RDF yasoje igikorwa cyo gusimbuza abasirikare bari mu butumwa bw’amahoro

Amakuru   Yanditswe na: Iyamuremye Janvier 21 December 2017 Yasuwe: 806

Ingabo z’U Rwanda zasoje igikorwa cyo gusimbuza abasirikare bari mu butumwa bwo kubungabunga amahoro bw’umuryango wa Afirika yunze Ubumwe n’Umuryango w’A bibumbye (UNAMID). Batayo ya 53 y’ingabo z’U Rwanda yasimbuye Batayo ya 37.

Ku wa 19 Ukuboza 2017, nibwo icyiciro cya nyuma cy’ingabo z’ U Rwanda za Batayo 53, kigizwe n’abasirikare 136 bajyanywe n’ indege ya RwandaAir Boing 737-800, bahagurutse ku kibuga mpuzamahanga cy’indege cya Kigali berekeza ahitwa El-Geneina aho bagomba gukomeza bagana Zalinge aho bazakorera.

Irindi tsinda rya nyuma rya Batayo ya 37 rigizwe n’abasirikare 135 naryo ryagarukanye na RwandaAir bavuye ku kibuga cy’indenge cya El-Geneina. Iki gikorwa cyo gusimburanya ingabo z’ U Rwanda ziri mu butumwa bw’amahoro cyatangiye kuwa 10 Ukuboza 2017.

Aganiriza icyo cyiciro cya nyuma cy’abasirikare bagiye mu butumwa bw’amahoro, umuyobozi w’Ingabo z’U Rwanda za Burigade ya 211 Col GAKUMBA Jomba yasabye abo basirikare kurangwa n’indagagaciro za RDF aho bazakorera, abasaba kandi no kuba ba ambasaderi beza b’ U Rwanda. Yashimangiye ko icyo RDF ibifuzaho aruko mu gihe cyose bazaba bakora inshingano zabo bazaba bahawe bazarangwa n’ubwitange n’ubunyamwuga.

Itsinda rya nyuma ry’Ingabo z’ U Rwanda za Batayo ya 37 zisoje ubutumwa bw’amahoro, ryageze ku kibuga mpuzamahanga cya Kigali riyobowe n’Umuyobozi wa Batayo ya 37 Lt Col Fidel Butare. Lt Col Butare yavuze ko akazi kabo bashoboye kugasoza neza. Yavuze ko bahuye n’imbogamizi zitandukanye zatumaga akazi kabo katagenda nkuko babyifuzaga.

Asobanura zimwe muri izo mbogamizi yavuze nk’imihanda yangiritse yatumaga ingendo zidakorwa neza; yakomeje avuga ko hari ikibazo cy’abaturage bavanywe mu byabo n’intambara bari babakeneyeho umutekano ndetse bakanifuza ko babafasha mu bindi bakenera mu buzima busanzwe, birimo amazi meza, ubuvuzi bw’ibanze ndetse n’amashuri y’abana babo bigamo. Lt Col Butare ati "Twagombaga kubaha umutekano batari bafite,ndetse tukabafasha kubabonera bimwe mu bikenerwa by’ibanze”.

Umuyobozi wa Burigade ya 305 y’Ingabo z’U Rwanda Col Paul NYEMAZI wari uhagarariye ubuyobozi bw’ingabo bwa RDF, niwe wakiriye iryo tsinda ry’abasirikare bari basoje ubutumwa bwo kugarura amahoro.

Yabashimiye uburyo bitwaye mu kazi bigahesha ishema Ingabo z’U Rwanda mu ruhando rw’amahanga. Yabasobanuriye aho abanyarwanda bageze biteza imbere, abasaba ko bakomeza gutanga umusanzu wabo muri iryo terambere. Yabasabye ko bakomeza ikinyabupfura cyabaranze ndetse bakanabigaragaza muzindi nshingano bazahabwa.


Source: Minisiteri y’Ingabo

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Nyamagabe:Abantu bataramenyekana bagabye igitero ku modoka zitwara abagenzi...

Mu karere ka Nyamagabe umurenge wa Cyiitabi,abantu bataramenyekana...
16 December 2018 Yasuwe: 5830 1

Perezida Kagame yavuze ko cya gitero FDLR I Rubavu cyaguyemo abasirikare 3...

Perezida w’ u Rwanda Paul Kagame yatangaje ko abasirikare b’u Rwanda bagera...
14 December 2018 Yasuwe: 8337 0

Kigali: Umugore yafatanywe abamugaye n’abana bikekwa ko akoresha mu...

Mu murenge wa Kigali Akarere ka Nyarugenge mu rugo rw’umugore witwa Lidivine...
12 December 2018 Yasuwe: 2773 0

Perezida Kagame yeretse ingabo z’ u Rwanda ibanga ryo gutsinda umwanzi...

Perezida w’ u Rwanda akaba n’ umugaba w’ ikirenga w’ Ingabo z’ u Rwanda Paul...
12 December 2018 Yasuwe: 2609 0

Umugore n’ umusore bafatanywe udupfunyika ibihumbi 47 tw’ urumogi

Kuri uyu wa Kabiri tariki ya 11 Ukuboza 2018, Polisi y’u Rwanda yeretse...
11 December 2018 Yasuwe: 1965 0

‘Abashaka u Rwanda barwifuriza ibibi barukurahe se?’ Perezida...

Perezida w’ u Rwanda akaba n’ Umugaba w’ Ikirenga nyuma yo kureba ingabo z’ u...
11 December 2018 Yasuwe: 4347 0