skol
startimes

Polisi y’u Rwanda yafashe abantu 2 bakekwaho gusambanya ku gahato abakobwa babafatiyeho intwaro

Amakuru   Yanditswe na: Dusingizimana Remy 5 October 2020 Yasuwe: 2472

Polisi y’u Rwanda yatangaje ko yataye muri yombi Niyomugisha Issa na Ufitinema Jacques bakekwaho gusambanya ku gahato abakobwa babiri bo mu Karere ka Gicumbi, mu Murenge wa Byumba.


Abafashwe bafungiye kuri Sitasiyo ya Polisi ya Byumba mu gihe iperereza ririmo gukorwa n’urwego rubishinzwe.

Mu ijoro ryo kuwa 29 Nzeri 2020 nibwo abagizi ba nabi batahise bamenyekana baraye bateye mu rugo rw’umuturage basambanya abakobwa bavukana babiri umwe w’imyaka 18 n’undi wa 20 babafatiyeho intwaro gakondo.

Amakuru yavuze ko aba bakobwa babiri basanzwe mu nzu baryamye,nuko aba bagizi ba nabi bari bitwaje intwaro babafata ku ngufu.

Icyo gihe,umuyobozi w’Akarere ka Gicumbi, Ndayambaje Félix, yatangaje ko abateye uru rugo bahise batangira gushakishwa ku bufatanye na Polisi.

Ati "Amakuru ni uko hari abantu tutaramenya baraye binjiye mu rugo rw’umuturage, bagasanga inzu yararagamo abo bana babiri idakinze, hanyuma bakabasambanya, ntituzi niba bari bagiye kwiba wenda bagasanga iyo nzu idakinze, bagahitamo kubatera ubwoba bakabasambanya, turacyakorana na Polisi mu gushakisha aba bantu kugira ngo tumenye ukuri kw’ibivugwa."

Yasabye abaturage kugira uruhare rufatika mu kwicungira umutekano, no gukaza amarondo kugira ngo bakumire uwo ariwe wese washaka guhungabanya umutekano wabo.

Bivugwa ko Se w’aba bakobwa yabyutse ngo abatabare, aba bagizi ba nabi bamwumva bakiruka.

Aba bakobwa bahise bajyanywa ku bitaro bya Byumba kugira ngo bafashwe.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Nyabihu: Umumotari yafatanwe imifuka irimo urumogi ashaka gutema...

Polisi y’u Rwanda ikorera mu turere twa Kirehe na Nyabihu yafashe ibiro 102...
29 November 2020 Yasuwe: 1208 0

Kicukiro: Inzu y’umuyobozi w’Umudugudu yahiye ku manywa y’ihangu...

Ku gicamunsi cyo kuri uyu wa Gatanu tariki ya 27 Ugushyingo 2020,inzu...
27 November 2020 Yasuwe: 6249 0

Sergeant Robert ushinjwa gusambanya umwana we ari gushaka ubuhungiro muri...

Umusirikare akaba n’umuririmbyi wamenyekanye mu itsinda ry’umuziki ry’ingabo...
26 November 2020 Yasuwe: 3807 0

NYABIHU: Umumotari yafatanwe urumogi yari yavanze n’amakara

Mu gitondo cyo kuri uyu wa Mbere tariki ya 23 Ugushyingo Polisi y’u Rwanda...
25 November 2020 Yasuwe: 665 0

Gasabo: Umugabo yatawe muri yombi akekwaho gusambanya nyina ku...

Umugabo witwa Bakundukize w’imyaka 41 y’amavuko, ari mu maboko ya RIB Post ya...
24 November 2020 Yasuwe: 2103 0

Biravugwa ko Sergeant Robert ukekwaho gusambanya umwana we yatorokeye muri...

Sergeant Major Kabera Robert uzwi mu muziki nka “Sergeant Robert” uri...
24 November 2020 Yasuwe: 7209 0