Perezida Kagame yeretse ingabo z’ u Rwanda ibanga ryo gutsinda umwanzi ukurusha intwaro

Amakuru   Yanditswe na: Nsanzimana Ernest 12 December 2018 Yasuwe: 6110

Perezida w’ u Rwanda akaba n’ umugaba w’ ikirenga w’ Ingabo z’ u Rwanda Paul Kagame yagaragarije ingabo z’ u Rwanda ko kudasesagura bigufasha gutsinda umwanzi nubwo yaba afite amasasu aruta ayawe inshuro 10.

Yabikomojeho kuri uyu wa 11 Ukuboza 2018, I Gabiro ubwo yari mu muhango wo gusoza imyitozo ikomatanyije y’ ingabo z’ u Rwanda zirwanira ku butaka, izirwanira mu kirere ndetse n’ ingabo zifite imyitozo yo kurwego rwo hejuru Special Force.

Umukuru w’ igihugu niwe wayoboye urugamba rwo guhagarika Jenoside yakorewe abatutsi no kubohora igihugu. Ashingiye ku bunararibonye afite mu gisirikare yabwiye ingabo z’ u Rwanda ko nta tegeko rihana utsinze umwanzi agatwara ibirwanisho bye.

Yagize ati “Kera tukiba ku rugamba twarabaraga, buri sasu rikagusha. Ugasanga umuntu muri magazine afitemo amasasu 10, ijyamo 30. Wenda uwo murwana afite 100.”

Yongeyeho ati “Twarayakoreshaga kugira ngo tubone andi. Nta rindi duka twari dufite twakuragamo. Ushaka uwo urwana nawe ugashaka n’ ibyo yari afite yakurwanishaga. Biriya ntawe uzagutwara mu rubanza, ufata imbunda, ugafata amasasu ntabwo ujya gufata ibindi mu ngo. Ibyo nibyo mvuga urabifata ukabihindukiza ugakomeza ukamurwanya”.

Perezida Kagame yavuze ko iyo ufite amasasu 10 ukayapfusha ubusa ariwowe uba usigaje gupfa.

Perezida Kagame yavuze ko n’ igihe u Rwanda ruzaba rwarateye imbere rukagira ibintu byinshi nta byinshi byo kwangiza ahubwo umuco wo kudasesagura ukwiye gukomeza gukomeza kuranga Abanyarwanda.

Inkuru bifitanye isano

Perezida Kagame yitabiriye isozwa ry’ imyitozo ikomatanyije y’ ingabo z’ u Rwanda [AMAFOTO]
‘Abashaka u Rwanda barwifuriza ibibi barukurahe se?’ Perezida Kagame

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ko bwari bwije uwarashe indege ya Habyalimana yabwiwe n’iki ko ariwe koko...

Mu ijoro ryo kuwa 6/4/1994 indege yari itwaye Perezida Habyalimana ndetse...
20 April 2019 Yasuwe: 10492 6

Ignace Murwanashyaka wayoboraga FDLR yaguye mu Budage

Inkuru dukesha ikinyamakuru Umuseke yasohotse ku mugoroba wo kuri uyu wa...
17 April 2019 Yasuwe: 7370 2

Hari amakuru avuga ko Maj Sankara Callixte yafashwe akaba yaranagejejwe i...

Kuva mu gitondo cyo kuri uyu wa mbere hatangiye gukwirakwiaa amakuru ku...
15 April 2019 Yasuwe: 34757 16

Kwibuka 25: RIB yasabye abaturarwanda kwitwararika ibyaha by’ingengabitekerezo

Mu butumwa Urwego rw’Igihugu rw’Ubugenzacyaha (RIB) rwageneye abaturarwanda...
4 April 2019 Yasuwe: 936 1

Kayonza: Umusilikari yasanze ku rugo rwe hamanitse umusaraba wanditseho...

Ku urugo rwa SSgt Rubango hari hamanitse umusaraba wanditseho uwitwa...
28 March 2019 Yasuwe: 13651 1

Imbwa 16 nizo Polisi y’u Rwanda yungutse zizayifasha mu gucunga...

Kugira ngo umutekano w’abantu n’ibyabo urusheho kugenda neza, Polisi y’u...
17 January 2019 Yasuwe: 2713 0