Umunyarwakazi yishe umwana we amwihambira mu kirundo cy’ amabuye

Amakuru   Yanditswe na: Nsanzimana Ernest 11 August 2018 Yasuwe: 4641

Umubyeyi wo mu karere ka Musanze mu amajyaruguru y’ u Rwanda w’ abana bane yabyaye uwa 5 aramwica amutaba mu kirundo cy’ amakoro mu gashyamba kari hafi y’ aho atuye.

Byakozwe n’ umubyeyi wo mu mudugudu wa Kabaya mu kagari ka Cyabagarura mu murenge wa Musanze nk’ uko yabyemereye inzego z’ umutekano nyuma yo gutahurwa n’ abajyanama b’ ubuzima.

Ku wa kane tariki 9 Kanama 2018 ni bwo hagaragaye umurambo w’uruhinja mu gashyamba kari nko mu metero ijana uturutse ku rugo rw’uwitwa UWAMAHORO Jacqueline ubanagamo n’umugabo we bafitanye abana bane.

Abajyanama b’ ubuzima n’ abaturanyi ba UWAMAHORO bemeza ko UWAMAHORO ari we wabyaye uwo mwana agahita amwica ndetse akanamushyingura muri iryo shyamba yifashishije amabuye.

Nk’uko bigaragara ahatoraguwe umurambo w’urwo ruhinja, abaruhashyize ntibigeze bacukura, ahubwo bafashe ikirundo cy’amabuye akunze kuboneka muri ibi bice azwi nk’amakoro maze barayapangura barambikamo uruhinja bikekwa ko rwari rwamaze kwicwa runizwe barupfunyitse mu mwenda, maze bongera kurenzaho amakoro hejuru.

Ubuyobozi bw’umudugudu wa Kabaya ibi byabereyemo buvuga ko impamvu yo kumenyekana kw’ayo makuru ari uko abajyanama b’ubuzima baje kudashira amakenga uwo mugore witwa UWAMAHORO Jacqueline. Uyu mugore ngo yagaragazaga ibimenyetso byo gutwita ariko babimubaza akabihakana avuga ko adatwite. Abajyanama b’ ubuzima baje kubona inda bamubonanaga atakiyifite, bamugenzura neza bakamubonaho ibimenyetso by’umugore wabyaye ari nabyo byatumye bahita bahuruza inzego z’umutekano, ari nazo yaje kwemerera ko yakoze ayo mahano akagaragaza n’aho yari yarashyize uwo mwana bivugwa ko yari amaze icyumweru amubyaye.

Abaturanyi ba UWAMAHOHORO biganjemo abagore babwiye TV1 ko ibyo uyu mubyeyi yakoze byabambitse isura mbi ndetse byanabababaje cyane. Bamwe muri bo bamusabira ko yafungwa burundu, kuko ngo umuntu utagirira impuhwe uwo yibyariye adakwiriye guturana n’abandi.

Ubuyobozi bw’akagari ka Cyabagarura bwo bugira inama abashakanye kwirinda gucana inyuma kuko bikurura amakimbirane, ashobora no kubyara amahano nk’ayakozwe na Jacqueline.

Jacqueline UWAMAHORO w’imyaka 30 y’amavuko wiyiciye umwana, avuga ko impamvu yabimuteye ari uko inda atayitewe n’umugabo we w’imyaka 84 bari bafitanye abana bane.

Uwo musaza anivugira ko hari hashize imyaka itanu atabonana n’uwo mugore yashatse bwa kabiri nyuma y’uko uwa mbere yari amaze gupfa.

Umurambo w’urwo ruhinja wari wajyanwe mu buruhukiro bw’ibitaro bya Ruhengeri, UWAMAHORO Jacqueline ukekwaho kwihekura acumbukiwe kuri sitasiyo ya Polisi ya Cyuve

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Perezida Kagame yavuze ko cya gitero FDLR I Rubavu cyaguyemo abasirikare 3...

Perezida w’ u Rwanda Paul Kagame yatangaje ko abasirikare b’u Rwanda bagera...
14 December 2018 Yasuwe: 6000 0

Kigali: Umugore yafatanywe abamugaye n’abana bikekwa ko akoresha mu...

Mu murenge wa Kigali Akarere ka Nyarugenge mu rugo rw’umugore witwa Lidivine...
12 December 2018 Yasuwe: 2083 0

Perezida Kagame yeretse ingabo z’ u Rwanda ibanga ryo gutsinda umwanzi...

Perezida w’ u Rwanda akaba n’ umugaba w’ ikirenga w’ Ingabo z’ u Rwanda Paul...
12 December 2018 Yasuwe: 1920 0

Umugore n’ umusore bafatanywe udupfunyika ibihumbi 47 tw’ urumogi

Kuri uyu wa Kabiri tariki ya 11 Ukuboza 2018, Polisi y’u Rwanda yeretse...
11 December 2018 Yasuwe: 1830 0

‘Abashaka u Rwanda barwifuriza ibibi barukurahe se?’ Perezida...

Perezida w’ u Rwanda akaba n’ Umugaba w’ Ikirenga nyuma yo kureba ingabo z’ u...
11 December 2018 Yasuwe: 4037 0

Umukandida ushyigikiwe na Perezida Kabila wa Kongo ibihano bye...

Umuryango w’Ubumwe bw’Uburayi wahamishijeho ibihano ku bategetsi bo muri...
11 December 2018 Yasuwe: 630 0