Ruhango: Amabandi batoboye Ikigo yiba mudasobwa abanyeshuri bigiragaho

Amakuru   Yanditswe na: Nsanzimana Ernest 8 February 2018 Yasuwe: 1768

Abantu bataramenyekana batoboye Ikigo cy’ Urwunge rw’ amashuri rwa Bukomero biba mudasobwa 10 zo mu bwoko bwa positivo. Abazamu bararira iki kigo ntabwo bazi igihe aba bajura batoboreye ikigo.

Aya makuru yamenyekanye mu gitondo saa 6:50 kuri uyu wa Kane tariki 8 Gashyantare 2018 ubwo abazamu bari barimo kuzimya amatara ngo nibwo babonye ko idirishya ry’ icyumba cyikwagamo mudasobwa kirangaye.

Umuyobozi w’ Ikigo Madamu Grace Usabyimana yatangarije UMURYANGO ko kugeza ubu abibye izo mudasobwa bataramenyekana.

Yagize ati “Kwibwa bwo twibwe, ariko ikibazo twagishyikirije polisi ubu niyo irimo kugikurikirana ubu nanjye niho ngiye(kuri polisi)….abazamu baba bahari ariko nabo basa n’ abatari babimenye dusa n’ aho twabimenyeye rimwe. Ibikoresho byibwe ni povitivo na accesoires z’ izindi machine twari dufite.”


Aya mabandi yaciye ibyuma biba biri ku madirishya(grillage) anamena ibirahuri arinjira.

Muri iki kigo hazindukiye inama ubuyobozi bw’ ikigo bumenyesha abanyeshuri, ubuyobozi bw’ inzego z’ ibanze ndetse na polisi ko mudasobwa zibwe.

Ubuyobozi bw’ Ikigo muri iyo nama bwasabye umunyeshuri wataha akamenya amakuru y’ ababa bibye izo mudasobwa kubimenyesha ikigo.

Hari amakuru avuga ko abo bajura bateye n’ Ikigonderabuzima cya Byimana bashaka kwiba televiziyo ya Flat screen na mudasobwa bagateshwa bataragera kuri uwo mugambi, gusa ngo ababatesheje ntabwo babashije kumenya abo aribo.

Mu kigo cya Bukomero ubuzima burakomeje abana barimo kwiga uko bisanzwe.


Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Abijuru Gloriose

    Hhhahahah ubwose baracyarabazamu? Njye ndumva ari bambona bihita. Nako nabyo nti babibona ibyo bihita. Ahubwo ababo ntawabona izina ribakwiye

    8 February
  • chat_bubble AMAMA

    Hhhahahah ubwose baracyarabazamu? Njye ndumva ari bambona bihita. Nako nabyo nti babibona ibyo bihita. Ahubwo ababo ntawabona izina ribakwiye

    8 February

Inzindi nkuru

Meteo Rwanda yaburiye Abanyarwanda ko muri iyi minsi ibiri hateganyijwe...

Ikigo cy’ Igihugu cy’ Iteganyagihe Meteo Rwanda cyaburiye Abanyarwanda ko...
18 October 2018 Yasuwe: 723 0

KIGALI:Havumbuwe umuvugabutumwa wari warafungiye abakobwa 2 mu rugo rwe...

Umugabo witwa Dushimimana Theodore wiyita umuvugabutumwa yatawe muri yombi...
18 October 2018 Yasuwe: 3732 0

Nyaruguru: Filime z’ imibonano mpuzabitsina zirimo guteza amakimbirane mu...

Abashakanye bo mu Karere ka Nyaruguru batangaza ko filime z’urukozasoni...
16 October 2018 Yasuwe: 2260 1

Bugesera : Umurwayi wo mu mutwe yishe se umubyara amutemaguye

Mu murenge wa Kamabuye umusaza witwa Munyankumburwa Emmanuel, w’imyaka 66,...
16 October 2018 Yasuwe: 1104 0

Iburengerazuba: Polisi yafashe abakekwaho kunyereza arenga miliyoni 3Frw...

Polisi mu Burengerazuba yakoze umukwabu wo gufata abacuruzi babiri bakomoka...
15 October 2018 Yasuwe: 308 1

Visi Perezida w’ Ishyaka rya Victoire Ingabire yatorotse gereza

Umuyobozi wungirije w’ ishyaka FDU inkingi ritaremererwa gukorera mu Rwanda...
8 October 2018 Yasuwe: 6905 2