Umunyarwandakazi yiciwe muri Malawi n’ abantu bamuteye ibyuma

Amakuru   Yanditswe na: Nsanzimana Ernest 13 April 2018 Yasuwe: 13286

Umukobwa w’ umunyarwandakazi witwaga Muganga yiciwe muri Malawi hashira iminsi itatu ntawe uramenya irengero rye. Abo mu muryango we bakeka ko yaba yarishwe n’ abanyeshyari

Ku wa Kabiri tariki 10 Mata 2018 nibwo umuryango wari warishingiye Muganga wabonye umurambo we wari waratangiye kwangirika. Ababonye uwo murambo bavuga ko nyakwigendera yishwe ateraguwe ibyuma n’ abantu bataramenyekana.

Tariki 12 Mata abo mu muryango wa Muganga bahagurutse mu Rwanda bajya gushyingura Muganga nk’ UMURYANGO. Umuhango wo gushyingura nyakwigendera uteganyijwe ku Cyumweru tariki 15 Mata.

Nyakwigendera yari yarishingiwe n’ umuryango uba muri Malawi. Uwo muryango ugizwe n’ umugabo w’ Umunyarwanda washatse umugore w’ Umunyamalawi.

Muganga yari umunyeshuri muri Kaminuza abifatanya n’ ubucuruzi. Uwo mu muryango wa Muganga wahaye amakuru UMURYANGO yatangaje ko Muganga avuka I Cyangugu mu karere ka Rusizi akaba yari imfubyi.

Ntabwo haramenyekana icyo nyakwigendera yahowe gusa umuryango we ukeka ko yaba yarishwe n’ abanyeshyari kuko ngo Abanyamalawi batifuza ko hari umunyamahanga watera imbere kubarusha.

Muganga siwe munyarwanda wa mbere wiciwe muri Malawi kuko muri Matarama umwaka ushize wa 2017, umunyarwanda witwaga Richard Kaponda, yiciwe muri Malawi anigishijwe umukandara we nk’ uko polisi ya Malawi yabitangaje icyo gihe.

U Rwanda na Malawi bifitanye umubano ushingiye kuri za ambasade ndetse ibihugu byombi mu mwaka ushize wa 2017 byasinyanye amasezerano yo kohererezanya abakekwaho ibyaha.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Domi

    2 timoteyo 3:1-5

    April 2018
  • chat_bubble Domi

    2 timoteyo 3:1-5

    April 2018
  • chat_bubble Mazina

    Mu Kinyarwanda baravuga ngo "amahanga arahanda".Abantu batabaye mu mahanga,ntabwo bazi uko bafata abanyarwanda.Barabasuzugura cyane,bakabita "Nyarwanda".Niyo mpamvu mbere yo gufata icyemezo cyo kujya kuba mu mahanga,abantu bagomba kwitonda.Benshi bakeka ko bagiye gukira (to be rich),ntibarebe ibibazo bazahura nabyo.
    Gusa nk’umukristu,nagirango nibutse abantu ko mu isi nshya ivugwa muli 2 petero 3:13,ibibazo byose bizavaho,abantu bakundane kuko izaba iyobowe na Yesu (Ibyahishuwe 11:15),hamwe n’abantu bazajya mu ijuru (Ibyahishuwe 5:10).Abantu babi bose,imana izabakuraho ku munsi w’imperuka uri hafi.Niba nawe ushaka kuzaba muli paradizo,shaka imana cyane,aho kwibera mu byisi gusa,kuko imana ifata abibera mu byisi gusa nk’abanzi bayo (Yakobo 4:4).

    April 2018
  • chat_bubble maxi

    Ko bigoye, mwagerageje mukareba kure mukitahira, bazabamara , u Rwanda ubu ruraryoshye, ufite icyo akora ameze neza, unushomeri nawe arihangana, igikuru numutekano.

    April 2018

Inzindi nkuru

Bamwe mu bateye Kitabi bishwe, abashimuswe baratabarwa. Bimwe mu bindi...

Lt Col Innocent Munyengango yatangaje ko Ingabo z’u Rwanda zakurikiye...
18 December 2018 Yasuwe: 13259 2

Nyamagabe:Abantu bataramenyekana bagabye igitero ku modoka zitwara abagenzi...

Mu karere ka Nyamagabe umurenge wa Cyiitabi,abantu bataramenyekana...
16 December 2018 Yasuwe: 5880 1

Perezida Kagame yavuze ko cya gitero FDLR I Rubavu cyaguyemo abasirikare 3...

Perezida w’ u Rwanda Paul Kagame yatangaje ko abasirikare b’u Rwanda bagera...
14 December 2018 Yasuwe: 8383 0

Kigali: Umugore yafatanywe abamugaye n’abana bikekwa ko akoresha mu...

Mu murenge wa Kigali Akarere ka Nyarugenge mu rugo rw’umugore witwa Lidivine...
12 December 2018 Yasuwe: 2828 0

Perezida Kagame yeretse ingabo z’ u Rwanda ibanga ryo gutsinda umwanzi...

Perezida w’ u Rwanda akaba n’ umugaba w’ ikirenga w’ Ingabo z’ u Rwanda Paul...
12 December 2018 Yasuwe: 2630 0

Umugore n’ umusore bafatanywe udupfunyika ibihumbi 47 tw’ urumogi

Kuri uyu wa Kabiri tariki ya 11 Ukuboza 2018, Polisi y’u Rwanda yeretse...
11 December 2018 Yasuwe: 1973 0