Polisi iributsa abaturarwanda gukomeza kubumbatira umutekano

Amakuru   Yanditswe na: Iyamuremye Janvier 25 December 2017 Yasuwe: 50

Polisi y’igihugu iributsa abaturarwanda gukomeza kubahiriza ihame ryo kubumbatira umutekano hirya no hino aho batuye kandi abatwara ibinyabiziga bakibuka kwitwararika muri iyi minsi isoza umwaka n’iwutangira. Abaturage na bo bavuga ko kubungabunga umutekano babikanguriwe kandi biteguye gufatanya n’inzego zibishinzwe mu kuwubumbatira.

Ku munsi mukuru wa Noheli uba mu mpera z’umwaka n’uw’Ubunani utangira umwaka, abenshi mu baturage bakunze kujya mu tubari bakica inyota, ariko hari n’abo ushobora gusanga barengeje urugero bagahungabanya umutekano wa bagenzi babo. Bamwe mu baturage baba abacuruza, abakora umwuga wo gutwara abantu n’abafite utubari babwiye itangazamakuru ko iyo minsi mikuru bamaze kuyitegura kandi babikanguriwe, ko bazarushaho kubungabunga umutekano.

Rugango Jean Batpiste, umuturage wo mu murenge wa Gisozi yagize ati, ’Ntabwo kandi tugomba guhungabanya umutekano dufite, kuko abawuturindiye barahari, ariko natwe tugomba kuba maso kugira ngo bamenye ko ibyo bakora natwe tubari inyuma. Niba tunywa tugomba kwirinda kurenza urugero, kandi tukirinda kubangamira abandi.’’

Umuvugizi wa polisi y’u Rwanda ACP Théos BADEGE avuga ko abaturage bakwiye kwishima uko bisanzwe ariko bagakomera ku mahame y’umutekano, birinda ubusinzi, guhungabanya umutekano no kwirinda impanuka.

Ati, ’’Icyo umuntu azakora cyose azagisoza neza nta byago afite byo kuzira impanuka , kubera ko yatwaye akarenza umuvuduko kubera ibyishimo, kuko yatwaye yasinze, cyangwa se yatwaye arangaye ari ku matelefoni. Ikindi twese dukeneye uburenganzira bwo kwizihiza iminsi mikuru, niba unyuze ahantu cyangwa uhatuye menya ko urusaku rubuza ituze. Muri iyi minsi isoza umwaka ni ukwibuka ko ibirori n’ibyishimo bitagomba kubangamira ihame ry’umutekano no kubahiriza amategeko.’’

Umuvugizi wa polisi yibutsa ko abaturage ko ahazateranira ibirori by’abantu benshi bigomba kumenyeshwa ubuyobozi bw’inzego z’ibanze n’iz’umutekano kugira ngo zibashe gucunga umutekano w’abahateraniye.

RBA

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

KIGALI:Havumbuwe umuvugabutumwa wari warafungiye abakobwa 2 mu rugo rwe...

Umugabo witwa Dushimimana Theodore wiyita umuvugabutumwa yatawe muri yombi...
18 October 2018 Yasuwe: 3661 0

Nyaruguru: Filime z’ imibonano mpuzabitsina zirimo guteza amakimbirane mu...

Abashakanye bo mu Karere ka Nyaruguru batangaza ko filime z’urukozasoni...
16 October 2018 Yasuwe: 2229 1

Bugesera : Umurwayi wo mu mutwe yishe se umubyara amutemaguye

Mu murenge wa Kamabuye umusaza witwa Munyankumburwa Emmanuel, w’imyaka 66,...
16 October 2018 Yasuwe: 1083 0

Iburengerazuba: Polisi yafashe abakekwaho kunyereza arenga miliyoni 3Frw...

Polisi mu Burengerazuba yakoze umukwabu wo gufata abacuruzi babiri bakomoka...
15 October 2018 Yasuwe: 307 1

Visi Perezida w’ Ishyaka rya Victoire Ingabire yatorotse gereza

Umuyobozi wungirije w’ ishyaka FDU inkingi ritaremererwa gukorera mu Rwanda...
8 October 2018 Yasuwe: 6899 2

Bugesera: Ahahoze Intaragahanga hiciwe umuntu akebwe ijosi

Mu murenge wa Kamabuye , umukobwa uri mu kigero cy’imyaka 25 utaramenyekana...
4 October 2018 Yasuwe: 1856 1