skol
startimes

RIB yataye muri yombi Umunyamakuru ushinjwa gufata ku ngufu umukobwa

Amakuru   Yanditswe na: Dusingizimana Remy 14 December 2020 Yasuwe: 7842

Urwego rw’Igihugu rw’Ubugenzacyaha, RIB, rwataye muri yombi umunyamakuru w’imwe muri televiziyo zikorera mu Rwanda w’imyaka 26 y’amavuko akurikiranyweho icyaha cyo gukoresha umukobwa imibonano mpuzabitsina ku gahato.


Amakuru yizewe yahawe IGIHE dukesha iyi nkuru ni uko uwo munyamakuru yafatiwe mu Karere ka Kicukiro mu Murenge wa Kagarama mu Mudugudu wa Muyange mu ijoro rishyira kuri uyu wa Mbere akurikiranyweho icyaha cyo gukoresha imibonano mpuzabitsina ku gahato umukobwa w’imyaka 22.

Umuvugizi w’Umusigire wa RIB, Dr Murangira B. Thierry, yemeje amakuru y’itabwa muri yombi ry’uwo musore, avuga ko ubu afungiye kuri Station ya RIB ya Kicukiro mu gihe iperereza rigikomeje.

Uwo mukobwa bivugwa ko yahohotewe,yoherejwe ku Isange One Stop Center kugira ngo akorerwe isuzuma ahabwe n’ubutabazi bw’ibanze.

Dr Murangira yasabye abanyarwanda kwirinda ibyaha nk’ibi by’ihohoterwa yaba irishingiye ku gitsina n’irindi iryo ariryo ryose.

Ati “RIB iraburira abahohotera abantu cyane cyane abakora ihohotera rishingiye ku gitsina ryaba ari irikorerwa abana cyangwa abantu bakuru, ikaba isaba abantu kugendera kure ibyo byaha.”

Icyaha cyo gukoresha undi imibonano mpuzabitsina ku gahato gihanishwa igifungo cy’imyaka itari munsi y’icumi ariko itarenze 15 n’ihazabu iri hagati ya miliyoni imwe na miliyoni ebyiri z’amafaranga y’u Rwanda.

Inkuru ya IGIHE

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Gasongo Rodriguez

    Please! hakorwe iperereza kuko uwo mukobwa ntabwo ari umu mineur arakuze wasanga bararyamanye babyumvikanyeho,maze nyuma bagira icyo bapfa akamuteza RIB. ntimukihutire gufunga!!!!!!!!!!!!!!!

    1 month ago

Inzindi nkuru

Rubavu: Umugore n’umugabo we bafatanwe udupfunyika 2,480 tw’urumogi

Abapolisi bo mu ishami rya Polisi y’u Rwanda rishinzwe kurwanya...
15 January 2021 Yasuwe: 3334 0

Rubavu:Abiyitaga abayobozi ba sitasiyo ya Polisi bakambura abaturage batawe...

Polisi y’u Rwanda ikorera mu Karere ka Rubavu, Umurenge wa Nyamyumba kuri...
14 January 2021 Yasuwe: 3204 0

RIB yatangaje byinshi ku bwicanyi bwabereye I Rwamagana

Urwego rw’Igihugu rw’Ubugenzacyaha, RIB, rwatangaje ko rwafunze umugabo witwa...
12 January 2021 Yasuwe: 6453 0

Rwamagana: RIB yataye muri yombi umugabo watemye abantu 2 umwe bikamuviramo...

Urwego rw’igihugu rw’ubugenzacyaha [RIB] rwatangaje ko muri iri joro ryakeye...
12 January 2021 Yasuwe: 3768 0

Kicukiro:Polisi yafashe abasore n’inkumi 17 bari kunywera inzoga mu rugo...

Polisi y’u Rwanda ku bufatanye n’inzego z’ibanze muri Kicukiro mu murenge wa...
10 January 2021 Yasuwe: 8642 0

Gicumbi: Yatemye umuvandimwe we ukuboko nyuma yo kumufata ari...

Umugabo w’imyaka 26 y’amavuko wo mu karere ka Gicumbi yatemye mukuru we...
10 January 2021 Yasuwe: 6175 0