‘Witegura intambara ariko udashaka ko iba’ Perezida Kagame

Amakuru   Yanditswe na: Nsanzimana Ernest 13 July 2018 Yasuwe: 5064

Perezida w’ u Rwanda akaba n’ umugaba w’ ikirenga w’ ingabo z’ u Rwanda yagaragaje impamvu igihugu gikomeza guha imyitozo n’ amasomo abasirikare kandi igihugu kiri mu mahoro anashimira ababyeyi n’ inshuti bashishikariza abantu kujya mu gisirikare.

Ibi yabitangarije I Gako mu karere ka Bugesera kuri uyu 13 Nyakanga 2018, ahabereye umuhango wo guha ipeti rya Lieutenant abasirikare bamaze umwaka bahabwa amasomo n’ imyitozo bya gisirikare.

Umugaba w’ ikirenga w’ ingabo z’ u Rwanda yavuze ko iyo hatari intambara cyangwa ibindi byo kurinda amahoro mu gihugu no hanze y’ igihugu, ingabo zitabira ibikorwa bindi bisanzwe byubaka igihugu n’ amajyambere.

Yagize ati “Ingabo zitorezwa kuba zarwana intambara, ariko ntibivuze ko ziba zishaka intambara. Ntabwo abantu batorezwa gushoza intambara batorezwa kurwana intambara yabashojweho kuko rimwe na rimwe nabyo biraba”.

Yakomeje avuga ko iyo ibihe byiza aribyo bibaye ho bikaramba, abasirikare bashobo`ra kurinda bajya mu zabukuru batabonye intambara. Yongeyeho ko aricyo kigamijwe.

Ati “Nicyo kigamijwe rero. witegura intambara ariko udashaka ko iba, ariko igihe yabaye ndetse kenshi uwayigushojeho uyimurangirize. Nicyo ingabo zacu zitorezwa, nibyo zikwiye kuba zihangana nabyo”

Umukuru w’ igihugu akaba n’ umugaba w’ ikirenga w’ ingabo z’ u Rwanda yasabye abasirikare kutazigera bashoza intambara kuko ngo si byiza ngo nta n’ ubwo bikenewe ahubwo igikenewe ni ukwiyubaka bijyanye n’ ibihe bigezweho n’ ibihe bizaza.

Gusa yavuze ko ibyo abanyarwanda bagena ari iby’ iwabo ngo ntibagena iby’ ahandi.

Ati “Ibyo tugena cyane cyane ni iby’ iwacu, ntabwo tugena iby’ ahandi. Iyo iby’ ahandi byabaye ko bakubonamo, batubonamo ikibazo bagira icyabo, bakagushozaho intambara icyo gihe nyine niho dukoresha umutimanama wacu, ubushake, imyitozo twahawe n’ ubumenyi hanyuma tukabirangiza uko bikwiye. Nizo ngabo twifuza”

Perezida Kagame yahaye ikaze aba bofisiye bato mu ngabo z’ u Rwanda anababwira ko ari umwuga mwiza ukwiriye kubatera ishema kuko ubafasha kwiyubaka uko bikwiye n’ uko babikwiye.

Umukuru w’ igihugu yababwiye ko barangije igice cy’ amahugurwa n’ imyitozo by’ ibanze abibutsa ko bihoraho mu rwego rwo kubongerera imbaraga n’ ubushobozi bwo guhangana n’ ibihe biri imbere yabo.

Yanashimiye imiryango, ababyeyi n’ inshuti babashishikarije kujya muri uyu mwuga avuga ko abenshi badakunze kubyitabira.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Iperereza ku bwicanyi bwakorewe CSP Hubert Gashagaza (Rtd) na Alexia...

Mu ijoro ryo ku italiki 17 rishyira 18/9/2018 nibwo umurambo wa CSP Hubert...
29 April 2019 Yasuwe: 8724 4

Ko abaturage b’Amerika n’Uburayi basabwe kwitondera gusura u Rwanda bivuze...

Leta Zunze Ubumwe z’Amerika, Ubudage, Ubufaransa, Ubwongereza, Australia,...
26 April 2019 Yasuwe: 5832 2

HUYE:Kubwimana yitabye Imana hashize isaha imwe avuye guhabwa...

Nyakwigendera yitabye Imana kuri iki Cyumweru cya Pasika tariki 21 Mata...
22 April 2019 Yasuwe: 5737 0

Ko bwari bwije uwarashe indege ya Habyalimana yabwiwe n’iki ko ariwe koko...

Mu ijoro ryo kuwa 6/4/1994 indege yari itwaye Perezida Habyalimana ndetse...
20 April 2019 Yasuwe: 14235 6

Ignace Murwanashyaka wayoboraga FDLR yaguye mu Budage

Inkuru dukesha ikinyamakuru Umuseke yasohotse ku mugoroba wo kuri uyu wa...
17 April 2019 Yasuwe: 7701 2

Hari amakuru avuga ko Maj Sankara Callixte yafashwe akaba yaranagejejwe i...

Kuva mu gitondo cyo kuri uyu wa mbere hatangiye gukwirakwiaa amakuru ku...
15 April 2019 Yasuwe: 37374 17