Sebeya yinjiye muri Petit Seminaire ya Nyundo yangiza byinshi abanyeshuri barimo kwimurwa [AMAFOTO]

Amakuru   Yanditswe na: Nsanzimana Ernest 7 May 2018 Yasuwe: 6331

Mu ijoro ryo kuri uyu wa 6 rishyira ku wa 7 Gicurasi 2018 umugezi wa Sebeya mu karere ka Rubavu wuzuye winjira mu ishuri rya petit Seminaire yo ku Nyundo wangiza ibikoresho by’ ikigo n’ iby’ abanyeshuri abanyeshuri barimo gushakirwa aho baba bagiye kuba.

Ibi ngo byabaye mu masaha y’ igicuku ya saa saba na saa munani. Amakuru agera ku UMURYANGO aravuga ko aya mazi yinjiye mu cyumba abanyeshuri bari baryamenyo akangiza bikomeye ibikoresho byabo.

Umuyobozi w’ iri shuri Padiri Ngendahayo Laurent yavuze ko amazi yangiriye cyane abanyeshuri bari barwamye mu nzu yo hasi aya mazi kandi ngo yanangije ibikoresho by’ ikigo.

Yagize ati “Umugezi wa Sebeya wuzuye wangiza ibikoresho byo muri sitoke n’ ibikoresho abanyeshuri babaraho.Twafashe ingamba ko tugomba gukura abana hano bajyanywe Centre Pastoral yacu ya diyosezi ya Nyundo. Abana ntabwo barimo kwiga birumvikana ariko twateganyaga ko babonye ibyumba bigiramo aho bagiye bakomeza kwiga”.


Seminari nto yo ku Nyundo yigwamo n’ abanyeshuri 360 abarara mu nzu yo hasi 175 nibo bagize ingorane zikomeye cyane kuko ibikoresho byabo byose babibuze. Abanyeshuri nibamara kuva muri kigo kirakorwamo amasuku kuko abanyeshuri batakomeza kwigamo mbere y’ uko hakorwa isuku kuko aya mazi yanangije imisarane y’ ikigo.

Mu byangiritse harimo ibitabo amakaye za mudasobwa. Ubuyobozi bw’ ikigo burasaba Minisiteri y’ Ibiza n’ abandi bose bafite umutima wo gufasha iki kigo kugira abana bongere kubona ibikoresho byabo amasomo akomeze.

Si muri iki kigo gusa kuko Sebeya yanangije amazu 50 mu karere ka Rubavu, Umuyobozi wungirije w’ aka karere Murenzi Janvier ushinzwe imari n’ iterambere yavuze ko abaturage batuye aho Sebeya ikunze kwibasira bagiye kuhimurwa.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Imyitozo mpuzamahanga yo gusuzuma no kongerera abasirikare ubushobozi igiye...

Mu Karere ka Bugesera I Gako hatangijwe imyitozo ya gisirikari yiswe...
14 August 2018 Yasuwe: 672 1

Gicumbi: Umwana wanyweye ubushera mu bukwe bwa pasiteri yapfuye abarenga...

Abantu 260 mu batashye ubukwe bw’ umuhungu w’ umupasiteri wo mu murenge bo mu...
14 August 2018 Yasuwe: 1741 0

Abaturage batunze agatoki umugabo ucuruza urumogi afatanwa udupfunyika 7...

Polisi y’u Rwanda ikorera mu karere ka Rubavu ku itariki ya 08 Kanama...
13 August 2018 Yasuwe: 685 0

Nyamirambo: Abasore bapfuye F200 bararwana umwe bimuviramo urupfu

Abasore bo mu mudugudu wa Kiberinka Akagari ka Rugarama Umurenge wa...
12 August 2018 Yasuwe: 3869 0

Umunyarwakazi yishe umwana we amwihambira mu kirundo cy’ amabuye

Umubyeyi wo mu karere ka Musanze mu amajyaruguru y’ u Rwanda w’ abana bane...
11 August 2018 Yasuwe: 4549 0

Rubavu: Umusirikare warashe abaturage 3, umwe agapfa yafashwe

Amakuru agera ku UMURYANGO aremeza ko Umusirikare witwa Ngendahimana Jean...
11 August 2018 Yasuwe: 4611 1