U Rwanda rwatangiye kubaka ikigo kizagororerwamo abagore b’ inzererezi

Amakuru   Yanditswe na: Nsanzimana Ernest 8 June 2018 Yasuwe: 386

Leta y’ u Rwanda yatangiye imirimo yo kuhubaka ikigo kizagororerwamo abagore b’ inzererezi bagera kuri 500 guhera mu Ukuboza 2018.

Iki kigo kirimo kubakwa mu murenge wa Musenyi mu karere ka Bugesera kizuzura gitwaye hafi miliyari ebyiri z’amafaranga y’u Rwanda.

Umuyobozi w’Ikigo cy’Igihugu Ngororamuco, Bosenibamwe Aimé, yabitangaje kuri uyu wa Kane tariki 7 Kamena 2018, ubwo hasezererwaga abana b’abahungu 63 bahoze ari inzererezi bakaba bamaze igihe bagororerwa i Gitagata, abagera kuri 275 bakaba bakomeje kugororerwa muri icyo kigo.

Umunyamabanga wa Leta muri Minisiteri y’ Ubutegetsi bw’ Igihugu ushinzwe imibereho myiza y’ Abaturage Dr Alvera Mukabaramba, n’ umuyobozi w’ ikigo cy’ igihugu cy’ ingororamuco Aimé Bosenibamwe.

Yagize ati “Ikigo kigiye kubakwa kizatwara miliyari ebyiri na miliyoni magana cyenda ni hafi miliyari eshatu. Kigomba kuba cyuzuye bitarenze ukwezi kwa 12 uyu mwaka. Ikigo cyari gisanzwe inyubako zacyo zirashaje kandi turashaka kucyagura kuko hari ibyiciro bimwe by’urubyiruko byari bitarabona uburyo bijya mu bigo ngororamuco, abo ni abana b’abakobwa n’abagore bari mu buzererezi.”

Bosenibamwe yakomeje avuga ko abagore b’inzererezi batazagororwa gusa, ahubwo bazigishwa n’imyuga itandukanye kugira ngo babashe kwihangira imirimo izabafasha kwibeshaho.

Minaloc yishimira ko umubare w’inzererezi z’abagore n’abakobwa atari mwinshi ugereranyije n’uwabigitsina gabo, nk’uko byagarutsweho n’Umunyamabanga wa Leta Ushinzwe Imibereho myiza y’abaturage muri iyi minisiteri, Dr Mukabaramba Alvera.

Yagize ati “Ubundi umubare w’abagore wajyaga uba mwinshi ahantu hose ariko mu buzererezi bigaragara ko aribo bacye, ariko uko baba bangana kose bagomba kuva mu muhanda bakagororwa bakiteza imbere nk’abandi banyarwanda.”

Ubushakashatsi bwakozwe n’Ikigo cy’Igihugu Ngororamuco bugaragaza ko abana
b’inzererezi bakiri mu muhanda bagera ku bihumbi 2000, intego akaba ari uko mu myaka ibiri iri imbere bose bazaba bamaze gukurwamo bakagororwa ku bufatanye n’izindi nzego.



Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Nyamagabe:Abantu bataramenyekana bagabye igitero ku modoka zitwara abagenzi...

Mu karere ka Nyamagabe umurenge wa Cyiitabi,abantu bataramenyekana...
16 December 2018 Yasuwe: 5464 1

Perezida Kagame yavuze ko cya gitero FDLR I Rubavu cyaguyemo abasirikare 3...

Perezida w’ u Rwanda Paul Kagame yatangaje ko abasirikare b’u Rwanda bagera...
14 December 2018 Yasuwe: 7795 0

Kigali: Umugore yafatanywe abamugaye n’abana bikekwa ko akoresha mu...

Mu murenge wa Kigali Akarere ka Nyarugenge mu rugo rw’umugore witwa Lidivine...
12 December 2018 Yasuwe: 2431 0

Perezida Kagame yeretse ingabo z’ u Rwanda ibanga ryo gutsinda umwanzi...

Perezida w’ u Rwanda akaba n’ umugaba w’ ikirenga w’ Ingabo z’ u Rwanda Paul...
12 December 2018 Yasuwe: 2314 0

Umugore n’ umusore bafatanywe udupfunyika ibihumbi 47 tw’ urumogi

Kuri uyu wa Kabiri tariki ya 11 Ukuboza 2018, Polisi y’u Rwanda yeretse...
11 December 2018 Yasuwe: 1937 0

‘Abashaka u Rwanda barwifuriza ibibi barukurahe se?’ Perezida...

Perezida w’ u Rwanda akaba n’ Umugaba w’ Ikirenga nyuma yo kureba ingabo z’ u...
11 December 2018 Yasuwe: 4128 0