Rubavu: Umu-DASSO wari imfubyi yibana yapfuye bitunguranye

Amakuru   Yanditswe na: Nsanzimana Ernest 13 December 2017 Yasuwe: 682

Mbarushimana Joseph wakoreraga urwego rushinzwe gucunga umutekano w’ abaturage mu karere (DASSO) yapfuye bitunguranye, umurambo we uboneka kuri uyu wa Kabiri tariki 12 Ukuboza 2017.

Mbarushimana witabye Imana ku myaka 34 y’ amavuko yari atuye mu murenge wa Kanzenze akagari ka Kirerema, Umudugudu wa Rushasho. Yari imfubyi yibana ndetse yanarerewe mu kigo cy’ imfubyi bitaga ’Imbabazi’

Amakuru y’ urupfu rwe yamenyekanye mu gitondo cyo ku wa Kabili ubwo bamusangaga mu mzu yashizemo umwuka. Umurambo we wahise ujyanwa mu bitaro bya Gisenyi gukorerwa isusumwa ngo hashakwe icyateye uru rupfu rutunguranye.

Umuvugizi wa polisi y’ u Rwanda ntara y’ iburengerazuba, IP Eulade Gakwaya yatangarije UMURYANGO ko icyateye urupfu rwa Nyakwigendera Mbarushimana kitaramenyekana.

Yagize ati "Umurambo wajyanywe ku bitaro bya Gisenyi ejo, ntabwo icyateye urupfu kiramenyekana. Yabaga mu nzu basanga ikinze neza, abaturanyi bamubuze kuva tariki 10, na 11 bakomeza guhamuhamara kuri telefone ntibamubona, bagiye basanga inzu irakinze baciye idirishya basanga umuntu yarapfuye...Yari ingaragu, yakodeshaga nta muntu babanaga

Umwe mu ba DASSO bakorera mu karere ka Rubavu yatangarije UMURYANGO ko Mbarushimana yari umuntu ukunda kuganira no gufasha.

Yagize ati "Yari umuntu wakundaga kunanira na bagenzi be akabasetsa, ubabaye ugasanga yamwegereye amugira inama, akanamufasha kuva mu kababaro cyangwa agahinda arimo, muri make yari umuntu uri sociable cyane."

Amakuru UMURYANGO ufite ni uko Nyakwigendera Mbarushimana yari imfubyi ku babyeyi bombi. Nubwo yari agize imyaka 34 y’ amavuko yari atarashaka umugore. Abakoranaga nawe batekereza ko kuba yari imfubyi no kuba atagiraga umuryango umuba hafi aribyo byatumye atinda gushaka.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Kibwa

    Kwibana ni ikibazo gikomeye. Kwibana ni bibi cyane. Ndagira inama inkumi n’abasore bibana kuva kuri uwo muco ahubwo bagashakana bakubaka ingo. Kwibana iteka ni bibi kuko urarwara ukabura ugutabara bityo bikaba byakuviramo urupfu kubera kubura ubutabazi. Iyo urwaye kandi ushobora kwicwa n’inzara kuko nta muntu uba ukwitaho. Murabe mwumva ababwirwa.

    December 2017

Inzindi nkuru

CSP Gashagaza uherutse gusezererwa muri polisi y’ u Rwanda yishwe n’ abagizi...

Urwego rw’ igihugu rw’ ubugenzacyaha RIB rwatangaje ko CSP Gashagaza Hubert...
18 September 2018 Yasuwe: 4953 2

Gasabo: Umugabo yatemaguye umugore we aramwica ngo yatinze ku...

Umugabo ukuze wo mu kagari Munini , Umudugudu Rudakabukirwa mu murenge wa...
18 September 2018 Yasuwe: 9748 2

Icyo ubuyobozi bw’ akarere ka Ruhango buvuga ku kibazo cy’ umupolisi ushinjwa...

Ubuyobozi bw’ akarere ka Ruhango ntabwo buvuga rumwe n’ abaturage ku mvano y’...
16 September 2018 Yasuwe: 6437 6

Kicukiro: Hatoraguwe umurambo w’ umugabo wishwe akurwamo amaso

Mu gitondo cyo kuri uyu wa Gatatu tariki ya 12 Nzeri 2018, mu gihuru kiri...
13 September 2018 Yasuwe: 3330 4

Kigali: Igiti kinini cyaguye hejuru y’ imodoka Imana ikinga...

Iki giti cyarandutse biturutse ku mvura yaguye mu Mujyi wa Kigali irimo...
12 September 2018 Yasuwe: 1740 0

Rwamagana: Umugabo yitwikiye mu nzu n’ umugore we asiga urwandiko[AMAFOTO]

Umugabo witwa Munyaneza Seth w’imyaka 43 yohereje abana ku ishuri n’umukozi...
12 September 2018 Yasuwe: 10067 3