startimes
startimes

Rwamagana: Abagizi ba nabi bitwaje intwaro bishe umupasiteri bamuteye ibyuma

Amakuru   Yanditswe na: Dusingizimana Remy 12 May 2020 Yasuwe: 5139

Mu ijoro ryakeye,abagizi ba nabi 9 bitwaje intwaro bateye umudugudu wa Gitaraga, Akagari ka Nyarukombe, Umurenge wa Muyumbu, mu Karere ka Rwamagana, bica umupasiteri basiga abaturage 4 baziritse, banatwara telefone 7 zabo.


Sponsored Ad


Umupasiteri wishwe yitwa Bapfakurera Théoneste,yayoboraga itorero Hope of Jesus ariko ryari rimaze iminsi ridakora kuko ryari mu nsengero zafunzwe kuko zitujuje ibisabwa.Pasiteri Bapfakurera yari umugabo wubatse ufite abana bane.

Amakuru avuga ko aba bagizi ba nabi biyitiriraga inzego z’umutekano,basanze uyu mupasiteri aho yari ari na mugenzi we, ngo bigaragara ko bamuteye ibyuma bakanamukubita inyundo mu mutwe.

Umunyamabanga Nshingwabikorwa w’Umurenge wa Muyumbu, Bahati Bonny, yabwiye IGIHE dukesha iyi nkuru ko abaturage babahamagaye bababwira ko hari abagizi ba nabi babateye bitwaje imbunda ariko harimo n’iz’ibipupe, kuko haje no kuboneka igipupe cy’imbunda bahataye.

Yavuze ko abo bafashe bari abantu batanu bakicamo umwe ari we Bapfakurera, basanze muri ’boutique’, batatu bakababoha naho umwe ari na we nyiri iyo boutique babashyizemo akihisha muri ’Comptoir’.

Ati “Bari abantu bagera nko ku icyenda, usibye telefoni bagiye baka abantu kugira ngo badahita baterefona ngo batange amakuru, urebye nta kindi batwaye. Byari nk’umugambi gusa wo kwica”.

Bahati avuga ko ikigaragara ari uko aba bagizi ba nabi barashe n’isasu kuko ubuyobozi, Polisi na RIB, bahageze bakahasanga igitoyi cy’isasu rya pisitoli, urebye barashe nko mu kirere, barangiza bakanahasiga igipupe cy’imbunda.

Uyu muyobozi avuga ko ibikorwa nk’ibyo bitari biherutse kuko umutekano wari usanzwe uhari. Ikindi ni uko abo bagizi baje baturutse ahandi kuko nta muturage mu bo bahuye wabamenye.

Ati “Abaturage ngo babonaga batabazi kuko ngo harimo abipfutse n’abambaye ‘mask’ bigaragara ko ari nk’umugambi bari bateguye, hari uwo bashaka kwica. Bamaze kubikora bahita bagenda, abababonye bavuga ko banyuze mu nzira yambuka i Masaka”.

Abantu bari aho byabereye ngo babatse amatelefone kugira ngo badatanga amakuru. Yakomeje avuga ko babanje gutera ubwoba abaturage biyitirira inzego z’umutekano.

Ati: “…uwo mu Pasiteri bamusanze aho anywa fanta bamwiciramo, abandi bane bari kumwe babakingirana mu nzu barababoha, babapfuka iminwa barangije barigendera.”

Nyuma y’iki gikorwa cy’ubugizi bwa nabi, ubuyobozi, polisi na RIB, baganirije abaturage babasaba gukomeza gutangira amakuru ku gihe babona hari abantu bashobora kuza mu mudugudu cyangwa aho batuye batizeye bagatanga amakuru.

Umurambo wa Bapfakurera wajyanywe ku bitaro bya Kacyiru ngo ukorerwe isuzuma naho abagizi ba nabi bakomeje gushakishwa.

Source: IGIHE

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Kamonyi: Umugore yatawe muri yombi akekwaho kwicisha umugabo we...

Mu rukerera rwo kuri uyu wa Gatatu tariki ya 05 Kanama 2020,umugabo wo mu...
5 August 2020 Yasuwe: 3329 1

Bugesera: Umugore n’umwana we w’amezi 7 biciwe ahari kubakwa ikibuga...

Umugore w’imyaka 25 wo mu karere ka Bugesera mu murenge wa Rililima, witwa...
3 August 2020 Yasuwe: 4969 1

Kayonza: Umusaza yishwe n’umuti yahawe n’umupfumu wamubeshye ko uzamwereka...

Umugabo witwa Nzabanita Joseph wo mu Mudugudu wa Karamabara, Akagari ka...
3 August 2020 Yasuwe: 2143 0

Gakenke: Umusirikare wo mu ngabo z’u Rwanda yishwe ahishwa mu musarani...

Abantu barenga 4 bo mu kagari ka Kanyanza,mu murenge wa Karambo mu karere...
2 August 2020 Yasuwe: 24189 0

Umugabo wakekwagaho gucuruza abantu no gushyira hanze amashusho y’abakobwa...

Urwego rw’Igihugu rw’Ubugenzacyaha [RIB] rwatangaje ko David Shukuru Mbuyi...
2 August 2020 Yasuwe: 4346 1

Rwamagana: Yatawe muri yombi azira kwiyita umupolisi akambura...

Mu karere ka Rwamagana hafatiwe Nzabihimana Jean Pierre w’imyaka 33 wiyitaga...
31 July 2020 Yasuwe: 1008 0