wa Shyogwe,Mukabutari Valerie avuga ko bakimara kumenya aya makuru,hahise hatangira kurebwa abantu bari kwigenza muri ayo masaha bagatanga ubusobanuro.

Ati “Twahise duhamagara abanyerondo batandukanye kugira ngo bafate uri kugenda muri ayo masaha ya saa cyenda.Twabashije gufata abantu 2 bagendaga ayo masaha bari gukurikiranwa.Twabuze imashini 4 zirimo laptop 3 na desktop 1.Twamenyesheje inzego z’umutekano zirahagera.Umwe mu basekirite yagiye ubu turacyamushakisha kugira ngo aze aduhe amakuru.Barangaye ariko ikigaragara batoboreye inyuma mu gihe abarinzi bari imbere.Turi gutekereza ingamba zirafatwa nk’ubwirinzi,ubutaha wenda tugashaka nka camera.”

Uyu muyobozi yavuze ko barakangurira abantu gukaza amarondo,hakanashyirwaho abasekirite bafite imbunda.

Yavuze ko bahombye kuko izi mashini zarimo amakuru y’umurenge ariko yemeza ko kompanyi irinda aho hantu yemeye kuzishyura nkuko amasezerano abiteganya ndetse ikanasana ahasenywe.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Nizeyimana Alphonse Ozil

    Mwaramutse neza? Hage hakorwa iperereza muri abo barinzi kuko na bo hari igihe haba harimo ibyitso! Hari igihe umwe yibisha bagenzi be nyuma bakarihishwa ibyibwe ariko cya cyitso kigafatanya n’abandi kwishyura ariko we yarariye ku mafaranga y’ibwibwe!

    3 months ago

Inzindi nkuru

NYABIHU: Umumotari yafatanwe urumogi yari yavanze n’amakara

Mu gitondo cyo kuri uyu wa Mbere tariki ya 23 Ugushyingo Polisi y’u Rwanda...
25 November 2020 Yasuwe: 595 0

Gasabo: Umugabo yatawe muri yombi akekwaho gusambanya nyina ku...

Umugabo witwa Bakundukize w’imyaka 41 y’amavuko, ari mu maboko ya RIB Post ya...
24 November 2020 Yasuwe: 1944 0

Biravugwa ko Sergeant Robert ukekwaho gusambanya umwana we yatorokeye muri...

Sergeant Major Kabera Robert uzwi mu muziki nka “Sergeant Robert” uri...
24 November 2020 Yasuwe: 6992 0

Kigali: Abagabo 3 bafatanwe ibyapa byo ku muhanda bagiye kubigurisha

Ubuyobozi bw’Umujyi wa Kigali bwatangaje ko abagabo 3 bafashwe na Polisi y’u...
23 November 2020 Yasuwe: 3244 0

Umuhanzi Sergeant Robert ari gushakishwa kubera icyaha cyo gusambanya...

Umusirikare akaba n’umuhanzi Sergeant Major Kabera Robert wamenyekanye nka...
23 November 2020 Yasuwe: 5412 0

Rubavu:Abantu 52 bafashwe barenze ku mabwiriza yo kwirinda Covid-19 bari...

Polisi y’u Rwanda ikorera mu karere ka Rubavu,mu Murenge wa Gisenyi yafashe...
22 November 2020 Yasuwe: 1577 0