Nyaruguru/ Ngoma: Ntibarahabwa indangamuntu basabye mu myaka 8 ishize

Amakuru   Yanditswe na: Nsanzimana Ernest 6 September 2018 Yasuwe: 610

Mu murenge wa Ngoma w’ akarere ka Nyaruguru uri uhana imbibi n’ igihugu cy’ u Burundi hari abaturage bavuga ko bamaze imyaka igera ku 8 batarahabwa indangamuntu kandi barujuje ibisabwa byose.

Aba baturage bavuga ko kuba badafite indangamuntu bibagiraho ingaruka ndetse ngo bameze nk’ abafunze kuko ngo badashobora kugira ahantu bajya cyangwa se ngo bahabwe serivise zose zigenerwa abanyarwanda.

Umwe muri aba baturage babwiye UMURYANGO ko amaze imyaka ibiri aguze inzu ariko ngo ntarahabwa ibyangombwa byayo kuko uwo bayiguze adafite irangamuntu.

Ngirimana Evariste avuga ko yatakaje irangamuntu akabimenyesha inzego z’ umutekano, hanyuma ushinzwe irangamimerere mu murenge wa Ngoma akamubwira ngo nagende indangamuntu ye izamugezwaho, none ngo amaze umwaka ategereje yarahebye.

Yagize ati “Njyewe ikibazo cy’ indangamuntu narayitaye angiye kuri polisi baduha amakaratasi, Etat civil aratubwira ngo tugende azazituzanira, twarategereje hashize nk’ umwaka tutarazibona”

Ikibazo cyo kuba aba baturage batagira amarangamuntu kigira ingaruka no ku baturanyi babo.

Umwe muribo yagize ati “Iriya nzu y’ amategura twarayiguze nka koperative yacu ariko nta byagombwa byaho tugira, umuntu twayiguze twasanze nta ndangamuntu agira kandi namenye ubwenge atuye hano”.

Mu baturage nka 20 twasanzwe ahitwa ku Kanyaru hafi y’ umupaka w’ u Rwanda n’ u Burundi kuri uyu 5 Nzeli 2018 , abarenga ½ batubwiye ko nta marangamuntu bafite.

Aba barimo abazisabye bamaze kuva ku mwaka umwe kugeza ku 8 batarazihabwa. Amakuru UMURYANGO wamenye ni uko muribo harimo abazihoranye bazambuwe.

Bamwe mu baturage batugejejeho ikibazo cyo kutagira indangamuntu bavuga ko hashize imyaka byinshi bazisabye. Hari abavuga ko bazisabye mu myaka 6 ishize abandi bo bakavuga ko bazisabye mu myaka 8 ishize.

Ubuyobozi bw’ Umurenge wa Ngoma iki kibazo cy’ indangamuntu kiganjemo buvuga ko benshi mu batazifite byagaragaye ko ari Abarundi baba mu Rwanda.
Gusa ngo bwabakoreye ubuvugizi ku kigo cy’ igihugu gishinzwe abinjira n’ abasohoka kugira ngo bahabwe ubwenegihugu bw’ u Rwanda.

Uretse kuba umunyarwanda udafite ikarita ndangamuntu hari serivisi adahabwa nk’ uko n’ aba baturage bo mu karere ka Nyaruguru bemeza ko byababayeho ingingo ya 12 y’ itegeko rigena iyandikwa ry’abaturage n’itangwa ry’ikarita ndangamuntu ku Banyarwanda iteganya ibihano ku muntu wese utubahiriza ibyo riteganya cyane cyane mu byerekeye inshingano ahabwa kuva ku ngingo ya 4 kugeza ku ya 11.

Ibyo bihano birimo igifungo kuva ku munsi umwe (1) kugera kuri irindwi (7) n’ihazabu y’amafaranga kuva ku bihumbi bitanu (5.000 frw.) kugeza ku bihumbi mirongo itanu (50.000 frw.) cyangwa kimwe gusa muri ibyo bihano.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ko bwari bwije uwarashe indege ya Habyalimana yabwiwe n’iki ko ariwe koko...

Mu ijoro ryo kuwa 6/4/1994 indege yari itwaye Perezida Habyalimana ndetse...
20 April 2019 Yasuwe: 10517 6

Ignace Murwanashyaka wayoboraga FDLR yaguye mu Budage

Inkuru dukesha ikinyamakuru Umuseke yasohotse ku mugoroba wo kuri uyu wa...
17 April 2019 Yasuwe: 7373 2

Hari amakuru avuga ko Maj Sankara Callixte yafashwe akaba yaranagejejwe i...

Kuva mu gitondo cyo kuri uyu wa mbere hatangiye gukwirakwiaa amakuru ku...
15 April 2019 Yasuwe: 34815 16

Kwibuka 25: RIB yasabye abaturarwanda kwitwararika ibyaha by’ingengabitekerezo

Mu butumwa Urwego rw’Igihugu rw’Ubugenzacyaha (RIB) rwageneye abaturarwanda...
4 April 2019 Yasuwe: 942 1

Kayonza: Umusilikari yasanze ku rugo rwe hamanitse umusaraba wanditseho...

Ku urugo rwa SSgt Rubango hari hamanitse umusaraba wanditseho uwitwa...
28 March 2019 Yasuwe: 13658 1

Imbwa 16 nizo Polisi y’u Rwanda yungutse zizayifasha mu gucunga...

Kugira ngo umutekano w’abantu n’ibyabo urusheho kugenda neza, Polisi y’u...
17 January 2019 Yasuwe: 2714 0