Ngoma: Inkuba yakubise inka 10, esheshatu zose zirapfa

Amakuru   Yanditswe na: Nsanzimana Ernest 6 March 2018 Yasuwe: 2230

Kuri uyu wa Mbere tariki 5 Werurwe 2018 inkuba yakubise inka 6 mu murenge wa Kazo mu karere ka Ngoma intara y’ iburasirazuba zose zirapfa. Izindi enye zirazahara ubu zirimo kwitabwaho n’ umuvuzi w’ amatungo.

Abashumba bari barangiye izi nka mu ifamu y’ umworozi witwa Minega Agustin wo mu kagari ka Birenga, Umudugudu wa Murindwa babwiye ubuyobozi ko haguye imvura nyinshi yumvikanyemo inkuba yakubise inka 10 zose zigwa hasi zimwe zirabyuka izindi kubyuka biranga.

Ngo eshanu muri izi nka zapfuye zari imbyeyi nk’ uko Umunyamabanga nshingwabikorwa w’ Umurenge wa Kazo Nyamutera Emmanuel yabitangarije Radio Rwanda.

Yagize ati "...Amakuru twahawe n’ abashumba bari bahari ni uko haguye imvura nyinshi, inkuba ziza gukubita inka 10 zose zirarambarara, muri zo nka 10 nyuma y’ isaha imwe zimwe zaje kubyuka abashumba basanga 6 zahasize ubuzima, eshanu muri zo zari imbyeyi zonsa."

Gitifu Nyamutera yakomeje avuga ko izo enye zabyutse zari zazahaye ku buryo magingo aya zirimo kwitabwaho n’ umuvuzi w’ amatungo wo mu murenge wa Kazo.

Yavuze kandi ko ubuyobozi kuva ku ku murenge, akarere ndetse n’ abakozi b’ Ikigo cy’ igihugu cy’ ubuhinzi n’ ubworozi RAB basuye uyu mworozi bagakora raporo kugira ngo Minega azashumbushwe kuko ngo ariko bisanzwe bigenda ku muntu wahuye n’ ibyago nk’ ibyo.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Amwe mu mateka ya Rtd Hubert Gashagaza wamaze gushyingurwa [AMAFOTO]

Kuri uyu wa 20 Nzeli 2018 nibwo Rtd CSP Hubert Gashagaza yashinguwe mu...
20 September 2018 Yasuwe: 7695 1

Gicumbi: Umwarimu aravugwaho gusambanya umukobwa yigisha yitwaje kureba aho...

Mu karere ka Gicumbi kuri sitasiyo ya Polisi ya Byumba hafungiye umwarimu...
18 September 2018 Yasuwe: 7301 1

CSP Gashagaza uherutse gusezererwa muri polisi y’ u Rwanda yishwe n’ abagizi...

Urwego rw’ igihugu rw’ ubugenzacyaha RIB rwatangaje ko CSP Gashagaza Hubert...
18 September 2018 Yasuwe: 5393 2

Gasabo: Umugabo yatemaguye umugore we aramwica ngo yatinze ku...

Umugabo ukuze wo mu kagari Munini , Umudugudu Rudakabukirwa mu murenge wa...
18 September 2018 Yasuwe: 10475 2

Icyo ubuyobozi bw’ akarere ka Ruhango buvuga ku kibazo cy’ umupolisi ushinjwa...

Ubuyobozi bw’ akarere ka Ruhango ntabwo buvuga rumwe n’ abaturage ku mvano y’...
16 September 2018 Yasuwe: 6631 6

Kicukiro: Hatoraguwe umurambo w’ umugabo wishwe akurwamo amaso

Mu gitondo cyo kuri uyu wa Gatatu tariki ya 12 Nzeri 2018, mu gihuru kiri...
13 September 2018 Yasuwe: 3400 4