Ruhango: Batatu bari bamaze iminsi 3 mu kirombe babonetse umwe yapfuye

Amakuru   Yanditswe na: Nsanzimana Ernest 11 October 2017 Yasuwe: 2353

Abantu batatu bari baheze mu kirombe mu karere ka Ruhango, umurenge wa Byimana mu kagari ka Mpanga babonetse nyuma iminsi itatu umwe yapfuye.

Ku isaha ya yine kuri uyu wa Gatatu tariki 11 Ukwakira 2017 nibwo abagabo batatu baheze mu kirombe ku wa Mbere tariki 9 Ukwakira babonetse.

Umuvugizi wa polisi y’ u Rwanda mu ntara y’ amagepfo IP Emmanuel Kayigi yatangaje ko abakuwe mu kirombe bajyanywe mu bitaro bya Gitwe.

Yagize ati “Umwe niwe witabye Imana abo babiri kubera ko abo babiri bavanywemo batameze neza bajyanywe mu bitaro bya Gitwe. N’ uwo murambo nawo wajyanywe mu bitaro bya Gitwe kugira ngo ba nyir’ umuntu bitegure babashe kuba bashyingura”

IP Kayigi yavuze ko gutabara abo bagabo bitari akazi katoroshye kuko icyo kirombe cyari kirekire. Ngo byabaye ngombwa ko hitabazwa inzobere mu bucukuzi bw’ amabuye y’ agaciro zifatanya n’ abaturage kugira ngo batabare abari baheze mu kirombe.

Abakuwe mu kirombe batangaje ko mugenzi wabo yashyizemo umwuka saa cyenda z’ ijoro ryo kuri uyu wa Kabiri rishyira ku wa Gatatu.

Polisi irasaba abashinzwe ubucukuzi kujya babanza kugenzura imiterere yaho abantu bagiye gucukura amabuye y’ agaciro bamenya niba hadashobora gushyira ubuzima bw’ abakozi mu kaga.

Ibi bibaye mu gihe u Rwanda rwihaye intego y’ uko bitarenze umwaka wa 2018 ikijyanye n’umutekano ku birombe by’ amabuye y’ agaciro uzagera kuri 80% bivuye kuri 25% byariho muri 2011/12.

Intego u Rwanda rwihaye mu guteza imbere ubucukuzi bw’ amabuye y’ agaciro muri uyu mwaka w’ ingengo y’ imari 2017/18.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

KIGALI:Havumbuwe umuvugabutumwa wari warafungiye abakobwa 2 mu rugo rwe...

Umugabo witwa Dushimimana Theodore wiyita umuvugabutumwa yatawe muri yombi...
18 October 2018 Yasuwe: 3411 0

Nyaruguru: Filime z’ imibonano mpuzabitsina zirimo guteza amakimbirane mu...

Abashakanye bo mu Karere ka Nyaruguru batangaza ko filime z’urukozasoni...
16 October 2018 Yasuwe: 2205 1

Bugesera : Umurwayi wo mu mutwe yishe se umubyara amutemaguye

Mu murenge wa Kamabuye umusaza witwa Munyankumburwa Emmanuel, w’imyaka 66,...
16 October 2018 Yasuwe: 1077 0

Iburengerazuba: Polisi yafashe abakekwaho kunyereza arenga miliyoni 3Frw...

Polisi mu Burengerazuba yakoze umukwabu wo gufata abacuruzi babiri bakomoka...
15 October 2018 Yasuwe: 304 1

Visi Perezida w’ Ishyaka rya Victoire Ingabire yatorotse gereza

Umuyobozi wungirije w’ ishyaka FDU inkingi ritaremererwa gukorera mu Rwanda...
8 October 2018 Yasuwe: 6891 2

Bugesera: Ahahoze Intaragahanga hiciwe umuntu akebwe ijosi

Mu murenge wa Kamabuye , umukobwa uri mu kigero cy’imyaka 25 utaramenyekana...
4 October 2018 Yasuwe: 1853 1