Perezida Kagame yazamuye mu ntera abasirikare barimo Fred Ibingira na Joseph Nzabamwita

Amakuru   Yanditswe na: Nsanzimana Ernest 12 January 2018 Yasuwe: 2391

Perezida wa Repubulika y’u Rwanda Paul Kagame, yazamuye mu Ntera abasirikare bakuru b’u Rwanda hamwe n’abasirikare bato. Mu bazamuwe harimo Fred Ibingira wagizwe General na Joseph NZABAMWITA wabaye umuvugizi wahoze ari umuvugizi w’ igisirikare cy’ u Rwanda ubu akaba ari umuyobozi w’ urwego rw’Igihugu rushinzwe iperereza n’umutekano (NISS) ari muri 12 bahawe ipeti rya Major General.

Ashingiye ku bubasha ahabwa n’amategeko, Perezida Kagame akaba n’umugaba w’ikirenga w’Ingabo z’u Rwanda, yazamuye mu ntera bamwe mu basikare bakuru n’abasirikare bato.

Umugaba mukuru w’ Inkeragutabara Fred Ibingira wahawe ipeti rikuru mu gisirikare cy’u Rwanda asanzeho Gen James Kabarebe na Gen Patrick Nyamvumba.

Uretse Fred Ibingira wakuwe ku ipeti rya Lieutenant General akagirwa General, harimo na Jacques Musemakweli wakuwe ku ipeti rya Major General agirwa Lieutenant General, hakaba n’abasirikare 12 bakuwe ku ipeti rya Brigadier General bashyirwa ku rya Major General, abo bakaba ari Charles KARAMBA usanzwe ari umugaba w’ingabo zirwanira mu kirere, Eric MUROKORE, Emmy RUVUSHA, Emmanuel BAYINGANA, Joseph NZABAMWITA uyobora urwego rw’Igihugu rushinzwe iperereza n’umutekano (NISS), Andrew KAGAME, Charles RUDAKUBANA, Aloys MUGANGA, Ferdinand SAFARI, Albert MURASIRA, Jean Jacques Laurent MUPENZI na Innocent KABANDANA

Hari kandi abasirikare 6 basanzwe bafite ipeti rya Colonel bahawe irya Brigadier General, abo bakaba ari John Bosco NGIRUWONSANGA, John Bosco RUTIKANGA, Vincent NYAKARUNDI, Francis MUTIGANDA, Fred MUZIRAGUHARARA na Willy RWAGASANA.

Mu bandi bazamuwe harimo 14 basanzwe bafite ipeti rya Lieutenant Colonel ubu bakaba bahawe ipeti rya Colonel, hakabamo 68 bari bafite ipeti rya Major bahawe irya Lieutenant Colonel, 79 bari bafite irya Captain bahawe irya Major, 11 bari bafite irya Lieutenant bakaba bahawe irya Captain, 457 bari bafite irya Second Lieutenant bakaba bagizwe aba Lieutenant ndetse n’abandi basirikare bato benshi bagiye bazamurwa mu ntera.

Joseph Nzabamwita wari Brig. gen. yagizwe Generale majoro

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble uwamariya E

    Nibyiza cyane reka bahebwe barabikwiriye bakora akazi katoroshye

    January 2018
  • chat_bubble uwamariya E

    Nibyiza cyane reka bahebwe barabikwiriye bakora akazi katoroshye

    January 2018

Inzindi nkuru

Bamwe mu bateye Kitabi bishwe, abashimuswe baratabarwa. Bimwe mu bindi...

Lt Col Innocent Munyengango yatangaje ko Ingabo z’u Rwanda zakurikiye...
18 December 2018 Yasuwe: 14832 2

Nyamagabe:Abantu bataramenyekana bagabye igitero ku modoka zitwara abagenzi...

Mu karere ka Nyamagabe umurenge wa Cyiitabi,abantu bataramenyekana...
16 December 2018 Yasuwe: 6427 1

Perezida Kagame yavuze ko cya gitero FDLR I Rubavu cyaguyemo abasirikare 3...

Perezida w’ u Rwanda Paul Kagame yatangaje ko abasirikare b’u Rwanda bagera...
14 December 2018 Yasuwe: 9064 0

Kigali: Umugore yafatanywe abamugaye n’abana bikekwa ko akoresha mu...

Mu murenge wa Kigali Akarere ka Nyarugenge mu rugo rw’umugore witwa Lidivine...
12 December 2018 Yasuwe: 3673 0

Perezida Kagame yeretse ingabo z’ u Rwanda ibanga ryo gutsinda umwanzi...

Perezida w’ u Rwanda akaba n’ umugaba w’ ikirenga w’ Ingabo z’ u Rwanda Paul...
12 December 2018 Yasuwe: 4189 0

Umugore n’ umusore bafatanywe udupfunyika ibihumbi 47 tw’ urumogi

Kuri uyu wa Kabiri tariki ya 11 Ukuboza 2018, Polisi y’u Rwanda yeretse...
11 December 2018 Yasuwe: 1983 0