U Rwanda rwatangiye guca imodoka zifite ibirahure byijimye

Amakuru   Yanditswe na: Nsanzimana Ernest 19 July 2018 Yasuwe: 1591

Umuvugizi w’Ishami rya Polisi rishinzwe umutekano wo mu muhanda Senior Superintendent of Police (SSP) Jean Marie Vianney Ndushabandi, yatangaje ko Polisi y’u Rwanda, ishami ryayo rishinzwe umutekano wo mu muhanda ryatangiye gukora umukwabu wo gufata imodoka zifite ibirahure byijimye mu gihugu hose.

SSP Ndushabandi yavuze ko imodoka zifite ibirahure byijimye zitemewe, avuga ko ababifite ku modoka zabo baba bica amategeko n’amabwiriza agenga ikoreshwa ry’umuhanda.

Yavuze ati:”Dushingiye ku iteka rya Perezida wa Repubulika n°85/01 ryo ku wa 02/09/2002 rishyiraho amabwiriza rusange agenga imihanda n’uburyo bwo kuyigendamo, by’umwihariko ingingo yaryo ya 85, ndetse n’ubukangurambaga twakoze mu bihe bishize ariko abatunze ibinyabiziga bifite ibi birahure bakavunira ibiti mu matwi, kuri uyu Wa gatatu tariki ya 18 Nyakanga twatangiye umukwabu mu gihugu hose wo gufata imodoka zigifite ibirahure byijimye no guhana ba nyirazo, tutaretse no kubasaba kubikuraho.”

Iyi ngingo ya 85 ivuga ko “Ibintu bibonerana bigize umubiri w’inyuma w’ikinyabiziga habariwemo ikirahuri gihagarika muyaga cyangwa ibigize ikibambasi cy’imbere, bigomba kuba bikoze ku buryo iyo bimenetse, ibyago byo gukomereka byagabanuka uko bishoboka kwose.”

Ikomeza ivuga ko “ibirahure byo guhagarika umuyaga bigomba kuba bikozwe mu bintu bibonerana bidacuya kandi bikaba bikozwe ku buryo bidahindura isura y’ibireberwamo kandi mu gihe bimenetse, umuyobozi agakomeza kubona bihagije inzira nyabagendwa.”

SSP Ndushabandi yakomeje avuga ati:”Nubwo twakomeje gukora ubukangurambaga tukanagira inama abafite imodoka zifite ibirahure byijimye ngo babikureho kuko baba bica amategeko n’amabwiriza agenga ikoreshwa ry’umuhanda, byaragaragaye ko imodoka nk’izi zikomeza kwiyongera, bikaba aribyo byatumye dukora uyu mukwabu ngo tubakangurire kubahiriza amategeko.”

Yavuze kandi ati:”Turagira inama abafite imodoka zifite ibi birahure byijimye kubihindura, kugirango batazabihanirwa hakurikijwe amategeko.”

Ku munsi wa mbere w’uyu mukwabu, hafashwe imodoka hafi 100 zifite ibirahure byijimye.

SSP Ndushabandi yasoje avuga ati:”Nk’uko bisanzwe, guhana abanyamakosa bikorwa ari uko izindi ngamba zose zananiranye, tukaba dusaba abafite imodoka zifite ibirahure byijimye gukurikiza amategeko n’amabwiriza aho kugirango bazabikore bamaze no kubihanirwa.”

Imodoka zifite ibirahure byijimye rimwe na rimwe zikorerwamo ibyaha nko kunywebwamo ibiyobyabwenge, kujyana abana mu bikorwa bitemewe n’amategeko nko kubajyana mu tubari, mu tubyiniro ndetse rimwe na rimwe mu bikorwa by’urukozasoni.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Muhetsi

    Nabayobozi se icyi cyemezo kirabareba?

    5 months ago

Inzindi nkuru

Perezida Kagame yavuze ko cya gitero FDLR I Rubavu cyaguyemo abasirikare 3...

Perezida w’ u Rwanda Paul Kagame yatangaje ko abasirikare b’u Rwanda bagera...
14 December 2018 Yasuwe: 6577 0

Kigali: Umugore yafatanywe abamugaye n’abana bikekwa ko akoresha mu...

Mu murenge wa Kigali Akarere ka Nyarugenge mu rugo rw’umugore witwa Lidivine...
12 December 2018 Yasuwe: 2134 0

Perezida Kagame yeretse ingabo z’ u Rwanda ibanga ryo gutsinda umwanzi...

Perezida w’ u Rwanda akaba n’ umugaba w’ ikirenga w’ Ingabo z’ u Rwanda Paul...
12 December 2018 Yasuwe: 1996 0

Umugore n’ umusore bafatanywe udupfunyika ibihumbi 47 tw’ urumogi

Kuri uyu wa Kabiri tariki ya 11 Ukuboza 2018, Polisi y’u Rwanda yeretse...
11 December 2018 Yasuwe: 1858 0

‘Abashaka u Rwanda barwifuriza ibibi barukurahe se?’ Perezida...

Perezida w’ u Rwanda akaba n’ Umugaba w’ Ikirenga nyuma yo kureba ingabo z’ u...
11 December 2018 Yasuwe: 4058 0

Umukandida ushyigikiwe na Perezida Kabila wa Kongo ibihano bye...

Umuryango w’Ubumwe bw’Uburayi wahamishijeho ibihano ku bategetsi bo muri...
11 December 2018 Yasuwe: 651 0