Ngoma: Hari amafarumasi yafatiwemo imiti yarengeje igihe

Amakuru   Yanditswe na: Jean Claude Gakwaya 14 February 2018 Yasuwe: 350

Ubuyobozi bw’ akarere ka Ngoma bwakoze igenzura busanga amwe mu mafarumasi ahakorera acuruza imiti yarengeje igihe. Iyo miti yarajugunywe ariko ngo ubutaha hazabaho ibihano.

Uretse iki kibazo cy’ imiti yarengeje igihe kandi ngo haboneka n’ikibazo cy’ imiti icuruzwa mu buryo bwa magendu.

Umuyobozi w’Akarere ka Ngoma wungiriije ushinzwe imibereho myiza y’abaturage Kirenga Providence avuga ko ari ikibazo bagiye babona mu bugenzuzi bwakozwe, kandi gikwiye gucika burundu.

Ati “Hari amafarumasi amwe twagiye tugeramo, ugasanga baracuruza imiti, yarangije igihe, kandi icyo gihe ntabwo iba ikiri imiti.Twagiye tubifata bikajugunywa ariko hakwiye kubaho guhana, kuko ni ba umuturage aje kugura umuti ukamuha uwarengeje igihe; uba ugiye kumwangiza.”

Dr. Namanya William Umuyobozi w’Ibitaro bikuru bya Kibungo avuga ko abacuruza imiti yarengeje igihe, ntaho batandukaniye n’abacuruza imiti mu buryo bwa magendu, ndetse bakwiye gukumirwa, abafashwe bagahanwa by’intangarugero kuko ari nk’abarozi.

Yagize ati “Imiti ishaje ni uburozi, ni kimwe n’abacuruza imiti ku buryo bwa magendu, bose ni abarozi.Njye ahubwo numva ko uyu muntu afashwe yabanza agafungwa, nyuma hagakurikiraho kumuca amande guhera ku bihumbi 500 frw.”

Uretse ubucuruzi bw’imiti yarengeje igihe,Umunyamabanga Nshingwabikorwa w’Umurenge wa Murama Buhiga Josué na we avuga ko hari hakwiye gushyirwaho ibihano bikarishye ku bacuruza imiti mu buryo butemewe n’amategeko (magendu).

Avuga ko mu murenge abereye umuyobozi mu kwezi kwa Mutarama 2018 hari uwo baherutse gufata ari gucururiza imiti mu iduka risanzwe; ariko agahanwa mu buryo ‘bworoshye’.

Agaragaza ko hakwiye kubaho ibihano bikomeye agira ati “Mu byumweru 2 bishize twasanze muri butike , umuntu ucuruza ibinini, afite n’inshinge atera abaturage kandi atarabyigiye,… Uwo munsi yarambwiye ngo reka nguhe ibihumbi 50 birangirire aha ngaha, yari yiteguye no gutanga amafaranga arenga ibihumbi 100, ariko mbajije barambwira ngo amande ni ibihumbi 50. Nk’ejo yavuye muri Polisi asa n’umuntu uvuye gusenga; numva hakwiye guhana ku buryo bwihanukiye kugira ngo bicike burundu.”

Inama Njyanama y’Akarere ka Ngoma iherutse gutera mu ntangiro z’ukwezi kwa Gashyantare 2018 yafatiye imyanzuro ikibazo cy’imiti icuruzwa yararengeje igihe n’abacuruza imiti mu buryo butemewe.

Visi Perezida w’Inama Njyanama w’Akarere ka Ngoma Dr. Kanobana Mathusalem avuga ko imyanzuro yafashwe na Njyanama ari uko uzajya ufatwa acuruza imiti yarengeje igihe ,azajya ahanwa kimwe n’uzafatwa acuruza imiti cyangwa avura mu buryo butemewe n’amategeko buzwi nka ‘magendu’.

Azajya acibwa amande y’amafaranga y’u Rwanda ibihumbi 100 n’ibyo yafatanwe abyamburwe, niyongera gufatwa yakoze insubira cyaha acibwe amande y’ibihumbi 200 Rwf.

Jean Claude Gakwaya

Author : Jean Claude Gakwaya

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Gicumbi: Umwarimu aravugwaho gusambanya umukobwa yigisha yitwaje kureba aho...

Mu karere ka Gicumbi kuri sitasiyo ya Polisi ya Byumba hafungiye umwarimu...
18 September 2018 Yasuwe: 7004 1

CSP Gashagaza uherutse gusezererwa muri polisi y’ u Rwanda yishwe n’ abagizi...

Urwego rw’ igihugu rw’ ubugenzacyaha RIB rwatangaje ko CSP Gashagaza Hubert...
18 September 2018 Yasuwe: 5278 2

Gasabo: Umugabo yatemaguye umugore we aramwica ngo yatinze ku...

Umugabo ukuze wo mu kagari Munini , Umudugudu Rudakabukirwa mu murenge wa...
18 September 2018 Yasuwe: 10169 2

Icyo ubuyobozi bw’ akarere ka Ruhango buvuga ku kibazo cy’ umupolisi ushinjwa...

Ubuyobozi bw’ akarere ka Ruhango ntabwo buvuga rumwe n’ abaturage ku mvano y’...
16 September 2018 Yasuwe: 6566 6

Kicukiro: Hatoraguwe umurambo w’ umugabo wishwe akurwamo amaso

Mu gitondo cyo kuri uyu wa Gatatu tariki ya 12 Nzeri 2018, mu gihuru kiri...
13 September 2018 Yasuwe: 3373 4

Kigali: Igiti kinini cyaguye hejuru y’ imodoka Imana ikinga...

Iki giti cyarandutse biturutse ku mvura yaguye mu Mujyi wa Kigali irimo...
12 September 2018 Yasuwe: 1768 0