Polisi y’u Rwanda yatsinze iya Kenya mu mupira w’amaguru mu mikino ya EAPCCO

Amakuru   Yanditswe na: Iyamuremye Janvier 28 August 2017 Yasuwe: 377

Ku mukino wayo wa mbere wabaye ku itariki 27 Kanama uyu mwaka, Polisi y’u Rwanda yatsinze Polisi ya Kenya ibitego bitatu kuri kimwe mu marushanwa yateguwe n’Umuryango uhuza Abakuru ba Polisi zo mu bihugu byo mu Karere ka Afurika y’i Burasirazuba; uwo mukino ukaba warabereye muri Kaminuza ya Mukono muri Uganda.

Ku munota wa 10 w’igice cya mbere Rutahizamu Songa Isaie yafunguye amazamu ku mupira yahawe na Nsengiyumva Mustapha awubyaza umusaruro atsindira Polisi y’u Rwanda igitego cya mbere; gusa nyuma gato Polisi ya Kenya yaje kukishyura; igice cya mbere kirangira amakipe yombi anganya igitego kimwe ku kindi.

Mu gice cya kabiri Polisi y’u Rwanda yokeje igitutu Polisi ya Kenya nuko ku mupira w’umuterekano Yves Manishimwe atsinda igitego cya kabiri. Ku munota wa 73 Mushimiyimana Mouhamed yatsinze igitego cy’agashinguracumu; bityo umukino urangira ari ibitego 3 bya Polisi y’u Rwanda kuri 1 cya Polisi ya Kenya.

Polisi y’u Rwanda izakina na Polisi ya Uganda ku wa kabiri tariki ya 29 Kanama, ikipe izatsinda izahita yegukana igikombe cya EAPCCO ku nshuro ya mbere mu mateka y’aya marushanwa akinwe ku nshuro ya mbere.

Polisi y’u Rwanda ihagarariwe n’abandi bakina indi mikono itandukanye. Aya marushanwa yitabiriwe n’ibihugu 7 ari byo: U Rwanda, Uganda, Sudan, South Sudan, Burundi, Tanzani na Kenya.

Ubwo yayatangizaga ku mugaragaro, Umuyobozi Mukuru wa Polisi y’u Rwanda akaba n’Umunyamabanga Mukuru wa EAPCCO, Inspector General of Police (GP) Emmanuel K. Gasana yavuze ko aya marushanwa agamije ahanini gutuma habaho kumenyana hagati y’abagabo n’abagore bagize Umuryango wa EAPCCO no guteza imbere siporo muri izi nzego z’umutekano.

Imikino iri mu bizaganirwaho mu nama rusange iteganyijwe mu minsi iri imbere ya EAPCCO ; hanyuma iki cyifuzo nicyemezwa kizagezwa ku nama y’Abakuru ba Polisi ku rwego rwa Afurika kugira ngo harebwe uko iyi mikino yakomeza gukinwa, ndetse igahuza Polisi zo mu bihugu byo ku mugabane wa Afurika.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Impanuka ebyiri nizo zabaye muri Tour du Rwanda 2017

Polisi y’u Rwanda irashima imyitwarire yaranze abakoresha umuhanda...
20 November 2017 Yasuwe: 315 0

Sudani:Ingabo z’u Rwanda muri UNAMID zashyikirije abanyadarefuru ishuri...

Ingabo z’u Rwanda (RWANBATT50) ziri mu butumwa bwo kugarura amahoro mu...
20 November 2017 Yasuwe: 347 0

Kigali: Umushoferi yafungiwe gusuzugura abagenzi

Umushoferi witwa Ndereyimana Emmanuel uzwi ku izina rya Manudi afungiye...
20 November 2017 Yasuwe: 731 0

U Rwanda rwohereje abajya mu myitozo ihuje Ingabo z’Akarere muri...

Umutwe ugizwe n’abantu 95 bagizwe n’ingabo z’u Rwanda, Police n’abasivile nibo...
18 November 2017 Yasuwe: 443 2

Kigali: Polisi yafashe umugabo n’umugore biyitaga umupolisi

Ku wa kane tariki 16 Ugushyingo uyu mwaka Polisi y’u Rwanda yaburijemo...
18 November 2017 Yasuwe: 1587 0

Kigali: Umusekirite wa ISCO wari mu gikundi cy’abajura yarashe mugenzi...

Mu rucyerera rwo kuri uyu wa kane tariki ya 16 Ugushyingo 2017 nibwo mu...
16 November 2017 Yasuwe: 3424 0