skol
startimes

Umukobwa wa Rusesabagina yavuze igihe baherukira kuvugana n’aho yaba yarafatiwe

Amakuru   Yanditswe na: Dusingizimana Remy 1 September 2020 Yasuwe: 10604

Umukobwa wa Paul Rusesabagina, Anaïse Kanimba,yatangaje ko se baherukaga kuvugana kuwa Kane ari I Dubai,batamenye uko yageze mu Rwanda akerekwa itangazamakuru kuri uyu wa Mbere.


Kanimba yabwiye BBC ko se "yari mu rugendo i Dubai" hanyuma bumva ku munsi w’ejo ko yafashwe akazanwa mu Rwanda.

Ati: "Yahageze ku wa kane, nibwo bwa nyuma duheruka kumwumva atubwira ko ahageze ntabwo twongeye kumwumva kuva ubwo kugeza uyu munsi [ku wa mbere] ubwo twabonye ko yafashwe n’ubutegetsi bw’u Rwanda.

"Ntabwo tuzi uko yageze hariya n’ibyabaye, ni yo mpamvu dutekereza ko yashimuswe kuko ntabwo yari kujya mu Rwanda ku bushake bwe."

Umuvugizi w’urwego rw’ubugenzacyaha mu Rwanda (RIB), Dr. Murangira B. Thierry,ejo ku wa mbere yabwiye abanyamakuru ko igihugu Rusesabagina yafatiwemo kitatangazwa "ku nyungu z’ubutabera n’iperereza rikiri kuba".

RIB yavuze akekwaho kurema no kuyobora umutwe n’ihuriro ry’imitwe y’iterabwoba yitwara gisirikare igizwe nabahezanguni, irimo MRCD na PDR-Ihumure, ikorera mu bice bitandukanye mu karere no mu mahanga.

Bikekwa ko ibihugu birenze kimwe byagize uruhare mu guhanahana amakuru yo gufata no kugeza mu Rwanda Bwana Rusesabagina.

Ntibizwi neza niba yarafatiwe i Dubai cyangwa mu gihugu cya Afurika, leta y’u Rwanda ntacyo ivuga kuri ibi. Byinshi byitezwe kumenyekana mu gihe yatangira kumvwa mu bucamanza.

Rusesabagina yari umukuru wungirije w’ihuriro ry’amashyaka ya politiki atavuga rumwe na leta y’u Rwanda, MRCD-Ubumwe, ihuriro rifite umutwe wa gisirikare wa FLN ukorera mu burasirazuba bwa DR Congo.

Mu 2018, umutwe wa FLN wigambye ibitero ku butaka bw’u Rwanda,mu karere ka Nyaruguru, ahegereye ishyamba rya Nyungwe, ibitero byaguyemo abantu benshi,abandi barakomereka ndetse imitungo ya rubandi irasahurwa indi iratwikwa.

Amategeko mu Rwanda avuga ko uwafashwe aregwa ibyaha n’ubugenzacyaha (RIB) agezwa imbere y’ubushinjacyaha mbere y’iminsi itanu, ubushinjacyaha nabwo bukagira iminsi itanu yo kumugeza imbere y’urukiko aho aburana ku ifungwa n’ifungurwa ry’agateganyo.

Rusesabagina yavukiye i Murama ya Gitarama ku wa 15 Kamena 1954, ariko nyuma yagiye gutura i Bruxelles mu Bubiligi na Leta Zunze Ubumwe za Amerika.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rutsiro: Polisi yafashe abagizi ba nabi bari bamaze kuroha mu mazi abarobyi...

Kuwa Gatandatu tariki ya 19 Nzeri 2020 abapolisi bo mu ishami rishinzwe...
21 September 2020 Yasuwe: 4242 0

Ngoma:Abagabo 2 baturikanywe n’ingunguru bari batetsemo kanyanga barashya...

Abagabo 2 bo mu kagari ka Kibatsi mu murenge wa Rukira wo mu karere ka...
17 September 2020 Yasuwe: 1609 0

Nyagatare: Polisi yafashe abantu 27 bari kunywa inzoga y’inkorano yitwa...

Polisi ikorera mu Karere ka Nyagatare, Umurenge wa Katabagemo mu Kagari ka...
17 September 2020 Yasuwe: 773 0

Rulindo: Polisi yarashe umugabo wahamwe n’icyaha cyo gutobora amazu...

Uwitwa Maniragaba François wari ufungiye kuri station ya Police ya Murambi...
13 September 2020 Yasuwe: 3260 0

Rubavu: Polisi yafashe urumogi rwari rutwawe mu byuma bizimya umuriro...

Polisi ikorera mu karere ka Rubavu yatesheje abagabo babiri barimo kwinjiza...
12 September 2020 Yasuwe: 1256 1

Huye: Urusamagwe rwarashwe n’inzego z’umutekano nyuma yo kwinjira mu rugo...

Igisamagwe cyateye mu rugo rwo mu Mudugudu w’Agakera mu Kagari ka Rango-A...
11 September 2020 Yasuwe: 6222 1