Nyagatare: Polisi yarashe umumotari wari witwaje umuhoro

Amakuru   Yanditswe na: Iyamuremye Janvier 18 October 2017 Yasuwe: 3662

Kuwa 17 Ukwakira 2017 Mu karere ka Nyagatare mu Ntara y’Iburasirazuba Polisi yarashe umumotari wari utwaye ibiyobyabwenge agashaka kurwanya inzego z’umutekano,ngo yari afite umuhoro ari kuri moto.

Umuvugizi wa Polisi y’u Rwanda mu Ntara y’Iburasirazuba, Inspector of Police (IP) Jean de Dieu Kayihura yabwiye UMURYANGO ko byabaye ahagana saa kumi n’ebyiri za mugitondo [Mu rucyerera], bikabera mu murenge wa Musheli mu Kagari ka Musheli mu Karere ka Nyagatare.

Avuga ko uwo mu mutori yitwa Udahemuka Emmanuel akaba afite imyaka 35 y’amavuko ngo yafashwe atwaye inzoga za Zebra kuri moto [Ibiyobyebwenge].Ngo yahagaritswe n’abapolisi aranga ahubwo ashaka kubagonga.

Kandi ngo kuri moto yagendaga yitwaje imuhoro bivuze ko yari yiteguye guhangana n’inzego z’umutekano. Avuga ko ubwo uyu mu mutori yashakaga kugonga abapolisi baguye mu gisambu.

Komanda wari kumwe n’abo bapolisi yafashe icyemezo cyo kumurasa kugirango atabacika, ati “Byabaye mu gitondo cyo kuwa 17 Ukwakira 2017 ahagana saa kumi n’ebyeri z’igitondo...Yafashwe atwaye inzoga zitemewe zo mu bwoko bwa Zebra...Polisi yaramuhagaritse aho guhagara ajya kugonga abapolisi, abapolisi baguye mu gisambu kuruhande, komanda aramurasa ahita yitaba Imana."

Yakomeje asaba abaturage kwirinda ibiyobyabwenge aho biva bikagera yaba kubicuruza,kubitunga ndetse no kubikoresha kuko bigira ingaruka mbi ku buzima bwa muntu.Avuga ko abantu bakwiye kwibuka hari amategeko abihana uko byagenda kose.

Kayihura avuga ko ntarindi perereza ryakorwa. Uyu mu motari yari asanzwe ari umuturage mu Karere ka Nyagatare mu Murenge wa Rwimiyaga.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble kagina

    None se bamurashe babonye ko yitwaje umuhoro ? Cyangwa bawubonye bamaze kumurasa? Bakwemeye ko habaye ho amakosa ariko ntibadutere ikinya ngo harashwe umumotari witwaje umuhoro.

    1 month ago
  • chat_bubble Bijou

    Nkunda ukuntu uyu muvugizi w’Igipolisi mu Burasirazuba yitanga n’ukuri IP Kayihura Imana imuhe umugisha

    1 month ago
  • chat_bubble Umuvugizi???

    Ibi binyereka ko Polisi y’u Rwanda mu byo yigishijwe hatarimo kwirukanwa ubuse iyo biruka koko bakamufata,..Uwirutse wese nu kumugaruza isasu

    1 month ago

Inzindi nkuru

Kigali: Umushoferi yafungiwe gusuzugura abagenzi

Umushoferi witwa Ndereyimana Emmanuel uzwi ku izina rya Manudi afungiye...
20 November 2017 Yasuwe: 632 0

U Rwanda rwohereje abajya mu myitozo ihuje Ingabo z’Akarere muri...

Umutwe ugizwe n’abantu 95 bagizwe n’ingabo z’u Rwanda, Police n’abasivile nibo...
18 November 2017 Yasuwe: 413 2

Kigali: Polisi yafashe umugabo n’umugore biyitaga umupolisi

Ku wa kane tariki 16 Ugushyingo uyu mwaka Polisi y’u Rwanda yaburijemo...
18 November 2017 Yasuwe: 1532 0

Kigali: Umusekirite wa ISCO wari mu gikundi cy’abajura yarashe mugenzi...

Mu rucyerera rwo kuri uyu wa kane tariki ya 16 Ugushyingo 2017 nibwo mu...
16 November 2017 Yasuwe: 3382 0

Kigali: Abashoferi babiri bafatiwe mu cyuho baha ruswa Abapolisi

Mu cyumweru gishize Polisi yafashe abagabo babiri baha ruswa y’amafaranga...
13 November 2017 Yasuwe: 430 0

Gakenke: RITCO yakoze impanuka ihitana 3 ikomeretsa 17

Abantu batatu bapfuye 17 barakomereka ubwo imodoka ya Sosiyete itwaraba...
13 November 2017 Yasuwe: 2877 0