skol
startimes

Musanze: Umugabo yishe mugenzi we bikekwa ko bapfaga umugore ahita yishyikiriza Polisi

Amakuru   Yanditswe na: Dusingizimana Remy 4 June 2020 Yasuwe: 3635

Umugabo witwa Frodouard Dushimimana wo mu karere ka Musanze yatemye mugenzi we witwa Bernard Habimana bari bafitanye amakimbirane bivugwa ko yaturutse ku mugore bakundaga bombi.


Ku mugoroba wo kuri uyu wa Gatatu tariki ya 03 Kamena 2020,nibwo uyu Dushimimana wo mu Murenge wa Muko mu Karere ka Musanze,yishe mugenzi we Habimana bakoranaga mu rubyiruko rw’abakorerabushake,bikekwa ko bapfuye umugore.

Amakuru ikinyamakuru Umuseke dukesha iyi nkuru cyabonye, nuko nyakwigendera yari umwe mu bakoranabushake mu gukumira ibyaha (Rwanda Youth Volunteers in Crime Prevention), ndetse byanemejwe na Murenzi Abdallah Umuhuzabikorwa wa ruriya rubyiruko rw’Abarerabushake.

Murenzi yabwiye Umuseke ko amakuru y’uko Habimana yishwe bayamenye ariko ngo yajijijwe amakimbirane yari afitanye na Dushimimana.

Dushimimana wishe atemye Habimana w’imyaka 33, yahise yishyikiriza Polisi, ku Murenge wa Muko.

Umwe mu mboni z’Umuseke muri uriya Murenge avuga ko Habimana yakoraga akazi ko gufotora.

Umunyamabanga Nshingwabikorwa w’Umurenge wa Muko, Triphose Murekatere avuga ko Habimana yishwe mu kagoroba k’ejo ku wa gatatu tariki 3 Kamena ahagana saa kumi n’ebyiri n’igice (18h30’).

Yemeza ko uwishwe yatezwe igico n’uwamwishe amutemye.

Ati: “Hari ku mugoroba atashye avuye mu bukangurambaga bwo kwirinda Covid-19. Uwamwishe akaba yamutegeye mu nzira.”

Uwishwe ngo yari yiriwe ku Murenge, ndetse yari mu nama uyu Gitifu yayoboye, irangiye ajya ku Gasoko gukangurira abantu kwirinda Covid-19, nyuma atashye nibwo uwamuteze igico yamutemye n’umuhoro.

Umunyamabanga Nshingwabikorwa w’Umurenge wa Muko asaba abaturage kwibuka ko urukundo n’ubumwe ari ingenzi kugira ngo abantu babane neza, bubake ‘Ndi Umunyarwanda’ ihamye.

Yabasabye kujya bageza ku buyobozi amakuru y’abantu bafitanye amakimbirane, cyangwa ikindi gishobora kuba intandaro y’amakimbirane.

Nyakwigendera Habimana asize umugore n’abana babiri bari barabyaranye, ubu umurambo we uri ku Bitaro bikuru bya Ruhengeri, aho wamaze gukorerwa isuzuma, ubu bakaba barimo kwitegura kumushyingura kuri iki gicamunsi.

Source: Umuseke

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Nyagatare: Polisi yafashe abantu 27 bari kunywa inzoga y’inkorano yitwa...

Polisi ikorera mu Karere ka Nyagatare, Umurenge wa Katabagemo mu Kagari ka...
17 September 2020 Yasuwe: 713 0

Rulindo: Polisi yarashe umugabo wahamwe n’icyaha cyo gutobora amazu...

Uwitwa Maniragaba François wari ufungiye kuri station ya Police ya Murambi...
13 September 2020 Yasuwe: 3135 0

Rubavu: Polisi yafashe urumogi rwari rutwawe mu byuma bizimya umuriro...

Polisi ikorera mu karere ka Rubavu yatesheje abagabo babiri barimo kwinjiza...
12 September 2020 Yasuwe: 1225 1

Huye: Urusamagwe rwarashwe n’inzego z’umutekano nyuma yo kwinjira mu rugo...

Igisamagwe cyateye mu rugo rwo mu Mudugudu w’Agakera mu Kagari ka Rango-A...
11 September 2020 Yasuwe: 6186 1

Karongi: DASSO yafashwe asambanya umugore w’abandi atabwa muri...

Umugabo w’imyaka 36 ukora mu rwego rwunganira Akarere mu gucunga umutekano,...
11 September 2020 Yasuwe: 3277 0

Rwamagana: Umugore yangije igitsina cy’umugabo we bapfa ko atamuhaza mu...

Umugore wo mu Murenge wa Kigabiro mu Karere ka Rwamagana yakomerekeje...
9 September 2020 Yasuwe: 5378 3