Nyagatare: Umuturage arashinja gitifu kumukubita akamuvuna akaboko

Amakuru   Yanditswe na: Nsanzimana Ernest 30 October 2018 Yasuwe: 1735

Umuturage wo mu murenge wa Katabagemu aravuga ko umunyamabanga nshingwabikorwa w’ umusigire mu kagari ka Bayigaburire bamukubise akamuvuna ukuboko akamusaba ko yakomeza imishinga yari kuzikorera iyo atamuvuna.

Munyembabazi Jean Damascene yatangarije Umuryango ko kuri uyu wa Mbere tariki 29 mu gitondo, Jean Bernard Benimana n’ umuyobozi w’ umudugudu bamutumyeho bamubeshya ko bagiye kumurangira ikibanza cyo gushakira umukilriya yagera ku kagari gitifu w’ umusigire Benimana akamukubita akamukubita.

Uyu mugabo akora akazi nk’ ubusherisheri, kuranga amazu n’ ibibanza bigurishwa.

Yagize ati “Ejo narindi mu murima ndi kwihingira , umuyobozi w’ umudugudu wa Nyagahandagaza aba aratelefonywe ngo ninze hari umukiriya ubonetse, ariko ubwo ni politiki yari yagiye na gitifu mpageze baranyadukira barakubita”

Munyembabazi Jean Damascene yavuze ko gitifu Bernard yamukubise inkoni ku kuboko anamukubita umutego yikubita hasi agwira akaboko.

Amakuru dukesha umuturage utuye hasi y’ akagari ni uko gitifu yabonye avunnye uyu muturage akamuha ibihumbi 15 ngo age kwivuza.

Munyembabazi yavuze ko yaraye ku bitaro bya Ngarama mu karere ka Gatsibo, ngo abaganga bamufotoye basanga yavunitse igufa ry’ ukuboko.

Uyu muturage avuga ko ataramenya icyo gifitu yamuhoye gusa ngo yamukubise amuhora ko yanze kujya mu biro by’ akagari ngo amufunge. Ngo impamvu yanze kujya mu biro by’ akagari gufungirwamo ni uko aziko kuranga amasambu n’ amazu atari icyaha kandi gitifu ngo uretse kumubaza niba ariwe uranga amasambu nta kindi yamubajije.

Jean Bernard Benimana mu ijwi ryumvikanamo iterabwoba n’ akasuzuguro yanze kugira icyo atangariza Umuryango ku byo ashinjwa n’ uyu muturage.

Umunyamabanga nshingwabikorwa w’ Umurenge wa Katabagemu tumubajije iki kibazo yatubwiye ko atakizi, nyamara uyu muturage avuga ko bikimara kuba yahise ajya kubibwira ubuyobozi bw’ umurenge wa Katabagemu.

Umuturage wo muri uyu murenge watubwiye ko abizi ko Munyembabazi ikibazo cye yakibwiye ubuyobozi bw’ umurenge.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Bamwe mu bateye Kitabi bishwe, abashimuswe baratabarwa. Bimwe mu bindi...

Lt Col Innocent Munyengango yatangaje ko Ingabo z’u Rwanda zakurikiye...
18 December 2018 Yasuwe: 15148 2

Nyamagabe:Abantu bataramenyekana bagabye igitero ku modoka zitwara abagenzi...

Mu karere ka Nyamagabe umurenge wa Cyiitabi,abantu bataramenyekana...
16 December 2018 Yasuwe: 6500 1

Perezida Kagame yavuze ko cya gitero FDLR I Rubavu cyaguyemo abasirikare 3...

Perezida w’ u Rwanda Paul Kagame yatangaje ko abasirikare b’u Rwanda bagera...
14 December 2018 Yasuwe: 9171 0

Kigali: Umugore yafatanywe abamugaye n’abana bikekwa ko akoresha mu...

Mu murenge wa Kigali Akarere ka Nyarugenge mu rugo rw’umugore witwa Lidivine...
12 December 2018 Yasuwe: 3753 0

Perezida Kagame yeretse ingabo z’ u Rwanda ibanga ryo gutsinda umwanzi...

Perezida w’ u Rwanda akaba n’ umugaba w’ ikirenga w’ Ingabo z’ u Rwanda Paul...
12 December 2018 Yasuwe: 4910 0

Umugore n’ umusore bafatanywe udupfunyika ibihumbi 47 tw’ urumogi

Kuri uyu wa Kabiri tariki ya 11 Ukuboza 2018, Polisi y’u Rwanda yeretse...
11 December 2018 Yasuwe: 1987 0