Havumbuwe umuti utuma abagabo bazinukwa guca inyuma abagore babo

30 July 2016. | URUKUNDO | 1 Ibitekerezo | Umumararungu Alice
  • MyPassion

Abashakashatsi bo muri kaminuza y’ahitwa Bonn mu gihugu cy’u Budage bashyize ahagaragara umuti wo mu bwoko bw’imisemburo (hormone) witwa Ocytocine ufasha abagabo kwishimira abagore babo ntibabace inyuma.

Uwo muti usanzwe wifashishwa mu gufasha abagore bari ku bise (bagiye kubyara) mu kwihutisha icyo gikorwa ariko ngo ufasha n’abagabo kutita ku kimero cyangwa uburanga bw’abagore batari ababo; nk’uko tubikesha ikinyamakuru Journal of Neuroscience.

Uwo muti ngo ukoresha igice cy’ubwonko cyitwa hypothalamus, umuntu akaba ashobora kuwuterwa mu nshinge cyangwa kuwunyuza mu mazuru.

Ubwo bushakashatsi bwakorewe ku bagabo 86 bazwiho kugira abagore b’inshoreke bari mu kigero cy’imyaka 25, bigaragara ko iyo bakoreshaga uwo muti bagumanaga n’abagore babo gusa.

Icyakora, ngo uyu muti ugira igihe ushirira mu wawuhawe kuko udahora mu muntu, ariko icyo gihe kikaba kitaragaragazwa.

    Facebook Twitter Addthis
Ibitekerezo
  • MyPassion

    Surnaturel
    11 August 2016 - Musubize

    Bajye bishinga izi nshinge zikorana n’ubwonko ngo baravurwa, ehhheeee, ntibakababeshye ntakivangwa n’ubwonko ni bibi cyane, haraho bizagera abantu bagata ubwenge ubundi wamugani bakazajya bakoreshwa nk’ibirobo, ntaufite ubwenge bwo kwi impoza (s’imposer contre les points ou côtés négatifs). Aux bons entendeurs, salut!!!

Tanga Igitekerezo