skol
startimes

Musanze: Wa muganga ukekwaho kwica Iradukunda biravugwa ko yabitewe n’ubwoba bw’inda yamuteye

Amakuru   Yanditswe na: Dusingizimana Remy 11 November 2020 Yasuwe: 21910

Kuwa 02 Ugushyingo 2020 nibwo mu karere ka Musanze hamenyekanye inkuru y’urupfu rw’amayobera rwa Iradukunda w’imyaka 17, wasanzwe mu murima w’ibishyimbo, nta mwambaro n’umwe yambaye, ahubwo aziritswe imigozi mu ijosi, amaguru n’amaboko.


Inzego zishinzwe umutekano zahise zitangira iperereza biza kurangira hatawe muri yombi abarimo umugabo w’imyaka 30 ukora muri Clinic ya Mpore yo muri Musanze

Uyu mwangavu yishwe nyuma y’uko ngo yari avuye mu bukwe bwa mukuru w’inshuti ye biganaga wari wabumutumiyemo, nawe uri mu maboko y’Ubugenzacyaha.

Amakuru yizewe dukesha ikinyamakuru IGIHE,avuga ko uriya mwana yari yarasambanyijwe anaterwa inda, aho bikekwa ko uwamwishe ari na we wabikoze atinya ko yazafungwa igihe kinini ku bwo gutera inda umwana.

Bivugwa kandi ko ukekwa yemera ko yari yagerageje kumukuriramo inda ariko bikanga, ibintu bigaragaza ko hari aho yari ahuriye n’umwana yari atwite.

Nyuma y’uko umurambo wa nyakwigendera Iradukunda utoraguwe, wajyanywe ku Bitaro Bikuru bya Ruhengeri kugira ngo ukorerwe isuzuma, nyuma uhabwa umuryango, urashyingurwa.

Hashize iminsi ibiri ushyinguwe irindi tsinda ririmo inzego z’umutekano n’iz’Ubugenzacyaha, zanzuye ko umurambo utabururwa, hakorwa irindi suzuma kugira ngo hakusanywe ibindi bimenyetso.

Itabwa muri yombi ry’ukekwaho kwica Iradukunda ryemejwe n’Umuvugizi wa RIB, Dr. Murangira B. Thierry, wabwiye IGIHE ko uwo mugabo yatawe muri yombi ku wa 09 Ugushyingo 2020, nyuma yo gutangira iperereza ku rupfu rwa nyakwigendera.

Yagize ati “Iyo urimo gukora iperereza hari ibimenyetso ubona, bikagenda bikuganisha ku bindi bimenyetso, ubu rero hamaze gufatwa umugabo ukora muri Clinic ya Mpore ya Musanze. Yafashwe ku itariki ya cyenda z’uku kwezi, akurikiranyweho ibyaha bibiri, birimo icyaha cyo gusambanya umwana n’icyaha cyo kwica. Akekwaho kwica akanasambanya Iradukunda Emerance.’’

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Joy

    Imibare Mike tugira rwose, ubuse ko yanzeko azafungwa azira gutera inda akaba yongeyeho kwica ubwo iherezo rye ntiribaye ribi cyane!! Gusa nabana bubu ntitworoshye pe muzabigenzure udukobwa twubu utatugendeye kure twagukoraho abagabo mumenye ubwenge byarakomeye

    3 months ago
  • chat_bubble

    Kubera amafaranga wabona uyu muganga urukiko rumurekuye

    3 months ago
  • chat_bubble Nzabandora

    Ubundi umwana wageze ubwo yemera gusambana no gupfa aba yapfuye. Kandi bikaba bityo no kuwamubumburiye amaguru.

    3 months ago
  • chat_bubble Rusaku

    ahwi nkimara gusoma ino nkuru Ikintu cyambwiragako uno mugabo yararimo ahisha ibimenyetso ikindi kikambwirango ababyeyi bumwana bararangaye cyane kandi ntibitaga kuganira numwana wabo none bitumye uyu mugome abahekura kandi icymbazaga nukuntu iherezo ryuyu muganga wamenyo rigiye kuba ribi cyane ikindi kikambwirango ntagihishwe kitazagaragara cyakorewe kubutaka bwurwanda ngasoza mvugango brava ku mana yatumye murwanda havuka umutwe nka RIB

    3 months ago

Inzindi nkuru

Musanze: Yasinze bituma yica abantu 2 barimo umwana akoresheje...

Umugabo wari wasinze wo mu Murenge wa Gako mu Karere ka Musanze yateye...
2 March 2021 Yasuwe: 3139 0

Polisi yafashe abantu 37 bishe amabwiriza yo kwirinda Covid-19 barimo...

Polisi yerekanye abasore n’inkumi 37 bafashwe barenze ku mabwiriza yo...
1 March 2021 Yasuwe: 3871 0

Gatsibo:Barenze ku mabwiriza yo kwirinda Covid-19 bakora ubukwe

Ubuyobozi bw’Umurenge wa Murambi uherereye mu Karere ka Gatsibo bufatanyije...
28 February 2021 Yasuwe: 5540 0

Kamonyi: Umwarimu yafunzwe akekwaho gusambanya abana 2 b’abakobwa...

Umwarimu wo mu Karere ka Kamonyi w’imyaka 39 wigisha mu Kigo cy’Amashuri cya...
27 February 2021 Yasuwe: 4838 0

Havumbuwe inyandiko igaragaza umugambi wo “gutoroka” wa Rusesabagina

Televiziyo y’Abanya-Qatar, Al Jazeera, kuri uyu wa Gatanu yatambukije inkuru...
27 February 2021 Yasuwe: 8009 0

Ruhango: Umugabo yasambanyije umugore ku gahato nyuma yo kumutema akanatema...

Kuri uyu wa Mbere tariki 22 Gashyantare 2021, Ubushinjacyaha ku rwego...
23 February 2021 Yasuwe: 5142 0