Umuturage wabonye ingona yaryaga abantu kuri Nyabarongo yavuze ko iyarashwe atariyo yabaryaga

Amakuru   Yanditswe na: Nsanzimana Ernest 3 September 2017 Yasuwe: 6399

Mu minsi yashize humvikanye cyane ikibazo cy’ ingona zaryaga abantu bagiye kuvoma amazi ya Nyabarongo. Inzego z’ umutekano zarashe imwe muri izo ngona ariko Magera Venant uvuga ko yiboneye n’ amaso ingona yaryaga abantu yavuze ko iyarashwe atariyo yaryaga abantu.

Magera w’ imyaka 65 na bagenzi bari bahuje ikibazo cyo kutagira amazi meza batangarije Umuseke dukesha iyi nkuru ko abaturage ingona zariye babaye ibitambo kuko ubu abasigaye bamaze kugezwaho amazi meza.

Iki kibazo cyo kuba aba baturage bataragira amazi meza bavuga ko bari bakimaranye imyaka myinshi, barakibwiye ubuyobozi inshuro nyinshi bukabizeza ko bugiye kugikemura ariko amaso agahera mu kirere. Ibi ngo nibyo byatumaga bajya kuvona amazi ya Nyabarongo.

Uwera Drocela ati “Nyabarongo niyo twanywaga niyo twatekeshaga tukanayimeshesha, ariko ubu baduhaye amazi meza uwasubira kuvoma biriya birohwa azi ko hari n’ingona yaba agiye kwiyahura ntawamuririra.”


Uwera Drocela ati uwasubirayo zikamurya ntiyaririrwa

Aba baturage bemeza ko uyu ariwo muti urambye, kuko kuzica bitari igisubizo. Ndetse ahubwo ngo iyo bishe siyo yaryaga abantu.

Venant Magera ati “Ejo bundi baje kuzihiga n’amasasu aravuga. Ariko iriya bishe siyo yaryaga abantu. Icyaryaga abantu ndakizi ntabwo cyasaga kuriya. Ariko mu byukuri kuzica siwo muti wa nyawo kuko ntibazica ngo bazimare.”

Icyo aba baturage bishimira ubu ni uko amazi yabagezeho nta uzasubira muri Nyabarongo gusagarira ingona, kuri bo nazo ngo bazireka zikiberaho nabo bakabaho.

Mu tugari twa Kavumu, Ntungamo, Runzenze mu murenge wa Mageragere mu karere ka Nyarugenge mu mugi wa Kigali niho hagaragaye iki kibazo cy’ abaturage baribwaga n’ ingona bajyaga kuvona Nyabarongo kubera kutagira amazi meza.


Abaturage bemeza ko muri Nyabarongo habamo ingona nyinsjhi gusa ngo ubwo babonye amazi bazireka zikiberaho nabo bakaho


Iyarashwe

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

RDF yatangiye gusimbuza abasirikare bari mu butumwa bw’amahoro

Abasirikare ba Batayo ya 53 ni bo bagiye gusimbura bagenzi babo ba Batayo...
10 December 2017 Yasuwe: 1081 0

Gen. Kabarebe na Gen. Patrick bagiranye ibiganiro n’intumwa ya...

Kuri uyu wa kane tariki ya 07 Ukuboza 2017 Intumwa idasanzwe y’Umunyamabanga...
7 December 2017 Yasuwe: 1181 0

Evode Imena wari ugiye kumara umwaka akurikiranyweho ibyaha yagizwe...

Urukiko rwisumbuye rwa Nyarugenge rwagize umwere Imena Evode wahoze ari...
7 December 2017 Yasuwe: 1751 0

Kigali: Abajura babiri muri bane bateye umuturage batawe muri...

Ku mugoroba wo kuri uyu wa 3 Ukuboza nibwo mu karere ka Nyarugenge mu...
6 December 2017 Yasuwe: 2027 1

‘Mu myaka ine: Abagabo 122 bishe abagore, abagore 61 bica abagabo’...

Imibare igaragazwa na Polisi y ‘ u Rwanda igaragaza ko abagore ari bo benshi...
6 December 2017 Yasuwe: 426 0

Kigali: Polisi ifunze 3 binjizaga urumogi mu mujyi wa Kigali

Mu ijoro ryo ku itariki ya 2 Ukuboza, Polisi y’u Rwanda ifatanyije...
5 December 2017 Yasuwe: 415 0