Rusizi: Umugabo akurikiranyweho gutema umukobwa we amuziza kurya ibishyimbo byari mu nkono akabimara

Amakuru   Yanditswe na: Nsanzimana Ernest 27 December 2017 Yasuwe: 1350

Umugabo wo mu murenge wa Bugarama Akagari ka Nyange ari mu maboko ya polisi nyuma yo gutema umukobwa we w’ imyaka 15 amuketseho kurya ibishyimbo byari mu nkono akabimaramo.

Nk’ uko umuvugizi wa Polisi mu ntara y’ uburengera IP Eulade Gakwaya yabitangarije Ikinyamakuru UMURYANGO byabaye saa mbili z’ ijoro kuri uyu wa Kabili tariki 26 Ukuboza 2017.

Yagize ati “Mu gihe cya saa mbili n’ igice hari umugabo ukekwaho kuba yakomerekeje umwana we w’ umukobwa, umwana yatwawe kwa muganga umugabo ari mu maboko ya polisi”

Uyu mwana ngo yari yariye ibishyimbo byari mu nkono abimaramo. Polisi yatangiye iperereza ngo hamenyekanye icyatumye uyu mugabo atema umwana nk’ uko UMURYANGO wabitangarijwe na IP Gakwaya ngo ibizava mu iperereza nibyo bizemeza icyo uyu mugabo yahoye umwana we.

Uyu mugabo afite umugore n’ abandi bana; icyaha ni kimuhama azahanwa n’ ingingo ya 148 aho iteganya ko uhamwe n’ icyaha cyo gukubita no gukomeretsa ahanishwa igifungo kirennze amezi atandatu kugeza ku myaka ibiri.

Iyo bigaragaye ko nyiri uguhamwa n’ icyaha cyo gukubita no gukomeretsa yabikoze yabigambiriye ahanishwa igifungo cy’ imyaka kuva kuri ibiri kugera kuri itatu n’ ihazabu y’ amafaranga y’ u Rwanda arenze ibihumbi 100 kugera ku bihumbi 500.

Uyu mwana arimo kuvurirwa ku kigo nderabuzima cya Islamic Bugarama naho se afungiye kuri sitasiyo ya polisi ya Bugarama

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Gasabo: Umugabo yatemaguye umugore we aramwica ngo yatinze ku...

Umugabo ukuze wo mu kagari Munini , Umudugudu Rudakabukirwa mu murenge wa...
18 September 2018 Yasuwe: 6804 1

Icyo ubuyobozi bw’ akarere ka Ruhango buvuga ku kibazo cy’ umupolisi ushinjwa...

Ubuyobozi bw’ akarere ka Ruhango ntabwo buvuga rumwe n’ abaturage ku mvano y’...
16 September 2018 Yasuwe: 6046 6

Kicukiro: Hatoraguwe umurambo w’ umugabo wishwe akurwamo amaso

Mu gitondo cyo kuri uyu wa Gatatu tariki ya 12 Nzeri 2018, mu gihuru kiri...
13 September 2018 Yasuwe: 2917 4

Kigali: Igiti kinini cyaguye hejuru y’ imodoka Imana ikinga...

Iki giti cyarandutse biturutse ku mvura yaguye mu Mujyi wa Kigali irimo...
12 September 2018 Yasuwe: 1617 0

Rwamagana: Umugabo yitwikiye mu nzu n’ umugore we asiga urwandiko[AMAFOTO]

Umugabo witwa Munyaneza Seth w’imyaka 43 yohereje abana ku ishuri n’umukozi...
12 September 2018 Yasuwe: 9956 3

HUYE: Umunyerondo yishe umugabo amukubise ubuhiri mu mutwe

Mu ijoro ryakeye kuri uyu wa kabiri mu kagari ka Sovu mu murengewa Huye ho...
11 September 2018 Yasuwe: 2486 1